|
رد: اهانات زوجي و تطاوله المست
معك شهادة ؟
|
رد: اهانات زوجي و تطاوله المست
اقتباس:
وبكيت عنده وضميته قال وانا بعد عندي مشاكل ورفض يسمعني وقال ركزي بييتك وزوجك والدي حاسس بمعامله زوجي المهينه وسبق قال زوجك مايحشم احد وانه يكره اهلي وحاقد علينا الحين استوعبت معنى كلامه زين المشكله محد متحمل مسؤوليه احد والوالد عنده مشاكل ماديه هالفتره وينزعج جدا من اطفالي انا ندمت اني رجعت لزوجي بعد ماضربني كانوا اهلي وقتها واقفين بصفي وانا تراجعت وعطيته فرصة ثانيه مادريت انه خسيس مايستاهل الحين محد راضي يتدخل ابدا تعبانه يا ناس حتى المستشار اللي اتواصل معه قال لي التعديل مستحيل خلاص طفش وصار يحببني فكره الطلاق طيب واطفالي!!! يقول ماعليهم خوف مع ابوهم والولد وضعه افضل من البنت وكلام اهبل والله وبالله لو عندي فلوس ووظيفة اخذت لي شقه لي ولعيالي احسن من الحياة المهينة هذي |
رد: اهانات زوجي و تطاوله المست
اقتباس:
وقريت تعليقك قبل التحرير ادري الطلاق افضل لكن عندي اطفال اطفاااال لو هم اكبر شوي تطلقت بس واحد منهم رضيع صعب ارميهم وامشي ماعندي فلوس اخذ لهم شقه ومحد راضي اعيش لحالي مع اطفال واهلي مايبون اطفالي ولو انتظرتهم يكبرون شخت انا وكبرت بيضيع شبابي عالفاضي ومحد بيفكر يرتبط بوحدة كبيرة ومريضة |
رد: اهانات زوجي و تطاوله المست
اقتباس:
وهو التجاااااااااااااااااااااهل عيشي لعيالك في بيته وعليك بالوتر والدعاء مافيه احلى من الحياة مع ربنا |
رد: اهانات زوجي و تطاوله المست
اقتباس:
الله يكون بعونك شوفي حبيبتي، نحن النساء قويات نتحمل كثير من اجل صغارنا. انت قوية وهو ضعيف يثبت نفسه بارهاب امرأة.. تذكري هالشي دائما الظروف تجبرك تتحمل الذل والاهانة لعيون صغارك ولكن في نفس الوقت لازم تشتغلي بحكمة لتغيير هذي الظروف -وضعك المادي واستقلاليتك- ادعسي على قلبك واصبري هالفترة وخططي لان الاولاد مايضلون صغار طول العمر، ماتدرين لعل ربي يهديه ويتحسن الوضع بعد كم سنة، واذا ماصار بتكوني وفرتي لنفسك حل بديل بعيد عن ازعاج الاهل...... |
رد: اهانات زوجي و تطاوله المست
اقتباس:
ابوك تحديدا و قلناها لك لما ضربك و رجعتي له رغم اعتراض والدك لا انتي و لا زوجك كنتوا حابين الطلاق و تركتي ابوك يتمرمط بينكم الان ابوك فهم الوضع و رفع يده منك لا انتي كسبتي ابوك و ضمنتي حمايته لك و لا زوجك تغير وضعه و زانت اخلاقه معك الا اشوف الوضع يتفاقم اكثر انك تصبري و تبردي قلبك اتجاه زوجك و اهاناته لك |
رد: اهانات زوجي و تطاوله المست
واستعينوا بالصبر والصلاه
اذا بدأ يلطلط .. سوي عزل لصووته وعيشي جو ثاني .. تروشي عالسريع وصلي ركعتين قدامه اذا كنتوا بره .. مو كل كلمه منه لها رده فعل منك .. خلي كأنه يكلم جدااااار عيشي مع عيالك ولي صار اادمي .. كوني له مثل ما يحب وبسس انتهى |
رد: اهانات زوجي و تطاوله المست
اذا قررت الاستمرار معه.لعدم وجود حل بديل للخلاص من هذا الوضع من اجل اطفالك وهم فعلا يستحقون التضحية فهم قطعة من فؤادك ضعيهم في اعتبارك في اي قرار تتخذينه ..هذا الادمي ليس له سوى حل . الحقران يقطع المصران ..وحطي السماعات وشغلي القران ع الجوال لما يقعد يزعجك اربح لنفسيتك ولصحتك كلامه لايستحق ان تضيعي وقتك بسماعه واقتربي من الله اكثري من الحوقلة والذكر والصلاة على النبي ...ربك وحده قادر يغير حال هذا الادمي
|
رد: اهانات زوجي و تطاوله المست
ليتك ماتركتي وظيفتك
على الاقل تطلعي تغيري نفسيتك ردك عليك لا تلامي عليه بس اللوم الاسلوب الي خلاك تستخدمينه استفزك وانتي تجاوبتي مع استفزازه ونزلتي بمستواك غلط على ابوك كان بحزم قلتي ابوي احسن من اي انسان بالدنيا وكلامك فيه ماينقصه ابدا الا يزيده وبردتي اعصابك وخليتيه يموت ومايمسك عليك شي مدري وش العلاج مع زوجك وانتي انسانه حساسه سهل يستفزك زوجك يبغى له زوجه قلبها من حديد تتغافل وتسحب عليه يسب خليه يسب لين يطيح الي براسه وساعتها بيحس شكله غبي محد رد له بال |
رد: اهانات زوجي و تطاوله المست
ابوك طلعي من مشاكلكم
ماقصر معك المره الماضيه وبهذلتوه معكم وبالنهايه ما سمعتي كلامه |
| الساعة الآن 10:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©