|
رد: الفتور الزوجي بعد عشر سنوا
اقتباس:
بس هو قالها بلسانه قبل كنت اعاقبك لمدة 6 شهور 😂 مستوعبة!! انا ازعل 6 دقايق وانسى اني زعلانه واتكلم معاه وهو ست شهور !! ياساتر انا ثقتي تزلزلت مو بس اهتزت كنت احوم وادور حول نفسي احس بالاحباط واحس بالغبنة ومشاعر كثيرة . بس الفكرة الاهم كانت اني ابغى اعرف وافهم. ما احب الاشياء المتكدسة وظاهريا وضعها ممتاز توترني ما اقدر |
رد: الفتور الزوجي بعد عشر سنوا
اقتباس:
هل تعطيه ملاحظات كثير على نفسه؟ هل كان مقبل عليك و انت تردينه fgfg؟ فصار يعاقبك بهذي الطريقة كيف تعاملوا معك يعني ما يهينك علاقته بابنائه كيف غالبا نحن معشر النساء لما تركز على شيء تنكد كل نواحي الحياة و تسبب ضغط فضيع فالرجل ينفر ؟ ممكن تصرف زوجك ردة فعل لافعال سابقة راجعي نفسك خاصة انه حقود و يشيل بقلبه كيف صلاته؟ |
رد: الفتور الزوجي بعد عشر سنوا
زوجي فيه طبع مرة مرة صعب ومتعبني واحيانا احس بوصل للنهاية معاه بسبب هالطبع.
هو الغضب المفاجئ لما يغضب يطلّع غضبه بنفس اللحظة ويرتاح هو بعدين بس اللي معاه لا . يعني مايراعي الجو العام مايراعي المناسبات الظروف .. الخ لا ابدًا احيانًا نكون طالعين مطعم انا وهو لوحدنا فجاة يهاوش على موضوع بسيط يقول كنت معصب وخلاص لا تكبرينها بس انا نكّد علي !!وخرب جوي ودايما كذا بكل سفرة له بصمة وباكثر الطلعات بصمته موجودة. واحاول. قد قد ما اقدر اتحاشى واتحمل . لما رجع من السفر من بكره صار موقف الشباك ، لما دخل للغرفة وحصلني فاتحة الشباك جلس يهاوش مررة وانا كنت حرفيا حرفيا مشاعري بالحضيض الحين لنا اسبوع عن بعض وبعد ثلاث ساعات ماقدرت تمسك نفسك!! طبعا صرت اتحاشاه واسوي شغلي ولا اجلس معاه ولما ناموا الاطفال تكلمت معاه قال انتي مكبرة الموضوع ! قلت لا مو مكبرة انت حرفيا فشلتني توك جاي ورايحة اناديك للغرفة تشوف لبسي اللي انت مشتريه لي كذا تقوم تهزءني طيب احشم الملابس الجديدة ع الاقل 😂 ويردد لاتكبرين خلاص مايسوى الموضوع!! تبكين عشان هالموضوع التافه؟!! بكى ولدي ورحت له لما رجعت حصلت زوجي طالع وانا رحت انام عشان دوامي مبكر. ورجعت ومشينا طبيعي. لما صار موقف الحضن الصباح وصحينا وطلعنا الصالة انا اخذت ميزان الجسم من الدولاب وقست وزني ورجعته مكانه . صحى هو وجاء عندي يصرخ انتي اخذتي الميزان ؟ قلت ايوه قال مرة ثانية تاخذينه ترجعينه لمكانه! بصراخ . قلت طيب رجعته مكانه ! واقوم بسرعة بشوف لاني متاكدة اني مرجعته لما وصلت للدولاب قلت شوفه بالدولاب قال تستهبلين رجعيه زي ماكان واقف ماتحطينه بالدرج منسدح ويغطي ع شرّابي 😂 ؟!! وتراك تسوينها كل مرة . قلت طيب سوري ، وعدلته زي ما يبي . قلت طيب نغير مكانه .. قال بهواش لا مكانه زي ماخترته !!! قلت طيب اوكي . قسم بالله هذا الحوار اللي صار 🙂 حرفيا . وانا صرت ما اعرف هل المشكلة فيني انا او فيه هو . يقول لازم اعيد عليك الكلام كثير . وتروحين وتسوين نفس الاخطاء ! تعانديني ؟!! قلت ما اعاند بس اكون ناسية ولمّح الى اني اعاني من مشكلة بالنسيان . 😂 انا ما اعرف هل الوضع طبيعي لما يكون الزوج دقيق جدا نفس وضعي وانا اكون انسى .. لاني ام لاطفال وموظفة وعندي مسؤوليات لراسي ! انا ما عندي اخوان لكن مثلا اشوف ابوي ، عمره مادقق باي شيء بالبيت امي تسوي كل شيء من ترتيب وتنظيم ونظام . مع ان شخصيته قوية بس مايدخل نفسه بالتفاصيل. زوجي لا ، تفاصيل التفاصيل ، ولو نسيت منها شيء طلعت انا وحدة من ثنتين اما اعانده واحط راسي براسه. او اني فاهية وعقلي مو معاي . طبعا المهم بعد الموقف هذا اقسسسم بالله العظيم اني ماحسيت بولا شيء ولا شعور يعني توني صاحية ويصير هالموقف اللي مايسوى ويصير قدام الاطفال . ردة فعلي ولا شيء ولا زعلت ولا تأثرت واول كنت تبدا دموعي تنزل غصب عني المرة هذي انواع التبلد رجع سالته عن الغداء قال ابغى ساندوتش سويتها زي ما يبغى وحطيت الاكل واشغل التيفي نتفرج حرفيا مشاعري كانت زيرو . وانا احس ان هالشيء مو صحي ولا طبيعي ولا مؤشر مبشر . |
رد: الفتور الزوجي بعد عشر سنوا
اقتباس:
نهائي . بالعكس انا يعجبني شكله ودايما امدحه بناءً ع اللي اشوفه ! قلت لك لما صحى وضمني انا وقفت صنم . انبسطت بحضنه خصوصا كنت مشتاقة له بس كنت محتارة ، ابادر او لا .. كنت مو فاهمة هو راغب بالعلاقة او مجرد حضن . احتضنته وتركت المبادرة له . وهذا اللي زعله زواجنا 10 سنوات مارديته ابدًا الا مرتين مستحيل مستحيل ارفض واكون مبادرة احيانا مبادرة صريحة احيانا بلبس وحركات ويعرف هالشيء .. دايمًا يعلق لما ننتهي انو خليك واستمري ع هالمود .. زوجي يهمه الجنس وانا عارفة هالشيء عشان كذا لما تغير انا غصب عني توترت تغيره حسسني انه فيه شيء .. لكن ما اعرف ايش . مواصفاته رجل رائع ، يعتمد عليه كريم معي ومع اهلي.. حكيم واحب استشيره دايمًا لما يهاوش على طول يأنبه ضميره ويبدا بطريقة مباشرة اى غير مباشرة بالتعويض وغالبًا يعتذر مباشرة . وابدًا ابدًا ما احسه حقود او يهين .. عشان كذا مستغربة تصرفه السابق . احيانا لو نكون بمشكلة زي اللي يقول لا تمتحنين صبري .. لا تستفزيني صلاته محافظ عليها لكن الفجر غالبا ينام عنها ويصليها الصبح . ونصحته كثير والله يهديه |
رد: الفتور الزوجي بعد عشر سنوا
لا يخلو انسان من عيوب و مميزات زوج تغلب عيوبه فحاولي انت تتكيفي مع غضبه و عصبيته
ممكن الامور التي ترينها تافهة هي مهمة بالنسبة له مثال حادثة النافذة حاولي تحتوينه مثال لو قال اغلقي النافذة في برد مثال ذلك تحتويه فتقولين يا حبيبي حرارة حبك و حرارة الغرفة ما اطيقها اذا بردان ادفيك بحبي و حناني اما جواب حقي و ما حقي فما يصير حاولي تمثلين انك انت تحت جناحه بالكلام المعسول غضب اغضبي معه لا تقولين لا مايصير تغضب لهذا السبب بل اوقفي معه والله كلامك صحيح و الامر مزعج لكن لا تخسر صحتك و اعصابك |
رد: الفتور الزوجي بعد عشر سنوا
اهلا غاده
باذن الله ماعندكم مشكله كبيره الزوج الي يدقق متعب وغالبا نكدي لكن الحمدلله زوجك فيه صفات كويسه كثيره وقلبه طيب ماراح اتكلم عن العلاقات الزوجيه لكن فيه شي لفت انتباهي اسقاطك كل المواقف على نفسك وتاكلين بنفسك وسؤالك هل تشوفني فاتنه وجميله دليل عدم ثقه مشكلتك غاده زوجك محور كونك وتعيشين على مدحه ورضاه ووضوحه غيره تعيشين بتوتر والم وشك وريبه وسترس يمنعك من متعه الحياه وهذا غلط |
رد: الفتور الزوجي بعد عشر سنوا
زوجك يدقق على التفاصيل وانتي تدققي على ردات فعله وتحللي وتبالغي بالتفكير
|
رد: الفتور الزوجي بعد عشر سنوا
اقتباس:
انا فعلاً عندي هذي المشكلة ومو بس مع زوجي حتى مع صديقاتي او خواتي عندي رغبة فظيعة لارضاء الاخرين ، ولو احد منهم صدّ او تغير على طول شغلت شريط عقلي واسترجعت الاحداث. وش سويت وش قلت وش بدر مني 🥲 ومع زوجي زيادة ع كذا هو دقققييق واي كلمة او ايماءة او تعليق ممكن ينفهم غلط !! وبرضو مو مسألة محور كوني فقط .. انا اكرررره اكرره اكون مستغفلة وتقدرين تقولين عندي هوس للموضوع هذا لا تلف وتدور من وراي تعال صارح وواجه . واللي زاد الوضع قبل شهر قريب زوجي وصديقه متزوج معنا وفجأة بوم طلع عنده زوجة ثانية وله منها طفلين !! ومن عرفت وانا متوترة.. انا حرفيا احس بمشاعر زوجته شلون 8 سنوات مستغفلها ! |
رد: الفتور الزوجي بعد عشر سنوا
اقتباس:
و المتغافل مو بغبي وانما ذكي لانه ما ينكد حياته بالتدقيق و البحث كانه يعمل في الاستخبارات وكل موقف يطلع كونان يحقق صاحب زوجي متزوج وزوجي متغير اذا زوجي ايضا متزوج و طريقة التحقيق و اشترار الماضي و المواقف ما منه فايدة وانما مرررهق للاعصاب و منكد للحياة |
رد: الفتور الزوجي بعد عشر سنوا
اقتباس:
مرهق جدا ومتعب التدقيق وكثرة التفكير والتحليل واغلب مشاكلنا على هالموضوع . |
| الساعة الآن 02:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©