رد: اخي Neat Man و زين ابيها
 

ال 100 ألف هي اللي بدولابها
والبقية في البطاقة .. حسب اللي فهمته ...

سمورة.. هو عنده علم ب عدم رضاج
خلاص انتظري جم يوم نشوف شبيسوي


و بإذن الله مثل ما قال اخي نيت مان ما راح تخسرين أحد
وانتي اللي وياج الحق..


مستقبلاً لما تردين كل فلس هو شاله منج
كوني حريصة ان ما يرجع ياخذ منهم شيء..

رد: اخي Neat Man و زين ابيها
 

البطاقه فيها 300 .. وانا معي 100 ... والباقي مع عمي يحول لي يوميا مبلغ لحسابي ... لاني على مافهمته يكون في حد مسموح ومدري ايش .. وهو اخذ البطاقه وال 100 يعني الحين معاه نص مليون تقريبا ...

ان شاء الله يازين...

شكرا لكم ..

رد: اخي Neat Man و زين ابيها
 

ها سمورة بشري شصار وياج ؟

رد: اخي Neat Man و زين ابيها
 

اهلا زين ... الفلوس الحين عند اخو زوجي الكبير... زوجي اعطاه بحجة ان عشان مانصرف منها شي .. طبعا اخو زوجي ثقه والكل يثق فيه ماشاءالله ... حتى انا اثق فيه أكثر من ثقتي بزوجي ... اعمامي دروا ... وعمي قال اول مايفضى ويجي نصيبنا من الاراضي رح نروح المحكمه نجيب صك ان استلمنا الورث عشان افدر احط المبلغ كامل بحسابي ... الحين الوضع طبيعي بس زعلانه لانه حارمني منها ... الله كريم ...

رد: اخي Neat Man و زين ابيها
 

مساء الخير سمورة

أتمنى أنك بحال أفضل
وش جديدك؟
ليه زوجك عطى أخوه الفلوس!؟
ماودي أحرض، لكن ما أدري ليه مايقولك وش بيسوي بالفلوس وليه اخذها!؟

رد: اخي Neat Man و زين ابيها
 

السلام عليكم ورحمة الله وبركاته...

الجديد .. اولا .. بعنا انا واختي وامي الاراضي لاخواني ... واخذنا حصصنا.. الحمد لله ان ماتنازلنا لأن السعر عالي كثير ...

ثانيا .. رحنا المحكمه اخذنا صك منها على ان احنا استلمنا الميراث كامل ..

ثالثا .. فتحت حساب بالبنك وحطيت كل الفلوس فيها ..

صارت مشكله بيني وبين زوجي لأني اصريت يجيب الفلوس من عند اخوه واحطها بحسابي والحمدلله انحلت ..

شرط علي ماصرف منها ولا ريال وإذا اشتريت شي لي او للبيت او لعياالي وهو لسى عايش اعتبر نفسي طالق !!!

اكتشفت انه مايبغاني اكون احسن منه بكل شي ... فحطيت المبلغ بالحساب وبنساه ... وتكلمت مع عمي قال لي لا تصرفي شي وبعد كم شهر رح يستثمرها لي ... فعرضت عليه فكرتك على العماره وندخل فيها انا واختي ... وافق بس قال مو الحين ويبغى يتفرغ اكثر للموضوع...

واخواني على حالهم ربي يهدي الجميع ...

رد: اخي Neat Man و زين ابيها
 

وعليكم السلام ورحمة الله وبركاته،،

ماشاء الله خطوات كثير مفرحة، والحمدلله على ذلك.

وزوجك طالما رجع لك الفلوس كاملة هذي حاجة تسعد ومرحلة مهمة.

الفلوس اللي بالبنك أقترح تخلينها بمكانها، وتفتحين حساب آخر، تضعين فقط فيه مبلغ يسير لاحتياجاتك وماتهواه نفسك، المهم تحافظي على مالك وورثك.

زوجك لا أدري ماذا يهدف من تصرفاته، ولا أريد أن أبدي رأي قد يكون غير مناسب وقد يكون له أثر سلبي في علاقتك معه، فأتوقف عن ذلك، لكن أوصيك أن تكوني حكيمة معه أن تستخدمي الخيط، إذا شد أرخي وإذا أرخى ما أقول شدي ولكن كوني طبيعية وذكية وعادية.
الفلوس عادة تدخل فيها مشاكل كثيرة، ربما أطماع، ربما تفكير بغير محله كأن يكون لايريدك أن تكوني أفضل منه، كما أن الرجل يشعر أنكِ أقوى منه في الجانب المادي، وعلى حسب طبيعة تفكير الرجل ورؤيته لهذا الأمر، هناك من يتحسس أن تكون زوجته ماديا متفوقة عليه، وهناك من يتصرف بشكلٍ طبيعي، وهنا من لايهمه الأمر ولا تهمه أصلا المادة، الناس يختلفون في شخصيتهم وطبيعة تعاطيهم مع هذا الموضوع الحساس، ولا أدري بدقة ماتفكير وماتخطيط زوجك هل هو يريد فقط أنه لايشعر بتفوقك عليه بهذا الجانب من خلال انفاقك، أم أنه يخطط باستثمارها أو الاستفادة منها، الله أعلم، فقط كوني طبيعية وعيشي حياتك ولا تشغلي تفكرك بهذا الأمر، وفي الوقت نفسه كوني حذرة قليلاً لكي لايكون أطمئنانك التام مدخلاً عليك.

اعتقد أن قولته أنه مايبيك تشتري للبيت أو عيالك، مجرد رد فعل على مشكلتكم السابقة، وربما مع الوقت يتغير تفكيره ويقترح اقتراحات كثيرة للاستفادة من المال لأبنائك ولبيتك وربما أكثر من ذلك، لأنه لايستطيع مواجهة تيار الحياة والتكاليف المادية لوحدة، وإذا فعلاً استطاع واستغنى عن مالك، فهو بلا شك من الرجال النادرين.

عمك عمك عمك الله ارسله لك، فاجعليه مأواك في كثير من أمورك، سواء المادية أو حتى الزوجية، ألجأي إليه بعد الله في كثير من أمورك، وبناء على وصفك له واضح أنه رجلٌ حكيم، وفلوسك مو مشكلة خليها بالبنك، ومع الوقت إن رجع لك أو اذا وجدتي نفسك تريدي أن تحدثيه بموضوع الاسثمار فتواصلي معه، واطرحي على الفكرة مرة أخرى.

أما أخوانك، فلا تقلقي منهم، دعيهم وشأنهم، مصيرهم يرجعون إلى رشدهم وإلى الحق، والحمدلله أنك انتصرتي وأخذتي حقك، وهذا ما سيريحك حالياً ومستقبلاً، وهذه من الأخبار المبشرة هذا اليوم.

بالتوفيق لك في حياتك ومالك.

رد: اخي Neat Man و زين ابيها
 

جزاك الله خير اخي وشكرا لك ... ان شاء الله اكون حذره من كل النواحي ... الفضل يعود لكم بعد فضل الله ... حماكم الله ..

رد: اخي Neat Man و زين ابيها
 

السلام عليكم ورحمة الله وبركاته ...

اخي ... طلبت من زوجي ان يكون لي حساب واحط فيه مبلغ لي ... هو رافض تمااامااا يقول انا مو مقصر معك اللي تبينه اجيبه ... ماقدرت اقنعه ... وحاولت افهم منه ...يقول تبغين تشتري ارضيه او تدخلين بمشروع براحتك بس تصرفين علينا انا وعيالي لا ... قلت له اصرف لنفسي ... يقول والله اذا بتصرفين على نفسك فمانتي بحاجه لي واذا مصره تبغين تصرفين على نفسك فتوكلي لبيت اهلك واخوانك ... رفع ضغطي انا مدري وين راح كلامه خذي فلوسك نستمتع فيها !! ... قلت له انت طلبت مني اخذ حقي عشان اركنها على جنب او عشان نستمتع فيها ... قال اخوانك كانو قاهريني ماحبيت ياخذون كل شي وبعدين خليها للمستقبل يمكن تحتاجيها والحين مو قاصرنا شي ... جلطني كلامه بس ماحبيت أسوي مشكله سكت ... كان نفسي بأشيا ببالي بس حطم كل شي ... كيف اقدر اقنعه إني اخصص لي مبلغ واشتري واسوي اللي نفسي فيه من غير ما أجرحه ؟

رد: اخي Neat Man و زين ابيها
 

برضو قلت له نشتري بيت ونسكن فيه ... طبعا قلت له هالكلام بس عشان اشوف وش يقوول ... رفض قال احنا مرتاحين هنا ... قلت له تبغى البيت يتسجل بإسمك ؟ ... قال لا ومانتي مجبوره تعيشي معي اذا مو عاجبك الحياه هنا ... عجزززت افهمه ووين راح كلامه!! اقوله انت كنت تبغى بيت بإسمك يقول ... كنت اما الحين لا...