ماهو رأيك في سكن الزوجين مع الأهل من ناحيتين:
الناحية الاولى / اذا كان سكنهم مع الاهل في نفس المنزل لهم فقط ( غرفة نوم ) والباقي مشترك ؟
هذه الناحية صعبة يا أخي ، وصعبة جداً أيضاً ، فسوف تلاحقهم النظرات وربما الآذان حين يدخلون أو يخرجون وحين يتحدثون وحين يلعبون حتى وحين يجتمعون ولن يأخذوا راحتهم أبداً في اللعب معاً والضحك والقهقهة وإلقاء النكات وحتى حين يجتمعون سيضطر كلا الزوجين لأن يكتم صوته بل ويخنقه مما يؤدي إلى الشعور بالضيق !




الناحية الثانية / اذاكان سكنهم مع الاهل في نفس المنزل لكن لهم شقة مستقلة ( غرفة نوم - مطبخ - صالة -) أي سكن مستقل ؟
أما هذه الناحية فتعتمد على نوعية الأهل ، لدي صديقة تسكن في منزل أهل زوجها في شقة جميلة ، معززة مكرمة ، إلا أن اخوان الزوج واخواته ، خصوصاً الأطفال ، كثيراً ما يصعدون ويضايقونها بكثرة صعودهم وقلة أدبهم أثناء اللهو ، بل أحياناً يصعدون حيث يكون الزوجان في لحظاتهم الحميمة ! فماذا تقول أنت ، أخبرني ما رأيك ؟!

وجهة نظري
 

أنا أشوف الناحية الاولى: مره صعبه وتقيد حرية الزوجين اما الناحية الثانية: تمام مع انه يمكن تتقيد الزوجه من ناحية انه ماتقدر تعزم احد عندها او احد يزورها وراح تكون مرتبطة دايم مع اهل الزوج :)

آسفة ... غلط مطبعي ...

لا وألف لا .....
 

إذا كان الزوج فاضي للمشاكل ... خل يسكنها مع أهله :eek: .... حتى لو كانت العروس في حالها وماتحب السوالف .... بعد بتطلع السوالف والله :confused: ....

وبعدين نصيحه نصيحه نصيحه نصيحه ... أنه مايفكر في هالموضوع... والله العظيم يمكن 1 بـ% :eek: اللي مرتاحين مع أهل الزوج ... وأن كانت أمه عسل بيطلع العيب في خواته أو حريم أخوانه ...أو في الاخوان نفسهم ... لأن بعض الأخوان تكون نيتهم خبيثه والعياذ بالله :confused: .. عشان كذا ...الواحد يطلع لشقه تضمه هو و زوجته أحسن له بمليون مره من المشاكل اللي ماتنتهي :D ..

وهذي تجربتي مع أهل زوجي :( ... لأني كنت معاهم لمده 4سنوات ونص :rolleyes: ... بس وربي الغالي ... أني شفت الويل منهم :mad: ... وأنا من النوع اللي ما احب اشتكي لزوجي :o بس هو يدري أني أكتم عنه مواضيع وااااايد تزعلني من أهله .. بس كانت الخدامه تخبره لما كنت أنا أرفض اني اقوله :rolleyes: ... وفوق هذا كله يحنون على راسه في الطلعه والجيه :( ... هذا كله من الغيره‍.. لأنهم يشوفونه أنه يموت فيني ومايرفض لي طلب ... وأوقات لما ندخل البيت .. ندخل وإحنا مبسوطين ونضحك :d وهو حاط ايده على خاصرتي ... والله العظيم ماتصدقون وشلون كانوا بيموتون من القهر :mad: ... وفي هالحظه هذا اللي احنا نكون في قمه سعادتنا تسألني أم زوجي ها ..يالهنوف ..للحين ماحملتي ..؟؟؟؟ :( :rolleyes: ... ويجاوب زوجي ويقول ..الله كريم ..كم مره قلت لكم لاتسئلونها ..‍‍‍‍ :mad:
ولا بعد ... كل مايسافر زوجي ... يجي أخوه الكبير :( ... ويطق باب الغرفه ولما أفتح يقول لي كلام والله اني استحي أقوله :eek: ... زوجي اللي هو زوجي ماقاله لي :confused: وأسكر الباب في وجهه ... وحتى لما كنت ادخل البيت ويكون زوجي في الدوام أحس انه حافظ جدول زوجي لازم اشوفه في وجهي ويتفداني :confused: وأنا ألعن شكله وأروح عنه وأكون ميته من الخوف ليدخل غرفته :( ..وماحبيت أقول لزوجي عشان مايذبحه :rolleyes: ...
وبعد ماشاف زوجي الظيم اللي أنا شفته ... قرر أن إحنا نطلع من بيتهم والحين والحمدلله :cool: .... ماقول إلا الله لا يحرمني من زوجي حبيبي :d ..

عشان كذا .. والله السكن صحيح يبغي له مصاريف .. بس والله أن الراحه تنشري في هالأيام :d .....

هذا رأي ... أتمنى أنه يكون مقبول :cool: ...

وألف مبروك للي يفكر أنه يتزوج ...بس بعد ماينفذ هالشرط.. . :d

أختك..
الهنوف - بنت المنتدى

اذا كنت فعلا لا تستطيع توفير شقه خاصه منعزله..

فالثاني افضل بكثير من الاول..

اولال غير محبوب وغير مرغوب ابدا بالنسبه للعروس خاصه انها ستصبح خجول وما صارت "تمون" لسى عالاهل..

واذا كنت مقتدرا

فشقه خاااااصه بكما في احد العمارات افضل وافضل بكثير لانها ستصبح مملكتها الخاصه..وكل ارما تحب ان يكون لها مملكه خاصه...

ولكن حسب الظروف.. :)