|
رد: عروسه تعيسه
طيب هل انتم سئلتو عنه قبل تتزوجينه او لا ؟؟
ايضا انتي الحين مطلقه مرتين صح تحتاجين تسالين شيخ عن طلاقه يقع او لا الامر الثاني نعم البعد عن الله يقلب حياة الشخص الى نكد وضيق وهم وغم الصلاة وماادراك ذنب عظم لتاركها بل بعض العلماء قالو كافر والدليل العهد اللذي بيننا وبينهم الصلاة فمن تركها فقد كفر " اذا رجع لصلاة وتقرب الى الله صارت حياته هادئه وجميله |
رد: عروسه تعيسه
بخصوص طلاقه اللي قبل الاولى يقول ماعجبو شكلها والثانيه بسبب وظيفتها بمكان مختلط ... وسألنا عنو قبل الزواج الكل كان يمدحو .. انا ماحس انو يشرب شي بس انو يدخن بشراهه .. وبخصوص الطلاق انا سمعت المفتي يقول انو الطلاق البدعي مايقع فاعتمدت عليه .. اذا كلمت اهلو قالو الولد تعبان اصبري وهوا ماكان فيه شي فجأه تعب ويقولولي قصص الحريم اللي صبرو ع ازواجهم .. أوقات احس كلامو مو متزن وقلتلو نروح للدكتور واني بروح معاه ورفض .. والحين تركني ببيت اهلي ومدري متى يجي ... محتاره بين الصبر والطلاق
|
رد: عروسه تعيسه
اقتباس:
كثّر خيرك صابرة للحين أنا ماراح ألومك ليه لما إكتشفتي إنه ماقالكم كان مملك مرتين المفروض ماأستعجلتي وأخذتوا وقت تسألون قدّر الله وماشاء فعل لكن حالياً إذا إنتي في بيتك إبحثي بين أغراضه إذا لقيتي حبوب إبحثي عن أنواع المخدرات وشوفي إذا تطابق الأشياء اللي ذكرتيها عنه تطابق مع صفات اللي يتعاطون الشك ، هلاوس ، الضعف الجنسي ، تغيير حاد مفاجيء في المزاج تبين نصيحتي لاترجعين له لين تعرفين وش مشكلة هالبني آدم إن كان مرض نفسي وإنتي تبين تكملين معه لازم تفكرين ل 15 سنة قدام وتفكرين بحال عيالك وإن كان مخدرات لا والله لاتجلسين عنده بكرة يذبحك ويذبح أهلك وإن كان مسحور ولو إني أشك الله يشفيه ويعافيه يتعالج بعدين ترجعين له مو معقولة أهله مايعرفون ولدهم وهو تزوج قبلك مرتين لو مثل مايقولون مسحور كان عالجوه بس شكلهم والله أعلم ولا أبي أظلمهم إنهم من طقة زوجوه يعقل الله يكون بعونك فكري بنفسك هذا شخص غير سوي وغير متزن أي حياة ترجينها معاه |
رد: عروسه تعيسه
اقتباس:
ينام فترات طويله ويكون خلالها نومه ثقيل واذا حصل قروش او نزل الراتب سهر ليالي يعني يجلس فترة بلا نوم او نومه خفيف اويسكر على نفسه ويسوي نفسه نائم ولو انك تعرفينه من قبل راح تعرفينه بعلامات اخرى |
رد: عروسه تعيسه
اقتباس:
<< وين يروحون من ربي هم سبب في تعاست وظلم بنت ناس الحــــل انتي الحين خليج ببيت اهلج ولاتستعجلين على الطلاق ولا على الرده لبيته اصبري وشوفي شنو علته على الاقل تقدرين تقررين اما الاستمرار او الطلاق هل له اخوان متزوجين وكيف حياتهم مع زوجاتهم وكمان هل تقدرين تكلمين وحده من زوجاتهم تسالينها عن زوجج وحياته قبل الزواج اكيد عندها خبر مو معقوله ماتدري ان اخو زوجها فيه عله ويكون سؤالج من ضمن السوالف مايكون سؤال رسمي حتى ماتشك |
رد: عروسه تعيسه
حبيبتي
اهم نقطة لاتحملين منه.. فكري اذا 4الاشهر الاولى طلاقين وهجر شهرين باقي حياتك كيف بيصير!! عادة الاختلاف والمشاكل القوية تبدأ من السنة الثالثة اذا مررة بدري ربي ييسر امورك ويختارلك الخير وين ماكان |
رد: عروسه تعيسه
تبين الصراحه
شكله مقلب وأكلتيه ... امه تقول اذا كان عندها يروح يصلي !! ويحكون قدامك قصص الحريم اللي يصبرون وتكون بنت رجال صحيح .. سبحان الله وتصيرين متحمسه وتقولين لازم أضحي وأصبر طبعا هذا اللي هم يبونه ... أختي زوجك وضعه غير طبيعي وخطير .. أحذري وحاولي يدخل مستشفى يتعالج مرضه نفسي وهذا الواضح ... الله يستر عليك ويشفي زوجك ..، |
رد: عروسه تعيسه
فعلا زوجك مريض نفسي الله يشفية ،، ومرضة صعب يحتاج علاج طويل وصبر ،، لا يمكن الوثوق به ابدا ،، طلقك مرتين خلال اشهر ،، والثالثه قريبة جدا ،، اذا لم يتعالج لا ارى انك ترجعين له ،، الحياة معه صعبة جدا ،، واكثر شي يغبن انهم غشوك فية ولا قالوا عن عيوبة ومشاكله ،،
|
رد: عروسه تعيسه
اقتباس:
ووجهو باين فيه الضيقه وعيونو لونها احمر بس استبعد المخدرات لانو يحتاجلها فلوس ومن الاشياء اللي عرفتها مؤخرا انو الشركه اللي هوا فيها فلست قبل زواجنا وماقالي وكنت أسألوا متى ترجع لدوامك ويعطيني تاريخ من عندو يعتمد بالصرف ع ابوه |
رد: عروسه تعيسه
اقتباس:
|
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©