منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجتي لا تحترمني وتعيرني (http://www.66n.com/forums/showthread.php?t=271962)

Yousef.H 24-03-2017 01:43 PM

رد: زجتي لا تحترمني وتعيرني
 
اقتباس:

المشاركة الأصلية كتبت بواسطة شاطى الراحة (المشاركة 3500510)
اخوي بغض النظر عن بعض ماذكرت
لاتكون زوج ضعيف خلك حازم بالامور الي تقتضي
منك الحزم والصرامة بشرط عدم ظلمها
والرمح على اول ركزة .لكن اذا بتترك الامور سايبة من اولها
فالله يعينك على القادم راح تكون كل الامور خارج السيطرة
وبتتعب بحياتك...

انا مظهر الحزم واللين، يعني لا عايش دور الغجر الاجباري و لا دور المرخي الحبل، بس هي كانها تبغي اللي براسها يصير اذا ما صار اصير الظالم الى اخره .. غير الكلمات الجارحة ..

مبتعثة متفائلة 24-03-2017 01:50 PM

رد: زوجتي لا تحترمني وتعيرني
 
اقتباس:

المشاركة الأصلية كتبت بواسطة VANITY (المشاركة 3500494)
اهلا اخوي

في عليك ماخذ كثيرة

اولا انت تتكلم عنها وانت محسسنا كانك متفضل عليها لما تزوجتها وكانها شي معزول عن اهلك.. هي تنازلت عن امور ببداية الزواج وهذا المفروض يحسب لها عندك.. ولا يا اخوي اهلها مش واجب عليهم يساعدونك وكونهم ماحملوك فوق طاقتك ولا تشرطوا لما اخذتها كثر الله خيرهم ماغلطوا فيك اذا بتحسبها من نفس الجهة ان عندهم بيت وعيال يصرفون عليهم هم اولى من صرفيتهم عليك يا ابن الناس

ثانيا العاطل من اخوانك مانت ملزوم فيه اذا هو بصحته وعافيته يتلحلح يدور له شغل ويدرس لو ماعنده شهادة.. امك واخواتك والصغار من اخوانك محد يقدر يقول شي غصب عليك تصرف بس اللي عنده عيال وش عذره؟ بيتك ورضا زوجتك وراحتك اولى محد نافعك لين خسرتهم!

ثالثا زوجتك غير ملامة انها تضايقت وهي عروس ان الناس تدق عليك.. بس اقلها انها ماتشكت بوقتها
اسلوبك وطريقة كلامك لهم دوووور.. احيانا تكون مو مقصر بس كل كلمة والثانية اهلي الداخلين وانتي الطالعة بمناسبة وبدون مع انها ماسوت شي او غلط ظاهر.. اهلك على عينك وراسك ماقلنا شي بس حسسها انها احد من اهلك مو تحصيل حاصل او شي ماله قيمة او كبش فداء وخصص لها وقت مثل ماتخصص لاهلك ترا مو عيب

تخيل انها كل كلمة والثانية تقول لك اهلي مايعوضون واهلي اهم منك واهلي واهلي.. كلنا بقرارة نفسنا نعرف هالحقيقة بس ليش نشين نفوسنا على بعض؟

اذا كان ماذكرته اعلاه صحيح فصعب انك تنجح حتى لو مع مراة ثانية..

مع فانيتي مافيه زوجه ماتبغى زوجها معها
اي مراه بتعاني زيها
زوجتك باين طيبه لكن وصلت حدها
حاسه زوجها مستهلك مابين عمل ومشاعل ودراسه
اقعد معاها وحاولي توصلون لحل يرضي الكل

شاطى الراحة 24-03-2017 01:54 PM

رد: زجتي لا تحترمني وتعيرني
 
اقتباس:

المشاركة الأصلية كتبت بواسطة Yousef.H (المشاركة 3500512)
انا مظهر الحزم واللين، يعني لا عايش دور الغجر الاجباري و لا دور المرخي الحبل، بس هي كانها تبغي اللي براسها يصير اذا ما صار اصير الظالم الى اخره .. غير الكلمات الجارحة ..

لاتلتفت لهذي الامور فقط عاملها بما يرضي
الله ويرضي نفسك وخلك انسان وسطي.

مسز داني 24-03-2017 02:51 PM

رد: زوجتي لا تحترمني وتعيرني
 
ممكن يا اخي الكريم
ترد على النقاط اللي ذكرتها فانتي بردها و توضح لنا
انت فقط رددت عليها بنقطة الفلوس
نحتاج توضيح اكثر

شاطى الراحة 24-03-2017 03:01 PM

رد: زوجتي لا تحترمني وتعيرني
 
اقتباس:

المشاركة الأصلية كتبت بواسطة Yousef.H (المشاركة 3500508)
والذي لا اله الا هو ان الويكند الواحد نصرف قرابت 500 وهذا غير المصروف من 400 الى 500 وقد تزيد لو بتطلع مع اهلها ،،

عزالله انك ماقصرت ورايتك بيضى.ونعم الزوج انت

عبدالعزيز 951 24-03-2017 03:05 PM

رد: زوجتي لا تحترمني وتعيرني
 
اخي الكريم انت حملت نفسك مالا تحتمل ،، كيف شخص متزوج يخرج من الرابعة صباحا حتى العاشرة ليلا ،، كيف راح تعطيها حقها وتبني اسرة وانت منهك ! ،، وفوق هذا تصرف عليها وعلى اهلك ! ،، اكيد اخي مع كل هذا الضغط البدني والنفسي والمادي راح تقصر كثير غصبآ عنك ،، وزي ما لاحظت حدثت مشاكل كثيرة من ثالث يوم زواج ،، ليسى لانك سيء او هي سيئه بالعكس ،، لكن لانك لم تكن جاهز 100% للزواج ومهيء نفسك ،،، حتى مانكثر الحديث في الماضي ،، فية حلول لكن صعبه التطبيق ،، الحل الاول تاجل دراستك العليا حتى يستقر لك الوضع ،، استقرار بيتك اهم من دراستك ،، الحل الثاني قلل معوناتك المادية لاخوانك وابحث لهم عن حلول لا تلزمك بصرف مالك لهم ،، الحل الثالث ابن الثقة بينك وبين زوجتك حتى تصل الى درجة انها مستحيل تشك فيك ،، افتح جوالك لها وعطها تفتشة ،، اذا كنت مثل ماتقول ليش خايف تفتش جوالك !! صدقني راح تفتشة يوم يومين او سبوع سبوعين وبعدين خلاص تثق فيك ،،
عطها المزيد من الاهتمام والمزيد من الوقت والمزيد من المال ،، اكيد ومليون في المليون راح تكون سعيده معك وترد لك الاشياء هذي باكثر منها وباضعاف ،،
اخوي انت ماطرحت موضوعك الا انك تبي حلول ،، اسمع من الاعضاء وشف المناسب لك وجرب والله ييسر امرك ،، ادري بعض الحلول صعبة جدآ لكن انجاح الحياة الزوجية اصعب من الدراسة والعمل وتحتاج تضحيات كبيرة وبلع الالم والتغاضي عن امور كثيرة ،، هذا الزواج باختصار .

الحافيةة 24-03-2017 04:08 PM

رد: زوجتي لا تحترمني وتعيرني
 
اتفق مع النقاط اللي ذكرتها توتي
" حسسها انها هي كل اهتمامتك "

الامر الثاني فعلا لمتى بتعيش دور الباتمان للعائلة .. يعني اخوانك كبار وتصرف عليهم !
ابدا تراها ماهي حلوه بحقهم ولا بحقك 💁🏻

بنت طيبة الطيبه 24-03-2017 05:08 PM

رد: زوجتي لا تحترمني وتعيرني
 
والله الآدمية ماغلطت كثير معليش هي صادقة رجال طول بعرض عاطلين وانت تصرف عليهم ليه مايتحركو ويدورو شغل انت نفسك تقول اشتغلت في كل شي خليهم يسوو زيك ويشتغلو اي شغلة لين ربي يفرجها ويلاقو عمل مناسب لكن مريحين نفسهم وانت شقيان عليهم وبيتك يتدمر بسببهم مو منطقي ابدا وعلى فكرة ولا اي زوجة بترضى بوضعك الغريب هذا وبعدين خفف على نفسك انت لسة شباب في بداية حياتك صحتك بتدمر وانت هالك نفسك مابين شغل ودراسة نظم نفسك وحاول تلقى وقت تسترخي وترتاح فيه .
وانزعاجها من الاتصالات منطقي جدا اجل من ثاني يوم اهلك يتصلو ويدقو كل شوية ليه ماتنزل لنا يعني مااحترمو كونك عريس توك محتاج خصوصية شوية وجلوس مع زوجتك تصرفهم بحد ذاته اناني شوية لأنهم تعودو إنك كلك لهم ويشوفون مالك حق لنفسك ابدا ماألومهم صراحة اللي يخلي نفسه كلأ مباح للكل ماراح أحد يتردد في استنزافه .
وراح اكرر مرة ثانية صدقيني لو طلقت هذي ولا بنت راح ترضى بوضعك هذا فحاول تعديل حياتك بدل رمي التهم على بنت الناس .

الـــوحيد 24-03-2017 06:15 PM

رد: زوجتي لا تحترمني وتعيرني
 
الله يقويك اخوي
شوف اخوي طالما انك قلت لها قبل الزواج عن ظروفك وماغشيتها ورضت ماعليك
وانت مااخطيت وفلوسك وتعبك انت حر ومال احد يحاسبك وين توديها او كيف تصرفها
طالما انك مانت مقصر وتصرف عليها مالها شغل تعطي اهلك والا لا هذا شي راجع لك
بعض الزوجات اخوي تظن ان فلوس زوجها ملك لها ومن حقها تحاسبه وين تروح او على مين يصرف
اللي ابي انصحك فيه انتبه انتبه انتبه تقصر بحق امك او اخوانك هذولا هم اللي باقي لك اما الزوجه مثل سحابة الصيف مع اي شوي هواء تروح

شاطى الراحة 24-03-2017 07:40 PM

رد: زوجتي لا تحترمني وتعيرني
 
[QUOTE=الـــوحيد;3500539]الله يقويك اخوي
شوف اخوي طالما انك قلت لها قبل الزواج عن ظروفك وماغشيتها ورضت ماعليك
وانت مااخطيت وفلوسك وتعبك انت حر ومال احد يحاسبك وين توديها او كيف تصرفها
طالما انك مانت مقصر وتصرف عليها مالها شغل تعطي اهلك والا لا هذا شي راجع لك
بعض الزوجات اخوي تظن ان فلوس زوجها ملك لها ومن حقها تحاسبه وين تروح او على مين يصرف
اللي ابي انصحك فيه انتبه انتبه انتبه تقصر بحق امك او اخوانك هذولا هم اللي باقي لك اما الزوجه مثل سحابة الصيف مع اي شوي هواء تروح[/QUOTE]

عجبني ردك يوالله اهم شي الاهل هم العزوة والسند
واكثر ما اعجبني الي تحتة خط


الساعة الآن 08:58 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©