|
رد: تخاصمت مع زوجي والسبب رسالة وحده له
ماينفع خصام فقط
زوجك يحتاج صدمة تخليه يفوق من غفلته كيف عاد هذا تحتاج تفكير جربي اسلوب المقاطعة والزعل معليش عندي كم سؤال هل زوجك وسيم ؟ هل يوجد اختلاط في عمله ؟ |
رد: تخاصمت مع زوجي والسبب رسالة وحده له
اقتباس:
ياليت القى طريقه تفوقه مشكلتي ما ابي احد يشوف زعلي منه خاصة اهلي او اهله وهو هالشي مريح باله لان ماودي يطلعوا على اي موضوع لكن بيوم بنفجر ناوية هالمرة ما اعديها بخير له مشكور اخوي |
رد: تخاصمت مع زوجي والسبب رسالة وحده له
مش وسيم عادي بالنسبة لي ويهتم بهندامه كثير ويحب يستشيرني في كل ملابسه وألوانهن وحتى بالعطور
عمله فيه نساء لكن منفصل لكن مايقدروا يعملوا الغلط لان في مكان حساس جدا يروح فيها لو سوا شي مخل قسم النساء منفصل عنهم الرجال لحال وهن لحال |
رد: تخاصمت مع زوجي والسبب رسالة وحده له
اقتباس:
ودي اقولك استمري عامليه ببرود, لكن ماظن تنفع مع شاكليته! لانه للاسف ممكن يلجأ للمحادثات! وانا مراح ادخل في النوايا, لكن هذا فقط تخمين! اظهري له كل مافيك ولا تستنين اي حدث جديد, فقط واجهيه حالا! ولا تسامحينه بسهوله, لانه سابقا اجزم واقسم, وهو الى الان على ماهو عليه! . |
رد: تخاصمت مع زوجي والسبب رسالة وحده له
اقتباس:
سؤالي له طيب وش تبي من ورا تواصلك مع هالحريم ؟ هل لهالدرجة فاضي ما معك شغل كان دايم يقولي ترا انا ما اطلع كله اجلس بالبيت طيب يابن الحلال مانت عندك ابو التواصل بجوالك يعني جالس معي كذا وروحك بعيد وكل مره جوالي يشوف رسم الفتح تبعه مامعي شي اخبيه هو قام اخذ جوال بالبصمة يعني ماراح تقدر للبصمة زوجتي بس يمسح مرات احس يتعمد يخليني اشوف الرسايل ان مامعه احد يرسل ومفي معه بنات يتواصل معهن نسيت نقطة لما قالي لو بيني وبينها كان سجلت اسمها باسم رجال ياسلام على المخ الله يسامحه بس جد ما قادرة اناقشه إلا من بعد اسبوع وانا ادري هو اللي راح يبدا ولا ودي اسمع له وودي اهدده احسه من تصرفاته يبي يضغط علي عشان اناقشه مثلا يرفض ياكل يروح يصلي بالمسجد ويرجع بسرعه كان دايما يقولي انقهر لما مابتسولفي معي احس بوحشه ماللبيت طعم انا اتغدا واتعشى بروحي بس مرتاحه ماعلي منه |
رد: تخاصمت مع زوجي والسبب رسالة وحده له
خيانته هو خيانه لربه وهو محاسب عليها
ليش تحرقين قلبك علي تصرفاته ومافي انسان مضمون اي واحد ممن يخطىء انصحك تدخلين له من جانب الدين اذا بغيتي تكلمينه وتأكدي ان الله لا يغير مابقوم حتي يغيرو مابأنفسهم اذا هو ما منع نفسه انتي وامواجتهك له ماراح تمنعه لان اللي مفروض يوقفه هو خوفه من رب العالمين مو انتي حتي لو تطلقتي وقلبتي عليه الدنيا |
رد: تخاصمت مع زوجي والسبب رسالة وحده له
تصرفاته تصرفات طفل
هذا اللي حسيته فريحي راسك ان كنتي منتي قد الطلاق |
رد: تخاصمت مع زوجي والسبب رسالة وحده له
أسلوب معالجتك للمشكلة من الأساس خطأ
مفروض من اول مرة كشفتيه كبرتي السالفه أما أسلوب مشاكلي ببيتي مش مع هالنوع من المشاكل هذي من أركان استقرار الحياة الزوجية ركن أساسي للزواج |
رد: تخاصمت مع زوجي والسبب رسالة وحده له
تصرفاته تصرفات طفل ويبي يرمي العتب علي المشكلة يقول لي مبررات غبية
اليوم جاء الدوام بآخر الدوام قال ما اتصلت بك فلانه اسمها مارديت عليه قال اصلا هي كانت متواصلة امس تبي تجيب لنا لحم جمل ااااااااه القهر قلت ما شاء الله وفعلا لما ركبت السيارة لقيت لحم ودي افهم هي بمنطقة تبعد عنا 300 كيلو حسب كلامه واليوم جايبه لحم يضحك على من لا يكون تشتغل بملحمه في السيارة يقول ليش ما اتصلتي بها الحين احد يفهمني وش فيه قام مايقول كلام يدخل العقل ياخي اعترف بلا أعذار مريضة صرت ما ارد عليه أبدا ساكته من وصلنا حطت العاملة الأكل وهو طلع بالغرفة وتأخر قلت للعاملة روحي له اذا يبي يتغدا قالت مايبي اكل تغديت وجلست مع بنتي تحت هو طلع العصر ورجع المغرب راح يصل العشاء ولما رجع حطينا العشاء قال ما ابي تعشيت وقلت للعاملة نزلي فراش في الغرفة اللي تحت من شافني انيم بنتي قال عفتي غرفتك قلت بنام تحت انا ناوية من قبل انقل لتحت بسبب وضعي الصحي وملازمتي للراحة وممنوعة من طلوع السلم وهو مايعرف لان من بدت المشكلة انا كنت ع موعد مع الدكتورة المهم قال ماله داعي تتركي بيتك انا طالع منه انا بدور لي مكان أنام فيه اخذ ملابسه وطلع |
رد: تخاصمت مع زوجي والسبب رسالة وحده له
نصيحة لك ،، لا تواجهينة الا وانت مجهزة ردة فعل قوية جدا ومرتبة امورك او لا تواجهينه من الاساس ،،
عرفتي انه يتواصل معها وعرفت اسم المراة ورحتي قلتي له انا كشفت كذبك ،، طيب وين ردك الفعل القوية ؟ ما فيه !! يعني تعطين زوجك الضوء الاخضر انه يستمر في علاقاته علاقاته يبدو انها ادمان او تعود من قبل الزواج ،، ماله علاقة حبه لك ،، كان فيه حيل كثيرة تستخدمينها لابعاد المراة عنه وبدون ما يعرف انك عرفتي ،، طالما ما تقدرين تتخذين موقف قوي ضده ،، فتغابي قدامه وسوي نفسك ما تعرفين عن شيء ،، |
| الساعة الآن 05:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©