رد: زوجي راجع من السفر
 

اذا رجع اضغطي على نفسك وقولي الحمدلله على سلامتك حبيبي وتراني مشتاقة لك بالحيل وضميه في نفس الوقت وحاولي تعطينه من الكلام الحلو الي بخليه يندم انه سافر بدونكم
لاتنكدين عليه

رد: زوجي راجع من السفر
 

اذا عطيته من الكلام الحلو
اخاف هذا تشجيع له يكررها
كأنوا انا وحده عادي ماعندها احساس
سافر واستناس وانا انلعن بالديره اضف عيالك
عادي حبيبي كررها

الاحتمال الثاني برضو خايس
انه يقول تسنعت لما سحبت عليها وسافرت
هذي ماتجي الا بالعين الحمرا

رد: زوجي راجع من السفر
 

اسمحلي اختي كنافة نكدية ونص

طليقي الأولي عقب وفاة بنتنا راح تايلند ومن حسابي وبدون لا ادري وانا مخليني بروحي عقب هالموقف الصعب جدا

ولما وصل استقبلته بكل وناسة ورحابة صدر


انتي تبين تحكرينه فيج وتبين تكون دائرته ضيجة فيكم وهالشي ما يناسب تكوين الرجل


لو انا منج اكسر عينه

هو درى انج زعلانه وعنده تأنيب ضمير واذا استقبلتيه بكل حب مراح يعيدها لانه عارف ان هالشي يضايقج ومع هذا انتي مستانسة لوناسته

اذا رجع استقبليه بمفاجأة او شي يسر خاطره مع أكله حلوة هو يحبها

صدقيني زوجج فيه الخير بس رجل وبطبيعة الرجال اناني يعني هو مو خارج قانون الذكورة


وبعدين عياله اهما عيالج طلعوا من بطنج مو من بطنه وما فيها شي لو اخوانج ودوا عيالج المستشفى وهو مسافر

إبو بنتي مخليني اعابل في بنته وهو مثل ....... قاعد عند امه لو مسافر اهون

خلج احسن منه واستقبليه بكل حب وفرح

رد: زوجي راجع من السفر
 

كيف استقبله بمفاجأه
حسستوني راح يجيب الدكتوراه
والا راجع من عمره

وهو سافر يتصرمح بشرق اسيا

انا بحاول اعصر على نفسي ليمونه
واستقبله عادي
ماراح اعاتبه عشان ما اصير نكديه

اللي عنده خطه ثانيه يفيدني فيها
ما ابي هالشي يعدي بالساهل

رد: زوجي راجع من السفر
 

يابنت الحلال انتي تنكدين على نفسك
لاتحطين راسك براس زوجك
خليك حواء واحتوي الموضوع وحاولي تلمحين له بطريقة حلوة "انه يازوجي كان ودي تبقى عندنا"
لان انتي ماقبليته زوج لك غلشان يقعد مقابلك 24 ساعة
لازم يغير جو
وانتوا يطلعكم اي واحد ثاني لانكم عائلته
اما اصحابه اكيد رتب معهم من اول وخالص

انتي خسرانه اذا حطيتي راسك براسه حتى ماراح تستفيدين لانه هو سافر ورجع
ماراح تخرجين الا بكره ونكد يعود عليك بالضرر

رد: زوجي راجع من السفر
 

وليش تعصرين على نفسج ليمونة

استقلبيه بحب وبدلع وبلبس حلو وغيري شوي بالبيت يعني اي شي تحسينه بيلاحظه زوجج
واعتقد اول ما راح يلاحظ انتي

انتي تغيري عشان هو يتغير

رد: زوجي راجع من السفر
 

مع احترامي لك
كلام فاضي وكذب لما يقولو اذا ريحتي زوجك مابيقارقك ويترك اصحابة

<< ياما ياما سكتنا على امور اقوى من سفر
وياما و ياما ريحنهم وسمحنا لهم يسافرو + ويسهرو + وينبسطو
والنتيجه = تمادى الرجال
والحل هو الانفصال دامة مو قد مسؤلية بيت وزوجه

رد: زوجي راجع من السفر
 

ماراح يحس بتأنيب الضمير .. بالعكس لما تنكدي عليه راح يطفشك بالسفر وكل مشكله حيقولك بسافر ...


والمفروض الزوجه لما يسافر زوجها تجلس ببيتها.. لو راحت لاهلها حيفضل مرتاح ومطمن ولا على باله ... وخاصه الزوج الغيور مستحيل يتحمل يسافر وزوجته بالبيت ...

انا ماأيد سفر الزوج وزوجي عارف هالشي من قبل الزواج وفوق كداا.. مطفشني بالسفر وكل فتره يقولي حجزت .. ابين له انه فكه ومبسوطه وفرصه عشان اخرج مع صحباتي.. ينسى السالفه ولا سافر للان ... واتوقع لو بينت زعلي ورفضي بيصمم اكتر ..

الله يعينك ويسخر لك زوجك ويفتح لك من اوسع ابوابه 💓

رد: زوجي راجع من السفر
 

بصراحه ما أشوف في سفرته خطأ ..
كملك وأعطاك مصروفك وين المشكله والرجل واعدك بسفره ..
يعني مو مقصر عليك .. وبخصوص مرض الولد وأنا أخوك هو ما يعلم الغيب .. والمرض مو كايد الحمدلله يعني تبينه يرد عشان الولد مرتفعه حرارته او شئ خفيف مو معقوله وأخوك كثر الله خيره قام بالواجب ..
وتبين الصدق سافرت لأندونيسيا أكثر من سفره وقررت أخذ العائله وأخذتهم فرق شاسع من ناحيه الراحه النفسيه اولاد وصياح و السفره صارت كلها تحذير ومشاكسه الأولاد متعبه لا وطاح علي الولد الصغير 4 سنوات واخذ له 6 غرز فوق عينه وقدمت حجز ورجعت ..،
لكن الواحد بحاله هو وأخوياه وربك راح نفسيه لا تفكير ولا دوشه هو معك طول السنه خليه يهج له كم يوم وين المشكله ،. سفره له وسفرك لك يسعدك ربي عن النكد
استقبليه بحفله خاصه مع هديه وجو هادئ وش زين الرومانسيه. . وما يمنع تقرصينه قرصه خفيفه مثل تقولين لا عاد تتركنا وتسافر ترى فيه ناس تفقدك وتبيك وهيك شئ
الله يألف بينكم ويسعدكم

رد: زوجي راجع من السفر
 

لاتبيني له انك حزينه ولاتستقبليه بحب ودلع لان خاصه ان الايام الي قبل كانت متوتره... انا اشوف انك تطنشيه بيوم رجعته شوفي لك خرجه مع صحباتك او اعزميهم ببيتك... اهم شي تنشغلي بس لاتنشغلي ببيتك واطفالك ابدااااا...