رد: محتارة بين كلام آمي وكلام آبوي
 

أظن و الله أعلم أن كلام أمك هو الصواب

حتى يحن قلبه عليها

و ما تدرين لعله خير لكم جميعاً

رد: محتارة بين كلام آمي وكلام آبوي
 

حبيبتي الله يفرجها ان شاء الله

رد: محتارة بين كلام آمي وكلام آبوي
 

اخي الكريم انا قلت الاغلب الا من رحم ربي ما قلت الكل ,اذا انت تسال غيرك م فكر حتى بسأل لو مره ف سنه
هذا الواقع انا ما عرفت هالشيء الا بعد الطلاق وشفت من حواليني كثير يكون الاب مطلق الام وشايل نفسه من كلشيء وبعضهم حتى مصروف م يرسل ولا يعرف اشكالهم متخيل مجرد عارف اسمه ولا يدري كم عمره يعني طفل ف مرحله زي مرحله الطفوله ويكون بيبي م حن ولا سال عليه متى ب يسال لأكبر وش الفايده
حتى المحامي اللي كلمته يقول ماني عارف وش وضع الرجال يطلق ولا يدفع ل عياله شاطرين يتزوجون علطول ب الطلاق استغفرالله بس من حقهم م قلنا شيء لاكن عياله هم لا ينساهم
اعرف وحده عمرها ثلاثين سنه م تعرف ابوها الا ب الاسم للاسف بعضهم قاسي انا جلست مع مطلقات كثير ولا وحده فيهم تقولي انو يسال عن عياله
انا معاك فيه بعضهم حنون ويسال لاكن بعضهم للاسف بس م يستاهل كلمة بابا والله يهدي الحميع

رد: محتارة بين كلام آمي وكلام آبوي
 

حرام عليك تفجعينها بتخليك عنها فجأه وتسلمينها لشخص غريب انتي تعرفين انه ابوها لكن هي طفله ماتعرفه وتتوقع انه شخص غريب عنها وماتبي تكلمك بعد ماجت منه لان زعلانه عليك ومستغربه كيف امي تتركني لناس اغراب خلي بنتك معك دايم وهو ان كانه يبيها يجي لها ولا احمدي ربك انه مايهددك فيها

رد: محتارة بين كلام آمي وكلام آبوي
 

بسم الله الرحمن الرحيم

السلام عليكم
لن أضيف على ما إضافته الأخوات إلا قليلا
نعم يجب ألا تعرضي ابنتك لأي وضع يترك بنفسها أثرا سيئا فيما بعد
والأطفال كلما كانوا صغارا كانت أحاسيسهم بها شفافية عالية فهي تبكي لانها ما شعرت إلا بالجفوة.
ابنتك كنزك الثمين فاحفظيها من كل ما يزعجها حتى لو كان أبوها.
ولك تحيتي

رد: محتارة بين كلام آمي وكلام آبوي
 

هو انسان مايحب يتعب نفسه يشوف ان ساعة بينا وبينه كثيره

ثانيا لو ننتظره يشوف بنته مايشوفها الا كل5 او 4شهور مرة واذا جاء دار بها في السيارة مع امه واخواته نص ساعة بضبط ورجعها






مادري ليه مايجي لو المسافة بعيدة كان عذرته لاكن مابينا الا ساعة

مادري هل فيه احد يمنعه الي لاحظته انه يجي معه امه واخواته كلهم طيب اذا هم صدق جاين يشوفوها هل نص ساعة تكفي المصيبة البنت رجعت مبسوطة ياليتها تبكي عشان اعذرهم

كلمه أبوي قال مالكم شغل


صراحة مادري بس هو الي بدا واشتكى يقول ابغى اشوف بنتي بعد سنة من هجرانه لها

ويوم حكم له الشيخ سحب ولاعاد شفناه
يسال مو بعد كم شهر يقول بجي اشوفها يجب نص ساعة ويرجعها عيد الفطر والله مافكر يعايد بنته

المصيبة اذا هو انسان مايخاف الله وين امه واخوانه ماينصحونه


اخوه يقول لأبوي هو كذا اخوي غشيم 😳😳😳35سنة غشيم

رد: محتارة بين كلام آمي وكلام آبوي
 

ليه اذا الام ودت اطفالها للأب قلتو تبغين تنكدين عليه تحنني قلبه تشغيله ليه مو هو ابوها

لو عندي اخت كان تركتها معها

امي الله يشفيها مريضة بانزلاق يعني صعبة تجلس تلاحق طفلة وتقوم فيها

بلله وين اوديها مهما كان ذَا ابوها يقوم فيها كم ساعة مافيها شي




هو من يوم جات قال الي جابها يجيب غيرها مستغني عنها من يوم كانت في بطني والادلة موجودة (البنت حلال عليك ماتهمني )كنت أتمنى ابوي يوري الشيخ


أتمنى موته من الي سواه فيني وفي بنته تعيش يتيمة ولا ابوها موجود حي ولا هو سال فيها على الأقل اذا كبرت اقولها ابوك مات مو مايبغاك

رد: محتارة بين كلام آمي وكلام آبوي
 

ياختي صعبة ارسل اخوي معه هو ياخذها بيت اهله عند امه واخواته كيف يجلس معهم اخوي


لو ينتظم كل اسبوع مره يجي ياخذها ألعاب او يطّلع معها حديقة بتتعود عليه

لاكن يغيب شهور ويجي يزورها صعبة على البنت

وفوق ذَا يزعل ليه تقول لأبوي بابه

رد: محتارة بين كلام آمي وكلام آبوي
 

مستودعتها الله

والله ماحد يدري عن ظروفي بسبب حب اهلي لبنتي اخوي عمره 14سنة يغار منها وتغيرت شخصيته لانه كان اخر العنقود وكان الدلال كله له وفجاءة صار لبنتي مانكر انه يحبها بس احيان يضربها وامشي لاكن الفترة الاخيرة صار يتدلع على اهلي صارت امي تقول والله اذا ماتغير الوضع بنتك تروح لابوها


طيب انا وش اسوي وش ذنبي وش ذنبي ان اهلي يحبون بنتي

كل ماقالو شي قالو الولد تغير من بعد ماجات بنتك

قمت أفكر اذا كبرت ارسلها خميس وجمعة عند ابوها

مو معقولة كل ماصار شي اسمع تهديد بنتك تروح لابوها

الله يهدي اخوي ويسخر طليقي لبنته

عارفة كلامي ملخبط ودخلت سالفة في سالفة بس لاني حبيت أوضح ليه رضيت تروح عشان تتعود

رد: محتارة بين كلام آمي وكلام آبوي
 

اغلب الرجال مايرضى بعيال زوجته وامي للاسف تعبانه من ظهرها ويكفيها مسؤليه ابوي واخواني فكيف تبغاها تقوم في بنتي كمان

وهي قالت لي بنتك اذا تزوجتي تروح لابوها

صراحة انا ضايعة مو عارفة وش اسوي

الله يحلها من عنده ويكتب الي فيه الخير