المشاركة الأصلية كتبت بواسطة صاحبة القصر2 (المشاركة 3515959)

ليش ما تكوني انتي المبادر...
ليش تطلبين منه المشاعر وانتي ما اعطيته اللي
انتي تحتاجينه.... وبعدين ليه في بالك انه لو
صارحك باللي فيك بتطلبين الطلاق...
على الأقل تستفيدين من ملاحظاته لك
بتطوير نفسك... النقد يفيدك اكثر من انه يضرك بذات
اذا كان في ايطار الأسرة
اجلسي معه جلسه مصارحة
خليه يصارحك باللي يتمناه منك وانتي
صارحيه باللي في خاطرك....

المشاركة الأصلية كتبت بواسطة Neat Man (المشاركة 3515961)

موضوعك ليس بذلك المشكل الكبير، لأن أغلب الرجال حياتهم بهذه الطريقة، وجيد أن زوجك على أقل تقدير يشعر فيك والدليل حتى ولو يأخذك عشر دقايق حتى لو عن قولت ، ولكن الاحساس موجود
الحل هو في المصارحة والمواجهة، قولي اللي بقلبك، ترى أحياناً بعض الناس يغفلون ويتعودون على الرتم ولا يشعرون بالحرقة اللي انتي فيها، لذلك كلميه بكل صراحة، لابد احيانا من المواجهة لابد أنل ترمي حجراً يحرك الماء الراكد.
متأكد أن هناك تغييرات ستحدث إذا تحركتي خصوصاً إذا كان خلوق وعنده ضمير

المشاركة الأصلية كتبت بواسطة همي اكبر همي (المشاركة 3515968)

مشكلتك مشكلة الكثيرات ملخصها او سببها الجفاف العاطفي بين الزوجين
كل واحد في صوب وبس يجمعهم سقف واحد.
كيف تتخلصين من هالشي بانج تشغلين نفسج..
بالدراسة او بالشغل.
لو هالشيين غير ممكنين انج تمارسين هوايتج بالبيت او تتعلمين شي مثل الاشغال اليدوية
دوري شي محتاج تفكير ومجهود ذهني.
اما بابنسبة لزوجك دوري شي هو يحبه وابدي انتي حبيه..يعني فيه ازواج يحبون الكوره طالعي وياه وتفاعلي بس مب تزعجينهhgh
انا نفسي امر بين فترة والثانية بهالشعور احس مافيه شي يجمعنا غير الاكلة والشربه.
بس في النهاية اقول الحمدلله دام عيالي مبسوطين ماراح ازعزع استقرارهم بسبب افكار وردية تخطر في بالي.

المشاركة الأصلية كتبت بواسطة غرناطة (المشاركة 3515971)

بادري
اعرفي جوه
جربي تلعبون لعبة سوا لو أونو
ولا تتوترين جيبيها بشكل عفوي إنه أوه ملل خل نشتري أونو
أو وأنتم جالسين طلعي لعبه في الجوال وتحديه فيها لودو مثلا

لمن تجلسون خلك قريبه منه مو لاصقه
وإلعبي بأصابعك على ساعده أو يده
قريت إنه هالأشياء تعزز التواصل حتى بدون كلام وخليها عفويه بتتعودين عليها مع الوقت

فضفضي له بحب وهدوء قولي أمنياتك مو على سبيل التحسر بل على سبيل التشوق والحب يعني أتمنى نروح الباب ونتسابق ونصور ونصنع ذكريات مع بنتنا

لما تتكلمي بيصير عنده تصور عن الأشياء اللي تحبيها ومو لازم يطبقها بنفس اليوم لكن بتجي بباله بعد فتره ولما يشوف ردة فعلك وفرحتك بيكررها


اخيرا حبيبتي اكشفي على فيتامين د
ولو تاكلين حبوب منع حمل ريحي منها
التركيز على حاجات زي كذا لدرجة الحزن الدائم أحيانا يصير بسبب داخلي بالجسم

المشاركة الأصلية كتبت بواسطة توووووووتي (المشاركة 3515984)

الحمد لله حياتك حلوه ومافيها مشاكل
اكيد يتسلل الفتور بحياتنا
زوجك يطلع عشان يغير جو لان من كلامك يتضح لي ان نمط حياتك روتيني
جددي حياتك
دخلي جو ببيتك عشان نفسك
راح تلقينه يشارككم

جيبي العاب فالبيت العاب تكوني قدامه مو العاب الكترونيه
كثيره الالعاب
كيرم . شيش . اونو.
انا بعض الاحيان اذا طفشنا اروح العب مع اطفالي كوره الى زوجي جاي يلعب معانا

غيري من روحك تتغير حياتك

بعيدين ابتعدي عن المقارنه ابتعدي ابتعدي ابتعدي مهما

وخصصي لك وقت لحالك لقراية القرأن والاستغفار
وصلي بالليل لو اربع ركعات

المشاركة الأصلية كتبت بواسطة لك مشكله حل (المشاركة 3516002)

اقترح عليك تقرأين كتاب " لغات الحب الخمس " وهو متوفر على الانترنت كنسخة الكترونية
بعدها تحددين ما هي شخصية زوجك وأي لغة من لغات الحب هي لغته
وبإذن الله ستجدين الفرق بالتعامل

المشاركة الأصلية كتبت بواسطة Username111 (المشاركة 3516018)

احس مشكلتج هذه وايد حريم يعانون منها ويا ازواجهم

يمكن بعده ماتعود عليج عدل
مافي سوالف تشده
يمكن ملول

كلها مسألة وقت اختي

ترى وضعج هذا طبيعي وعادي بالنسبة لوايد متزوجين
خاااصة بداية حياتهم الزوجية


انتي حاولي تفتحين مواضيع تشده وفيها نقاش وتطول
ابعدوا مابينكم الرسميات وخلج عفويه مرحه و مثل صديقه مب بس زوجة
تشاركينه يومياته واهتماماته وحياته

بس ماعليج مع الايام والسنين بيتعود عليج اكثر

واظن انه زوجج مب بيتوتي

المشاركة الأصلية كتبت بواسطة المتواضع305 (المشاركة 3516031)

ليه متعلقه فيه حيل وتنتظرين منه الانس والسعاده انتي اعملي على نفسك وحددي اهدافك واشتغلي عليها وزوري ارحامك والصالحات بالعربي لاتجلسين فارغه راح يجي وقت ماتبين تطلعين معاه لإضاعة وقتك ...