|
رد: مطلقه في صراع ما بين عقلها وقلبها
ياعمري ربي بيعوضك بالي يعيشك ملكه ان شاء الله
حافظي ع صحتك وع نظارة وجهك الجميل لاتخربيه بالبكاء والهم ع واحد زي ماقال مايستاهلك الي سواه الصح انتي ماتستاهليه رجل المخدرات تمشي في عروقه تخيلي تنجبي اطفال كيف تعيشيهم مع أب مدمن ؟ وترى قله الي يربط الله ع قلوبهم ويتركو المخدرات والكثير منهم مايستطيع بسبب سهولة الوصول لها والمغريات هنا وهناك اكرر تخيلي تنجبي منه ترضي يكون هذا الرجل ابوهم بكره يغيب عنك في وقت تحتاجيه من اجل الاطفال بتعيشي معاه عمر والعمر هذا يحتاج رجل يتحمل مسؤوليتك ومسؤلية اولادك فلا تفكري انك ترجعي لرجل باع صحته ودينه قبل مايبيعك |
رد: مطلقه في صراع ما بين عقلها وقلبها
اقتباس:
( هو كان يمثل عليك طول فترة الملكة ، عشان تتزوجيه و ظهرت حقيقته لما ضمن زواجك منه ) اللي مثل طليقك ، ما يتزوج وحدة بنت شوارع .. لكن يدور بنت ناس محترمة ، و الله لا يسامح أهله اللي يسكتوا و يخلوه يتزوج و يبهدل بنت الناس معاه لا تصدقي دموعه أو كذبه في التوبة ، توبته لنفسه .. انت تستاهلي حياة أفضل ، و امشي خلف عقلك .. |
رد: مطلقه في صراع ما بين عقلها وقلبها
اقتباس:
وموافقه ومهر لان خلصت العده فمستحيل اطلع من شور اهلي، ولو فكرت بالرجوع استحاله مع اهلي لكن مع الله ما في شي مستحيل ، اجربه سنه كامله قبل العقد ، صح ان بحس بالفرق لو تزوجت واحد ثاني بس مين يفكر فيني :( محد يدري اني مطلقه الا القراب مني :( وما اتخيل اعيش مع شخص ثاني . بس صحيح اهلي يبون مصلحتي بس جبروني ليش ما خلو الامور تهدى ليش خيروني ان يتبرون وله الرجوع ؟ ولا لو رجعت امي تقولي لا اشتكي عليه للمخدرات واطردج من البيت ؟ انزين انا ما برد الا اذا تاكدت من عافيته لان ما ارضى بهال عيشه ابدا ، ليش حطوني تحت الضغط ؟ مب اهم لازم يوقفون مع بنتهم ؟ توني متزوجه ما كملت 5 شهور ما عطو لزواجنا فرصه :( اخ وربي مظلومه من كل حد ، الله يسامح الي علق قلبي فيه . مب كان الاولى يعطونه وحده من بناتهم ؟ مب كان الاولى ينتظرون عليه ويجربونه؟ مب الاولى كانو يعطونه وحده بنفس خباثتهم ؟ |
رد: مطلقه في صراع ما بين عقلها وقلبها
اقتباس:
الحمدلله على كل حال، ربي كاتب كل امر لكن والله اخاف من الضياع، تعلمت على شخص يكلمني تعودت ان في احد يعطيني حنان يمسح على راسي تعودت على الكلام الطيب ، ايش ذنبي وذنب غيري كنا عفيات وما زلنا ما كلمنا احد قبل الزواج و يتقدم لخطبتنا شخص ما يخاف الله او تغيره الحياه او اهله ما يخافون الله في بنات الناس ، ياخذنا ويقضي حاجته ويتركنا ايش ذنبنا ؟ صعب ان فجئه اغير الي كنت فيه والله صعب لكن الحمدلله الله يهديني ويهدي الجميع مب حرام عليهم ؟ والله اني اخاف من الضياع اخاف من المستقبل اخاف من كل شي ؟ الدنيا ما ترحم اقتباس:
الله يسامحهم لو كانو يدرون ، واعتقد انهم يدرون بكل شي بس اختارو بيتنا بسبب الالتزام ، والعمه بعد الطلاق قالت اخترنا بيتكم لان والدك مشهود له بالصلاح والفضل لله فحبينا يساعد الولد و يصلبه ايش ذنبي ؟ مب لو كان هدفكم كذا خليتوه يتعرف ع الوالد بدل ما تزوجوني ؟ وهو بروحه قالي قبل ان يوم التزم قال ابغي اتزوج وما صدقو اهله و بلسانه زوجه الابو قالتلي يوم قال ابغي الزواج ما صدقت راحت تدوره و حصلوبنت لكن رفضت و خلاص سكت ع الموضوع ونسى السالفه لا هم طلعوني له يعني خلاص اذا الولد شل الفكره ونساها ليش انتو كذا ؟ عشان تامنون بيتكم ، ويرتاح راسكم ؟ اذا الولد ما تادب معاكم بتادبه حرمه ؟ اقتباس:
والله اعطيته وقتله اعطيك عيوني لو طلبت اي والحمدلله ادري بحالهم الله يلطف ابهم لكن انا تعبانه فوق التعب بطريقه التطليق كيف اهلي جبروني وكيف اهو باعني . معني وقفت معاه قسم بالله وقفه في عروس ترضى تنام ففي غرفه صغيره ومتهالكه وسط البيت مافي خصوصيه ، مافي مطبخ مافي غساله اغسل ملابسي في بيتنا وله بايدي ، قم بالله المخدات كانت مستخدمه قبلي ؟ ما راع ع=هالشي معني كنت ساكنه فقسم كاشخ في بيتنا و ما شا الله فخم بس تنازلت عشان يروح بيتهم ويكون وسط اخوانه وما يضطر يطلع برع ويشوفونه الفساد ويغونه في عروس تسكت ع الغش ان ما يزقر و بالاخير يطلع كذا ، كنت اقوم الصبح معني جامعه واجهزله ملابسه واغراضه واعطره والله نعاله عزكم الله كنت اجلس وانظفله ياه ؟ ملابسه انا اكويله و ما ارضى الخدم اطبخله معني ماعندي مطبخ اروح بيت الوالد واطبخله الاكلات الي يحبها والله مرات فليل ويطلب اكل واسويله ، وباعني كذا ؟ اخ يا القهر واهلي ما نتظرو بس شهر معني والله ما تعبتهم في تربيتهم لي ولله الحمد لا اتشرط اوغيره ؟ اقتباس:
والله انصح كل شخص بهال الشي الحمدلله احس بتحسن بعد القيام بس من يصبح النهار يبدا الضيق و البكي معاي اقتباس:
وكله ولا عرض البشر الله يستر على الجميع |
رد: مطلقه في صراع ما بين عقلها وقلبها
اقتباس:
والله البكاء مب ايدي ، بالعكس احسه رحمه لي بدون البكاء احس اني رح انفجر ، والله ما ارضى لا على نفسي ولا على ابناد مالهم اي ذنب ذنبهم ان امه حبت هالشخص ؟ لا والله لا يوفقني ولا يسعدني اذا كنت ادري ببلاويه واصر على الانجاب ، والله ليسالني ربي عنهم يوم الدين ؟ ايش ذنبهم ؟ والله كنت لو برجع برجع بعد ما اضمن ان خلاص ترك كل شي ويداوم على الفحوصات مده لا تقل عن سنه ، لكن محد اعطاني فرصه لا اهو ولا غيره الله يسامحهم اقتباس:
الاب وزوجه الاب قالو له شو تبا فيها ؟ الديره متروسه بنات ؟ اخ منهم فوق ظلموهم كذا ؟ ما يخافو الله في نفسهم وفي بناتهم ؟ معني بناتهم مالهم ذنب ! بس في اب بالله عليك ما يدري عن طلعات ابنه ؟ ما شك في نومه وطلعاته ؟ انا وحده بس اسبوع معاه شكيت في نومه هذا مب نوم طبيعي ؟ ما شكو في طلعاته ! يسمحلي الي زي كذا ماهو ابو ولا يعرف فالتربيه شي ! بس همهم الانجاب وتكاثر ما هم ان بنت الناس تنظلم . ايش ذنبي احمل هاللقلب وتوني 22 سنه ، ايش ذنبي انا الي كنت متفوقه دراسيا وباقيلي سنه على التخرج اوقف دراستي عشان اسعد ولدهم و بالاخير يرموني ؟ ايش ذنبي انا انرمي هالرميه ! مب الاولى يعطونه بنت عمه وله بنت عمته تكون ستره وغطاه ؟ وله بنت خاله او خالته لانهم من نفس الطينه و اخوانهم زيه ؟ ليش يظلمون بنت الناس ؟ ولا مطلعه زوجه الاب سبب الطلاق اني ابغي بيت كبير و اطلقت لان يدخن بس ؟ مب ظلم لي ؟ مب ظلم يحطو فملفي مشاكل عائليه ما يكتبون السبب الرئيسي فالطلاق الي هو المخدرات ؟ مب ظلم تيجي الام وتقولي انتي تخبرين اهلج بكل شي ؟ وقتلها انا ما اخبر اي شي اخبر عن المخدرات وحشيش ؟ كيف اتصرف وانا بنت العشرين بهالامور ؟ وسكت عنهم اخذو شقتي واعطوها لبنتهم وانا سكنوني في غرفه صغيره وسط البيت ! ! عشان مصلحه ولدهم وياريت نفع معاه اخ الله يسامحهم ي رب ويهديه ويهديني ويهدي الجميع ويستر علينا وسوال ، انا كلمت المصلح الاجتماعي وقتله بالي حصل وقتله بالتلاعب الي تلاعبو فيه زوجه الاب بحكم عملها في المحكمه الله يسامحها و خبت الملف ودخلته عند واحد عشان يضمن حقوق ابنها ،ملف الطلاق وان غيرو السبب ، وانا عندي ورقه رسميه تدل على تعاطيه وتثبت ذلك . قالييعني في مجال يتعدل على الملف ومن حقك لكن ما يقدم او ياخر ، تحسون اعدل عليه ؟ وله خلاص ايش بستفيد لو سويت كذا و يمكن اخرب حياته ؟ والله حتي النفقه ما عطوني ياها ولا ابيها ولا محتاجه منهم شي ، لكن من الاخلاق خصوصا لو انا المظلمومه المفروض يوقفون معاي ويحاولو يعتذرون لي او يعدلون خطاهم و على قوله ابوه الي هو عمي اعتبرك زي بنتي ؟ اي زي بنتي وان عاملتني كذا ؟ والام بس اتصلت علي وقت تسليم الورقه ولا مريتن ايش تبغي تزفلي الورقه وله تهنيني ؟ وله ايش ؟ |
رد: مطلقه في صراع ما بين عقلها وقلبها
قدر الله وماشاء فعل
الحمدلله على كل حال اختي ادري ان الموضوع صعب عليك وهذا الطبيعي ولكن تذكري ان اللي صابك هو ابتلاء من الله وتذكري انك افضل من غيرك بكثير تخيلي لو انك حملتي منه , او لاقدر الله سوى فيك شي وهو مايدري عن نفسه انتي ماقصرتي عطيتيه فرص مو فرصه ولكن فشل في اصلاح نفسه مانبي نحرضك ولكن كـ اخ لك نصيحه لاترجعين له اذا تاب توبته لنفسه مو لك انتي ماشاءالله لسى صغيره وفيك كل المواصفات اللي يتمناها اي رجل بكره ربي بيرزقك باللي يستاهلك ان شاءالله وحتى لو اهلك قالوا لك ارجعي وتاب ومن هالكلام لاترجعين الله يوفقك ويسعدك |
رد: مطلقه في صراع ما بين عقلها وقلبها
الله يعوضك خير اصبري واحتسبي
ولا ترجعين له لانه غالبا صاحب المخدرات مايتركها تركها صعب عليه |
رد: مطلقه في صراع ما بين عقلها وقلبها
الله يعوضج خير انتي ماحبيتيه انتي ارتحتي له وطبيعي كل بنت ترتاح لااول رجل تعرفه بس يوم تتزوجين ثاني غيييييره راح تحبينه صج مو بس ترتاحين له لاترجعين له مهما صار واقطعي علاقتج فيه اذا كنتي تكلمينه اهلج ابخص ويحبونج وااااااااااايد ويبون لج المصلحه اذا تقدم لج احد فكري واستخيري ومتى ماارتحتي وافقي واذا مارتحتي قولي لهم استخرت ومارتحت لاتقولين بجربه سنه خلاص انتهى انتي تستاهلين واحد افضل منه بكرا راح تندمين ليش تضيعين عمرج مو واحد نفسه انتي شو ناقصج علشان تضيعين عمرج وصدقيني راح تنسينه بس يحتاج منج اراده قويه انسيه وتناسيه وماكأنج اصلا تزوجتي بالاساس هي فتره وتعدي متى مااشغلتي نفسج بعمل او دراسه او خرجات وتمشيات مع اهلج ......الخ اهم شيء انسيييييييه مايستاهلج ابداً وربي يعوضج بخيراً منه لاتنسين اللجوء الى الله مع كثرة الاستغفار ولاتنسيننا معاج بالدعوات موفقه ـ |
رد: مطلقه في صراع ما بين عقلها وقلبها
اقتباس:
الله يربط على قلبي وعلى قلب كل فتاه ويرزقنا بالازواج الصالحين لا اهلي من سابع المستحيلات يرجعوني الوالد رفض مقابلته +حظر رقمه وامره بان يقطع التواصل مع اي فرد من العائله اقتباس:
اي الله يهدم ويشتت من ينشر الفساد ويروجه اقتباس:
والله ما ادري هل حب او تعود ما اعرف افرق بينهم :( لا خلاص قطعت تواصل معاه فجميع الوسائل لانه غير محرم لي وحتى فالعده قطعته الي باعني ابيعه يارب انساه ، المشكله عايلتي مب المنوع الي عزايم وغيره كل واحد فحاله :( ونجتمع فالمناسبات فقط وممنوع صاحبات وغيرره وان شا الله بتبلش الجامعه ورح اندمج فالدراسه وياج يارب ان شا الله |
رد: مطلقه في صراع ما بين عقلها وقلبها
الله كريم
ولاتشغلين حالج ولسى عمرج صغير قدامج العمر ان شاء الله واللي كاتبه ربي بيصير اجتهدي بدراستج وتفوقي فيها والزواج متى ماربي كتبه لج بيصير ان شاء الله ربي يوفقنا وياج وييسر امرنا وامرج يارب ـ |
| الساعة الآن 06:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©