|
رد: زوجي زعلان مني عشان للعبه ؟!!
قلتي انا اشتريت لولدي الصغير لعبة وجات أمس بالعصر لاني كنت طالبتها من موقع اجنبي
اول شكرا على اهتمامك بولدك وحبك له بتفريحة بلعبة ------------------------------------------------- و قلتي يطالع فيني وهوا رافع حواجبو كأني مسويه جريمه و لكن استغرب في انتقائك بوصف زوجك لحواجبه و لم تفسري نضرته بنضرة استغراب فشعروك بالكلمة كاتبتيها كان عند ردة فعل سابقة منه فدائما بعض الكلمات تعبر عن ما في داخل الشخص بقولك رافع حواجبه -------------------------------------------- و قلتي ... قال انتي شايفه فلان ولد ولا بنت قلت له ولد قال طيب ليش جايبه له ألعاب زوجك كلامه صحيح ولد و لازم ان يتربى من الصغر على العاب التي تخص الاولد ونظرة الوالد للولد في هاذي الحالة ان الولد اذا لعب للعاب البنات راح يتعود مستقبل انه يطلب العاب بنات و هذا سلوك غلط لن من تربى على شي شاب عليه --------------------------------------------------------- و قلتي انه قال زي كدا يلا قومي خذيها وشوفي لك معاها صرفه قلت له سلامات اشبك انت ؟ نوع الحوار بينكم فيه جفاف و كل واحد فيكم يحاول يبرز شخصية على الاخر و دايم الحوار الي ما يكون في تفاهم و تنازلت دايما ينتهي بالعناد --------------------------------------------------------- و قلتي انا قلت له لا تحلف ولا حاجه انا اللعبه اشتريتها بفلوسي وغاليه بـ 400 ريال مع التوصيل دايما بعض الكلمات تزرع في قلب الزوج او الاخر نوع من ردة الفعل الغير مباشرة فكلمتك انك انا اشتريتها بفلوسي هذا الي خل زوجك زعلان من امس كانك تمنين عليه بانك مالك فضل باللعبة و لا لك دخل فيها فكلمة بفلوسي دايما تزرع في القلب نوع من الجرح غير مباشر تقدرين تقولين له ابشر خله يفرح فيها اليوم و بكرة اشيلها على ان الولد بينسها اما اسلوب ان جبتها بفلوسي فهذي راح تزرع في قلب زوج ان يكون بينكم رسميات في الفلوس فلا تاخذك العزة بالاثم فهو اصلا عارف انها بفلوسك ما يحتاج تذكرينه --------------------------------------------------- و قلتي رأيكم ايش اسوي معاه اطنشو ولا كيف اتصرف معاه؟؟ مسالة انك تسالين الناس بانك تطنشينه و كيف تتصرفين معاه هذا يدل انك ماعندك شخصية و اي واحد يقدر يتحكم في حياتك ودايما الكتاب باين من عنوانه بدال ما تتداركين الموضع وتكسبين حب زوجك داخله ... تاخذين استشارة في كيف تمشين رايك و تفرضينه عليه فعلشان كذا اتمنى تدخلين قسم المطلقات وتقراين كم بنت موجودة تمنت ما دمرت حياتها و سمعت كلام زوجها و ما تطلقت و هذا مو معانه انه راح يطلق بس دايما تبدا الحياة بالانحدار و التفكك من هاذي الاشياء البسيطة فعلشان كذا كبري عقلك عن بعض السوالف |
رد: زوجي زعلان مني عشان للعبه ؟!!
وليش يعني الاولاد مايلعبوا بالمطبخ لا والله عادي
الحين بالروضات والحضانات يعلموهم اشياءبسيطه تزيين كيك او حلا او ساندويتش فااشوفه عادي جدا وبالعكس الطفل يتعلم ادوات المطبخ ويكتسب خبرات لغويه والي يستغرب من السعر اولادنا اغلى من الاموال وفعلا ادفع الف بلعبه يستفيد منها ولا بجهاز يدمره عارفين اغلب الاخصائيين قالوا لي وفري لطفلك لعبه من واقع حياتكم زي المطبخ والبيبي ووو زوجك كبر الموضوع بس خلاص يلعبها وهو مو موجود وانتهى |
رد: زوجي زعلان مني عشان للعبه ؟!!
زوجك معه حق في رفض هذه اللعبة
لعبة تناسب البنات لا الاولاد من قلة اللعب الولادية تشتري له لعبة طبخ! |
رد: زوجي زعلان مني عشان للعبه ؟!!
اقتباس:
طبيب ، مهندس ، طيار .. إلخ الكترونيات ، طياارات .. تركيب قطع و غيره jyjy |
رد: زوجي زعلان مني عشان للعبه ؟!!
مو عيب انه الولد يتعلم الطبخ ..
أولادي اعلمهم يساعدوني بالمطبخ ، و جالسة أعلم الكبير مرات كيف يعمل بيض مقلي .. و يعرف يسوي لنفسه ساندويتشات و يدبر حاله شوي شوي .. لكن اجيب له لعبة بنات ، و اتكلف بمبلغ على شي ما يستاهل ؟ |
رد: زوجي زعلان مني عشان للعبه ؟!!
نفسي اشوفها وش لعبة المطبخ اللي تكلف 400
لان لم قلتي مطبخ تخيلتها غاز وصحون وملاعق 😊 |
رد: زوجي زعلان مني عشان للعبه ؟!!
انا حامل ببنت ولو الله تمم لي راح اعاملها مثل معاملتي لبنت اختي .. بنت اختي حيل متعلقه فيها واحبها بجنون ومستحييل ارفض لها طلب و اللي تتمناه اجيبه لها .. مايفرق معي السعر ابد لان فلوس تروح وتجي والحمدلله ماني مقصره بالصدقات .. يعني الواحد يأدي واجبه بفلوسه ومايحرم نفسه من شي لان النفس تحاسبه بعدين .. بنت اختي والله ماعمرها تمنت شي بالنت او بالتلفزيون او بسوق وماجبته لها اشتريه حتى لو تافه وغالي ماخليه يروح بنفسها يعني مستحيل ابخل على بنت اختي فكيف بنتي ؟ الدنيا نعيشها مره و فرحة الطفل بلعبة تسوى الدنيا ومافيها .. استغرب من اللي يبخلون على " عيالهم " بحجة ( التبذير ) بالعكس اشجع صاحبة الموضوع على شراء العاب ب400 و 4 الاف بعد عادي .. و اشتري العاب بنات او اولاد ماتفرق واللعب مو محدد وصدقيني كذا يطلع ذكي اذا نوعتي له بالالعاب .. لان ولد اخوي كان يحب السيارات و اخوي مستحيل يجيب له شي يخص البنات وكله سيارات لين صار فيه توحد ومايلعب الا بسيارات ومايتكلم ولا شي وكل ماشاف سياره يبيها وماينام الا وهو حاضن اخر سياره شراها .. اخوي ضيع ولده ب اهتمامه وخوفه انه مايطلع رجال لو لعب بألعاب بنات .. والنتيجة توحد مانفعه رجولته ب اختيار العاب ولده .. ولد اختي ماعنده اخوان وعنده اختين وطبعا اغلب الالعاب بنات وهو يلعب مع خواته وهم يلعبون بالعابه وكل واحد فيهم ماشاء الله اذكى من الثاني . اهم شي لاتشتري له العاب بنات كثير و ابعدي عن الدميات والمكياجات والباقي عادي .. و قولي لزوجك مافيها شي لو نوعت له بالالعاب عشان مايصير تركيزه ع شي واحد ويمرض عقله .. اقنعيه بطريقتك بس مو بصراخ ونقاش حاد .. يعني ب اسلوب هادي ودلع وقولي شوف كيف فرحان فيها وانا مستحيل اضر ابني بس عشان انمي ذكاءه لازم انوع له بالالعاب والطبخ مو بس حق بنات و الخ يعني اقنعيه و ان شاء الله يقتنع
|
رد: زوجي زعلان مني عشان للعبه ؟!!
اقتباس:
|
رد: زوجي زعلان مني عشان للعبه ؟!!
وعلى فكره اللعبه شفتها مره وفكرت اشتريها لبنت اختي لان عجبتني انا هههههههههه بس لما سئلتها تبينها ؟ قالت لا ابي غيرها .. وطلبت غيرها
|
رد: زوجي زعلان مني عشان للعبه ؟!!
الافظل ان كل جنس يلعب بأشياء تخصه الذكر معروف منذ صغره يميل للعب بالسيارات الكرة وغيرها فطرة فيهم اما البنات فيملن للدمى واواني الطبخ ويجب ان تعززي انتماءه الذكوري بما يناسبه .
عندي تلميذ في قسمي يبلغ ٩سنوات لو ترين ميوله وكراريسه كلها الوان وورود كالبنات اصبح مسخرة عند اصحابه وكلمته كم مرة وارسلته للموجهة النفسية بلا فائدة بعد استدعاء امه اتضح انه تربى على هذا الشئ |
| الساعة الآن 09:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©