رد: فضفضة متاخرة بالزواج
 

ياربي وش كبر حظي تدعين لي الله يسعدك ياقلبي
ويرزقك أضعاف أضعاف مادعيتي لي.
يعلم الله وشلون فرحت بالدعوة الله يسخر لك خير خلقه ياحي ياقيوم.
ولك ملك يقول و لك بالمثل على كل دعوة دعيتي فيها الله يكتب اجرك.

رد: فضفضة متاخرة بالزواج
 

الله يجزاك خير ابو البنّات
بس سالفة الخطابة و مواقع الزواج ما اثق فيها واخاف منها.
ودي زي البنّات يجون اهلها يفتحونها بموضوع الزواج ما ابغى انا اجلس اعيش بقلق وأتعرف وابحث ماهي زينة بحقي.
يمكن الي جاي من موقع ولا خطابة يستهين فيني بكره يقول هذه كل همها تزوج
صراحة الفكرة شوي صعبة بمجتمعنا.

رد: فضفضة متاخرة بالزواج
 

اللهم امين مشكورة ياقلبي على الدعوة الله يسعدك.

رد: فضفضة متاخرة بالزواج
 

أبشركم عاد وحدة من المعلمات ملكتها البارح ياحليهن خلصوا معلمات المدرسة ههههههه.
قلت لامي واخوي جالس قلت فلانة ملكت ما باقي احد بالمدرسة هههه.
ماقالت شي سكتت اخوي الملقوف ما أعطى امي فرصة تكلم خاف تقول شي يزعلني قال يلا طقي لنا تذاكر الراتب قريب خلينا نسافر.
قلت ياحبيبي توي سفرتك لا تجلس تستغلني اخر سفرة لك شد حيلك بوظيفتك ولا تجلس تحسبني بنك لك . قال وش عندك صرتي شريرة قلت ايه بصير شريرة علشان تحسون فيني شوي ههههه.

رد: فضفضة متاخرة بالزواج
 

وش فيها الخطابة الثقة وموقع العفاف !!!!
مو ضروري تكون حياتك نسخة من أحد
ولا شرط تكوني مثل كل البنات
البنات اللي تتكلمي عنهم تزوجوا وهم صغار
وإنتِ أكبر منهم وماتزوجتي
اتوقع لو وصلوا لنفس عمرك راح يجربوا الخطابة
وماراح يحطوا يدهم على خدهم وينتظروا فارس الاحلام
إنك تسعي لنفسك عشان تتزوجي شيء مو عيب
وحتى لو كان في مجتمعك هذا الشي مو موجود
مجتمعك ماراح يفيدك بشيء ولا راح يزوجك
وهذي حياتك انت بتعيشيها مو احد ثاني

رد: فضفضة متاخرة بالزواج
 

مراحب

ما راح أزيد أكثر على كلام خواتي الي فوق
لكن يا اختي لو نتكلم عن خطابة ولا مواقع زواج
ولا خطبة تقليدية تأكدي التوفيق أولا وأخيرا بيد رب العالمين

كل بنت تتمنى تتزوج عن طريق أهلها وخطبة لكن بعض البنات ظروفهم تختلف
انا اعترف أن الزواج عن طريق الموقع صعب ويخوف
وحتى الخطابات في هذي الايام مايعرفون الصالح من الطالح

مع ذلك انا جفت بعيوني واعرف ناس تزوجو عن طريق موقع
وما شاء الله تبارك الله حياتهم حلوة وعلى فكرة ملتزمين ويخافون الله

في ناس أهلهم ماعرفو يختارون معاريس وضيعو عيالهم وصلوهم للطلاق
في ناس خطبة أهل والله وفقهم
وفي ناس عن طريق خطابة وانغشو
وفي ناس تزوجو بنات اعمامهم ومرتاحين وناس العكس


اذا التوفيق أولا وأخيرا بيد رب العالمين
انا ما أشجعك على موقع اوخطابة اوخطبةاهل
سوي الي انتي مقتنعة فيه بذكاء وحرص
فقط وضحت لج الواقع الي أجوفه

الله يرزقج بالزوج الصالح يالوردة


همسة : أداء عمرة والدعاء راح يساعدج انا من البنات الي دعت حق نفسها
بالزوج الصالح والحمدلله ربي رزقني

رد: فضفضة متاخرة بالزواج
 

عندك أسلوب إقناع ماشاءالله وش تخصصك 😃
جد والله كلامك مقنع وطالع من قلب. كانك قدامي وتهاوشين عليه هههه امزح بس
ماشاءالله عليك اسلوب المفروض تعطين دورات بالمجال هذا.
اقتنعت بكلامك بأخذ رأي أمي قبل أي خطوة بقولها تعطيني رأيها.

رد: فضفضة متاخرة بالزواج
 

صدقتي التوفيق بيد رب العالمين.
وتكلمتي بواقعيه " الله يسعدك🌹🌹🌹🌹

رد: فضفضة متاخرة بالزواج
 

كلامك جميل والاجمل روحك وتفأئلك
رزقك الله بزوج نقي تقي صالح وبناتي وبنات المسلمين

رد: فضفضة متاخرة بالزواج
 

اختي البيلسان كيف ماشاء الله تبارك الله جاكي الزوج المناسب واش سويتي ايش الطريقة مثل دعيتي الله ليل ونهار اوترتي ......