رد: الاكتفاء بطفل واحد
 

السلام عليكم شكرا لكم جميعا

السبب هو بينا مشاكل ومافي تفاهم

اخاف أكثر وبعدين اتوهق

رد: الاكتفاء بطفل واحد
 

الحل تحلين المشاكل الي بينكم واما اقتصار الحل بتحديد النسل والاكتفاء بطفل واحد ،،، ماراح تضمنين اقتصار زوجك على زوجه واحده ايضاً..

رد: الاكتفاء بطفل واحد
 

سالفة التعدد مو بعيدة عليه حتى لو يبت له 3 أو 4

والله الإنجاب نعمة وانا أحب اليهال بس المشكلة هو متطلباته كثيرة
يحب التغيير بشكل كبير

طبعا الاجهاض حرام فقلت راح اكتفي ب1 وفي نقطة ثانية
انا حملي حساس اول مرة حملت صارت مشاكل اجهضت
واليوم بعد تعبت شوي بسبة مشكلة معاه أحسه ما يراعي مرض
ظروف حمل ما يراعي شي اوردي عنده بنت من طليقته

رد: الاكتفاء بطفل واحد
 

ما دام دافعك لتحديد النسل هو مشاكلكم وهو عنده من طليقته طفل

اسمعي .. وجع الطفل الواحد مثل الاثنين والثلاثه

انصحك جيبي ع الاقل 4 اطفال

خفيفين سواء بمشاكل ولا بدونها


اطفالك لك ...... صحيح هم له ايضا .. ولكن
هم قوه لك ..

شيلي فكره طفل وااااحد من بالك

رد: الاكتفاء بطفل واحد
 

عالاقل لو الله لا يقوله تطلقتي وكانوا عند ابوهم

واحد من اطفالك يشكي همه للثاني .. واحد منهم يدافع عن الثاني.. يعلمك اخبار اخوه او زلاته

لا تجعليه واحد فيتوحد الناس فيه ويحس بالكسسسره

رد: الاكتفاء بطفل واحد
 

كم عمر طفلك او طفلتك ؟

رد: الاكتفاء بطفل واحد
 

رد: الاكتفاء بطفل واحد
 

وانا اشوف تجيبين حتى لو بينكم مشاكل ..حرام طفلك يبي اشقاء وعزوة له

رد: الاكتفاء بطفل واحد
 

بالعكس أنا أشوف اللي بينها وبين زوجها مشاكل لكن تحس إنها ممكن تبقى معه تجيب عيال يصيرون لها عزوة ماتدرين تتزوجين بعده أو لا
يجيك عيال أو لا
برضو إذا هو واحد وتطلقتي وتزوجتي يحس بالوحده بعضهم إذا كبر هاجر لبلد ثاني لأن ذكرياته بهالبلد وحيدة وسيئة وحس بالضعف الشديد وإنه غلطه وغير مرغوب فيبغى ينساها
لكن لو له إخوان بيبقى بينهم يساندهم ويساندونه وأنت المستفيدة

لكن لو زوجك ماتبين تكملين معه نهائي أو خطر عليك وعلى العيال مثلا سكير أو شاذ هذا لا تجيبين منه لأنك بقيتي وإلا تطلقتي بيتعذبون

رد: الاكتفاء بطفل واحد
 

حسب قناعاتك الشخصية وتصورك للحياة

اهم شي قبل تحديد النسل برأيي هو التنظيم، لاتشغلي بالك حاليا لانه من هنا ليولد تقريبا سنة وضيغي عليها سنتين لتقدري نحملي بطفل اخر يعني عندك ثلاث سنوات ماتعرفي ايش ببصير فيها ممكن تنحل نشاكلكم وهالطفل يعقّلكم..

انا جاءتني فكرة الانفصال وكان عندي بنت واحدة لكن كنت اكره انه اولادي مايكونون اشقاء وكل واحد عنده اب غير الثاني واحس مثل ماقالو الاعضاء الولد يتعذب يحس حاله وحيد حتى لو جبتي عيال مع زوج ثاني، انت طبعا مستفيدة لان بتكون فرصك في الزواج مرتفعة لكن هنا مثل ماقلتلك يجي تصورك للحياة هل هو راحتك مسبقة على راحة الولد او العكس.. على الاقل اثنين يحنون على بعض..