|
رد: التغيير ..لماذا نتزوج ، مه
اقتباس:
في انتظارك 💓 وخذي راحتك حبوبه 🌹🌹 شكرااا لك مقدما 😁 |
رد: التغيير ..لماذا نتزوج ، مه
بتكلم اكثر عن شخصية زوجي .. يمكن يتضح لكم شخصيته .. ويساعدكم بها
زوجي مايعرف كلمة" لا "للغير ... هذي الكلمة مسحوبه من قاموسه ... الا معي .. ولا بعد يكثر منها ... حتى بأبسط حق لي ... مثلا زوج خالته قبل فتره طلب منه مبلغ وقدره .. طبعا سلف .. دق صدره وقال حاضر ... وهو مامعه .. جا لعندي وقال لي كذا وكذا وكذا ... قلت له أسفه ماقددر ... لو لك ممكن ... زعل شوي ورضى ... واضطر انه يتسلف من احد ثاني .. عشان دقة الصدر . .. ومو اول مره يسويها .. داااايما حتى قبل مايكون معي الورث .. هذا طبعه ... عجزت اقوله .. مانت مضطر تعطيهم كلمه .. عادي قول لهم لا مامعي .. مافي داعي نأزم نفسنا عشان تبين لهم موقفك النبيل .. مايفهم يقول ماقدر اقولهم لا ... حتى اذا خرجنا نغير جو .. واذا جا اتصال له من اي أحد .. سوى اخوه او احد من اهله او اصحابه .. يقول له تعال اجلس بالورشه جنب سيارتي لان عندي مشوار .. او تعال نروح سوا الصناعيه .. او طفشان تعال نطلع سوا ... او اي شي.. يقطني بالبيت ويروح لهم ... دايما تصير اذا طلعنا .. وضغطي يرتفع مليوون .. يقهرني .. اقوله قولهم لل معي عايلتي ... يقول عيب ... اما انا اذا اقول له تعال ودني المكان الفلاني .. يجيني رد منه لاااا ... مره قلت له ليتك تعاملني مثل ماتعامل الغير ... ما تقول لي لا ابدا .. يظل ساكت .. او يقول مالك شغل فيني ... يحبني اكون مطيييعه وخاضعه لأوامره ... وهذي مو شخصيتي ... احيانا أمثل له ... بس احيانا أرجع لشخصيتي .. شي صعب ومتعب التمثيل .. وفي برضو مثال .. امه لما طلبت منا نسكن معهم .. طبعا هو اللي رافض ومو حابب نسكن مع بعض .. على حسب كلامه ان البيت فيه إخوانه وماحنرتاح ... طيب انت قولهم كذا ... يقول لاااا ماقدر ... ويروح يقولهم والله حاولت اقنع زوجتي ورافضه السكن معكم .. ولاوا تراني حابب اسكن معكم بس هي الله يهديها رافضه هالشي !! 😒 تسبب بمشاكل بيني وبين اهله ... وهو قاعد يتفرج .. بس الحمد لله زانت علاقتي فيهم .. وكسبتهم بمعاملتي لهم اشيا كثيره كثيره يقتلني فيها من القهر 😭 .. بس متحملته لأسباب كثيره 😔 |
رد: التغيير ..لماذا نتزوج ، مه
الان كل اللي اقتبستيه مش فاهمته؟
|
رد: التغيير ..لماذا نتزوج ، مه
تقريبا 😁 ... المعذره اخي مو ضروري تشرح كل شي ... يهمني استفيد منك ... كيف الاحترافيه في التعامل مع زوجي ... وكيف اغير من شخصيتي ... وكيف اخليه هو برضو يتغير
|
رد: التغيير ..لماذا نتزوج ، مه
شكل موضوعي صعب 😔 .. المهم جزاكم الله خير 🌹 ...بس حبيت اقول اني قررت اكلم عمي 😔 .. اليوم افتعل مشكله من لاشيء وخلاني احذف القروب .. نهاية الاسبوع بروح عندهم واخبره بكل شي 💔
|
رد: التغيير ..لماذا نتزوج ، مه
حل سحري وسريع ليس عندي
عشان كذا قلت لكي سابقاً تحتاجي الى مستشار تتفاهمي معه وجه لوجه لكن بما ان موضوع المستشار صعب عليكي فسوف اتعاون واحاول نتعاون في فهم ابعاد الموضوع وعلاجه ولكن احتاج الى ووووووقت |
رد: التغيير ..لماذا نتزوج ، مه
المستشار .. صعب مرره .. عشان كذا لجأت لكم ... واخر شي بلجأ لعمي واهلي .. شكراا لك اخي على تعاونك .. مابي اضغط عليكم ... وبحاول اطنش المشاكل الين ربي يفرجها ... وارضخ لاوامره عشان اريح راسي .. مابي وجع راس 💔
|
رد: التغيير ..لماذا نتزوج ، مه
اذا عندك استعداد نشتغل على نار هادئة
فأوكي على بركة الله نكمل هذا اسلوب حياة وشخصيات وقناعات تكونت خلال عشرين سنة فمو معقولة نحلّها بردين ثلاثة! |
رد: التغيير ..لماذا نتزوج ، مه
اوك .. مستعده ان شاء الله ... ومعكم للنهايه ... شاااكره لكم .. وماحنساكم من دعواتي .. متحمسسه كثير لحياة افضل 🌹
وماجيتكم الا وانا كلي ثقه فيكم ... وبخبرتكم ... |
رد: التغيير ..لماذا نتزوج ، مه
شو اللي صار عشان تحذفين القروب؟ |
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©