منتدى عالم الأسرة والمجتمع - مشكلتي مع زوجي وتطاوله ع امي

ثاني يوم اتصلت ام زوجي قالت حنا جايين ناخذك قلت ليش انتي تتصلين مو ولدك ! انتي لك الحشيمة والقدر وكم مرة تصير مشكلة واجلس والله عشانك بس ذي المرة اهلي عرفوا وحاقدين عليه والله ياابوي يقول خليه وعيشي عندي معززه ومكرمة ولي جزء مستقل ،

يا اختي الله يهديك شو هالاسلوب؟ ؟ يعني امه طيبت خاطرك اكثر من مرة ولو بالكلام بس انت خلاص من كثر ماهي شارية رضاك تساويتي معاها وشلتي الوقار والاحترام بينكم انت تجرأتي عليها انا لو مكانها حتى لو عارفة ابني غلطان بعاند وبرد لك الصاع صاعين لان كلامك فيه تكبر وشوفة حال لا والاحلى تقولين اهلي وحاقدين عليه ويقولون تعالي عيشي عندنا معززة مكرمة والله انه استفزاز وقلة احترام لو غيرها كان قالت أجل خليك عندهم وابني بزوجه من بكره.

وهذي عطتك الجواب من الاخر حتى مرة ثانية تعرفي تتكلمي

قالت برضى ع ولدي ومابرضى عليك

حطيه حلق باذنك بحياتك ماتنسيه هذا بالنهاية ابنها مهما كان قلبها بيميل له ولو ظلمك

حماتك فيها الخير وحاولت باسلوبها بس انتي ضغطتي عليها لين عطتك كلمتين تتذكريهم لما تتعاملي معها وتحسي على نفسك، مو لانها طيبة كل مرة تروحي لها ولدك عمل ولدك سوى..

المشكلة ابتدت بجهة وانتهت بجهة اخرى انت كذلك تتحملين جزء من المسؤولية كنتي صاحبة حق وبردة افعالك كبرت السالفة وصار فيه اطراف ثانية زعلانة

سبق وطرحتي موضوع ان زوجك لسانه متبري منه لكن بالمقابل طيب وحنون ومايقصر خلاص تعرفي عيبه ماله داعي كل شوية تشتكي هنا وهناك هو مو طفل صغير عشان ابوه او امه يعملوله عقوبة انت كل مرة بتكبري المشكلة وأسوأ شي تشتكين لاهلك وامك الله يهديها تقول لك عطيني زوجك اسأله ليه ما ركب المجفف؟ شو يعني هو تلميذ؟ وهذا الي خلى زوجك اصلا يعصب عليها اليوم الثاني..

انا ما أبررله، هو اخطا خطأ كبير لما قلل الادب مع والدتك لكن الخيوط متشابكة وبدل ماتحلوا مشكلة بتطوروها لمشاكل.

الحين الي صار صار، اول شي انتي لازم تراضي حماتك لانه مستحيل في هذي الظروف زوجك يراضي امك الموضوع صار مكابرة وعناد، خذي هدية وبوسي راسها واعتذري منها بصدق وتوددي له(لكن لاتنسي هذا الدرس في تعاملك القادم معها). وخلي يمر كم يوم واطلبي زوجك تروحون زيارة عند اهلك او خلي امك تعزمكم ولما تروحو يسلم عليها ويبوس راسها وعفى الله عما سلف..

ولا تستعجلي في الحل الزمن يصفي النفوس الى حد كبير