|
رد: الشك يأكلني بسبب موقفين لزوجي
اقتباس:
ياليت اقدر... توكلنا على الله وهو على كل شيء قدير.. |
رد: الشك يأكلني بسبب موقفين لزوجي
اقتباس:
لكن وربك ساعتها التفكير يضيع وانسى نفسي حتى تنفسي يصير صعب .. ما اقدر اجمع نفسي كل شي الا الاستغفال بالنسبه لي! ليته اعترف وريحني وجاني رجال صادق وده بالسماح ووده انه يعوض خطأه لا! هو حسسني اني مغفله ومحسس نفسه انه هو الصح وما انقلب عليه بشي وبكذا ما انحل ولا شي , لا عرفت الحقيقه , ولا هو انتبه انه هالشي خطأ احمر وانه نهايه لحياتنا , ولا انا اللي ارتحت وريحت راسي!!! عايشه باوهام وشك كل منه , وهو مبسوط ومرتاح وانا اللي اتعب , وللاسف هو حاسس بهالشي! ودايم يقولها لي , انا زعلان عشانك انتي تتعبين ولا انا عايش! |
رد: الشك يأكلني بسبب موقفين لزوجي
اقتباس:
خله يلعب بيدينه ورجلينه , لكن من يطق بابي يبيني زوجته يحترم هالشي!! انا بنت ناس ومتربيه ولا تعودت ولا ارضى على هالامور والبيت اللي خذه مني يقدر يضمني مره ثانيه وانا بكل قوتي ابي احافظ على بيتي لكن لازم اشوف انه بعد هو متمسك ويترك كذبه والالاعيب .. ودي اقلها يجي يقول انا احس ودي اكلم ! وش اسوي نسيني!!! ابحاول معه الفين مره! ولا يروح ويكلم ! انا عندي الصراحه وانه يحترمني ويقدرني كزوجه ولا يعاملني كمفغله .. مو خطأ انه يحس بالتغيير , لكنه خطأ انه يعاجله بخطأ ليه حلال عليه وحرام علينا؟؟!! ليش انا ماعمري فكرت اني اخونه ومحترمه وجوده بحياتي؟! تتوقعين لو درى اني اكلم بيكون نفس رده فعلي؟!!! وعلى قولتك عنده رب يحاسبه وانا مادورت ولا بحثت من وراه ربي كشفه قدامي انا مارحت افتش ولا شي هي دقت وارسلت تنبيهات قدامي .. ربي كشفه .... انا ماازعجت راسي وابحث لين لقيت هالشي هو كذا صار .. ومتعبني وابي انسى ابي اعيش حياتي ابي ارجع احضنه بدون مااحس بشعور ياكلني من جوى .. انا مو كامله وهو بعد مو كامل , اذا مب مبسوط بحاجه يجي يقول فيك وفيك واحاول الاصلاح .. لكن لا يروح من اقرب مخرج ويدور على احد ,, حتى ما مر علينا كثير لدرجه انه بادي يطفش الله يعين .. |
رد: الشك يأكلني بسبب موقفين لزوجي
اوكي لنفترض احساسك بمحله
وزوجك فعلا يكلم بنات لاتجلسي تقولي المفروض قال لي الخ مايبي يعلمك.. يدري انه غلطان.. ومستمر انتي ايش بيدك؟ ولا شيء! الهداية من الله بس نرجع للنقطة المهمه: تعامله معك كويس وماتغير عليك وزوج ممتاز أقول لك هنا احمدي ربك الف مرة ايش رأيك باللي ماسكه على زوجها شغلات مشابهه وعطاني تصريفات هبله مثل زوجك بنفس الوقت قالب علي وتغير وجاحدني والى 3 الفجر يسهر مع الجوال واذا رحت اسهر معه تنرفز وقال لاتصيري نشبه بالعربي يبغى يجلس مع راعيه المزاج لو عشتي هالظروف ايش هتعملي؟! زوجك فيه بذرة خير يكفي انه مداريك ويبرر لك غيرهم وجهه وسيييع.. يقلب الطاوله ويقول: كيفي! نصيحة اختي.. حافظي عليه وتعوذي من الشيطان |
رد: الشك يأكلني بسبب موقفين لزوجي
اقتباس:
انا من تزوجت اخت روان وزوجي هذا طبعه انا ماقلت حنون ولا قلت زوج ممتاز لكن من عرفته ماتغير , يعني هو مايكب حنان لكن بنفس الوقت مو جاف تماما يعني تلقينه ايام عادي وايام حنون واياما جاف , ومن تزوجته وهو كذا عشان كذا ماحسيت بفرق , انا لو دريت رح ارتاح , ولو كان سبب مني , رح احاول اغيره عشان اعفي نفسي من التفكير بالذنب ولو كان لسبب المملل والتغير , ما اقدر اصفح عنه , لاني حتى انا يجيني شعور بالملل والتجديد ولكن ما اشوف الحل اني اخون! الرجل والحياة الزوجية متعبه جدا خصوصا اذا فيه طفل بالمنتصف , انا بالنهايه ابغى احل اني اشيله من راسي واطنش واشوفه زوج وشراكه حياة واطفال واحترام فقط او اني اعيش كزوجة وام وحبيبة له و انسى هالامور وارتاح لكن شعور اني ضايعه ومو عارفه قدري عنده , يذبح |
رد: الشك يأكلني بسبب موقفين لزوجي
اقتباس:
أتوقع الوازع الديني ضعيف عند زوجك وانتي ادرى فيه بهالناحية وحابه انبهك لشغله اذا شكيتي بزوجك لا تبيني ان دمك محروق وانك انهررررتي ومزاجك تعكر ما انصحك ابدا حتى ماتكبر الشغله برأسه.. هذا لو فيه شي أصلا.. |
رد: الشك يأكلني بسبب موقفين لزوجي
حبيبتي شوفي والله انتي مافيك عيب
ولا مقصره .. ولا ناقصه واكيد انك جميله واسلوبك عسل وكلك رووووعه كمان .. الخلاصة .. عيشي حياتك وطنشي وتري ما انصحك بالطلاق حافظي ع بيتك .. على عيالك وهو اتركيه مع التفاهات تبعه .. لكن الا الطلاق لا تفكري فيه نهائياً وخليك اعقل منه .. |
رد: الشك يأكلني بسبب موقفين لزوجي
عزيزتي،
انت ما عندك شيء ملموس ضد زوجك و ان شاءالله ما يكون فيه.. فلا داعي تحرقني أعصابك.. الشك اول مدمر للحياة الزوجية و هي من وساوس الشيطان ..و هو معنا في كل حركة و مع كل رمشة عين نعوذ بالله منه.. اعلم انا الكلام سهل و التطبيق صعب.. لكن فكري بصحتك و بابنتك اهم شيء و اتركي الخلق للخالق.. اكثري من الاستغفار و الدعاء من القلب و سترتاحين الله يرزقك السكينة و راحة البال |
رد: الشك يأكلني بسبب موقفين لزوجي
كان الله في عونك
تأكدي اذا عنده خيانه مصيره ينكشف لك لكن نصيحتي لك بيني له انك واثقة فيه عشان مايأخذ حذره منك ولو حصل وكشفتيه في حركات مثل هذي على طول خذي الجوال ولاتفكينه الا بعد تشوفين ايش فيه عشان ترتاحين من الشك لكن لاتسوين كذا الا اذا كنتي تقدرين تتحملين النتائج أما اذا تحبينه وتعامله معاك تمام وتهمك حياتكم فنصيحتي لاتبحثين أبداً انشغلي بنفسك ولاتجعليه محور حياتك ومصيره ينكشف اذا عنده شي |
رد: الشك يأكلني بسبب موقفين لزوجي
اللي عندها شك أو متأكده إن زوجها ماشي بالحرام وتسكت ....، اللي تحب صدق بتخاف على زوجها من عقاب الله أولاً ومن الفضيحه ثانياً ، مسألة إنك تعيشين حياتك ولاكأنه فيه شي هذا أكبر غلط ، أول شي لما تشكين بزوجك ماينفع تواجهين إلا ومعك دليل قوي وماجبتيه من التجسس عليه عشان لايقلب الطاولة عليك ، ولازم تكون لك جلسه معاه بلحظتها وماينفع الموضوع يمر عادي وإنتي تاكلين بنفسك ، إذا زوجك يسوي الغلط والله سبحانه يستدرجه بالستر عليه عشان يتمادى صدقيني بينفضح إذا مو عندك عند الناس ، ماراح أقولك طنشي وعيشي حياتك لأني عارفه هالشي يقتل إن شريك حياتك يخون لكن حاولي تتعاملين معه بشكل طبيعي لحد مايصير موقف ثاني و وقتها لاتسكتين لين تعرفين وترتاحين ياإنه صادق ياإنه يخون ، الله يكون بعونك
|
| الساعة الآن 09:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©