رد: زوجي صدمني بجملة وتركت الب
ترى ما عمره انحل شيء بالشدة..
الأمر مو تافه ومؤذي للزوجة ولكن حبيبتي مو على كل شيء نترك البيت و نطلع.. چان طلبتي منه إن يسوي لها بلوك بدون التهديد ببيت أهلج.. اوكي معاج حق تزعلين.. دام الحين إجازة و ما فيه بحوث ما له داعي التواصل |
رد: زوجي صدمني بجملة وتركت الب
اقتباس:
و انا والله لو بترك البيت كان تركته من زمااااااااان من اهله بس قلت له ما اترك البيت الا لثلاث اسباب > هالكلام من شهر واكثر .. قال وش الاسباب قلت يا اما ضرب او خيانه او زواج علي وضحك هو قال بيصيرن كلهن و مزحنا وضحكنا والخ .. والحين هذي انا اعتبرها بداية خيانه عشان كذا تركت البيت خليه يحس بغلطته و لأوووول مره راح اقطع تواصلي معاه .. كالعاده لما ازعل اسوي له جرايد بالواتس وسناب و و االخ .. هالمره بنقطع عنه عشان يحس |
رد: زوجي صدمني بجملة وتركت الب
الحين تعبت والقولون شب علي والوجع فضيع وخايفه اكون حامل وعندي رقم هذيك و ودي ارسل لها و احس ضغطي مرتفع و اخاف مايحس بغلطته .. زوجته الاولى لما تزاعلوا قال كانت تنتظرني ارسل لها وما ارسلت ومن قالت طلقني طلقتها .. و اخاف انا نفس الشي و من جهه ماودي ارجع واطيح كرامتي لان والله معي حق
|
رد: زوجي صدمني بجملة وتركت الب
ما أراه أنكِ منذ زمن تنتظرين فرصة للذهاب لأهلك زعلانة .. ولما جاءت الفرصة اقتنصتِها!! الله بهدينا ويهديج. |
رد: زوجي صدمني بجملة وتركت الب
اقتباس:
مشكلتك مو تافه ومحد يلومك لكن كل مشكله ولها حل انا اشوف انه حلو يعرف حدوده ويتأدب معك من هالناحيه بس كيف بيعرف وانتي مانعه التواصل معه ... تواصلي وتفاهمي اذا تواصل معك طبعاً وحلي مشكلتك وارجعي بيتك قبل تكبر لان اذا كبر الموضوع ماينحل ... |
رد: زوجي صدمني بجملة وتركت الب
اقتباس:
|
رد: زوجي صدمني بجملة وتركت الب
موضوع انه يبشرها وتبشره لو انا مكانك بجد بتضايق ب\ون لايقول اصلا ابلكك ولا ابلكها ..
الموضوع اساسا ماله داعي البتباشير وخاصتا انه الان اجازه كمان .. اذا طلب يتواصل معاكي تواصلي معاه لكن بدون صراخ ورفع صوت .. واذا جا ببالك ترسليله واتس وتعبريله عن احساسك برضو اتوقع عادي عشان يفهم وجهة نظرك .. |
رد: زوجي صدمني بجملة وتركت الب
روقي واستهدي بالله ،
اتركيه لكن خلي باب التواصل مفتوح ، وهي لا ترسلين لها شيء لانها ماعملت شيء غلط ! زوجك هو اللي ارسل لها يبشرها بنجاحه وطبيعي بترد تبارك له ما أهذر لها هي غلطانه لكن موقفك بيكون مرررررة بايخ لما ترسلين لها طلعيها من بالك وارتااحي وبتزين ان شاءالله ولا عليك من الغلطان .. خلاص طلعتي بنفسك تحملي قرارك |
رد: زوجي صدمني بجملة وتركت الب
الاخت الفاضلة تحية معطرة ...
تنتشر ظاهرة اثارت الرجال الغيرة لدى زوجاتهم ولكن يجهل معظم النساء مسببات هذا الفعل المتكرر من قبل ازواجهم .. بالامكان تفسير سبب اثارتة لغيرتك بالتالي ... تختلف لغات الحب من شخص الى اخر . وبالتالي يجد الزوج في غيرت زوجتة الراحة والاطمئنان من خلال ضمانه لمدى محبتها له وخوفها من فقدانة. فالغيرة لا تثار الا لمن نملك لهم مشاعر كبيرة في قلوبنا.. وبالتالي فزوجك يعمل على اثارة غيرتك ليشعر بحبك ومشاعرك تجاهه والذي يعد كجرعة مهداة لة حيث ان من احد احتياجات البشر الاساسية هي الشعور بالحب من قبل طرف اخر. لتفادي ذالك لا بد لكي من اشباعه عاطفيا وتذكيرة بمكانتة وعن رغبتكي بالبقاء معه بقيت حياتك وانكي جدا محضوضة لكونكي زوجة لة وحينها لا داعي له لاثارت غيرتك لانة حصل على العاطفة والطمانينة وبالحب ... وما حدث هو مؤشر لعدم تعبيرك له بالحب او ربما وجود صعوبك من قبلك في التعبير اللفضي عن الحب . كما ينصح بتفادي العضب والانفعال اثناء استخدامة هذة الوسيلة وينبغي لكي ان تسيطري على نفسك وتاخذي الموقف على سبيل الدعابة وتقدمي له الحب بقولك انا اثق بزوجي حبيبي وانت ارجل اهل للثقة وانا على علم انك مطمع لنساء كثريات ولاكني جدا محضوضة بك . حينها سيجد زوجك انة من غير المجدي استخدام هذة الوسيلة لانها لم تعد وسيلة تثيرك بال ستكون وسيلة تشعرة بانه يقوم بعمل مراهق ... والله الموفق . المستشار Moh |
رد: زوجي صدمني بجملة وتركت الب
انتي كبرتي الموضوع
واذا بشرته دام انتي نفس الشي تتواصلي مع العملاء وبوقت متاخر كلمه ابشرك نجحت مافيها شي وش بتكتب يعني اريد اخبارك انني نجحت وهو لو عنده شي كان ما قال لك وعلمك واستفز غيرتك كان يمزح معك بصراحه اذا كان لابد تزعلي فهو التواصل المتاخر انا مستحيل اتواصل مع الزملاء في وقت متاخر لكن اذا عادي عندك وزعلك كلمه ابشرك نجحت فانتي حتما مكبره الموضوع خلي البنت لاتكلميها اصلا وش سوت هي كذا غصب طيب تخلقين فجوه وعدم ثقه بينك وبين زوجك الله يهديك بس |
الساعة الآن 04:56 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©