|
حبيبتي ريم الفلا ..
الحل الأمثل لاتستعجلين بالشراء الا بعد ما تسأليني وأنا أعطيك المعلومات الكامله عن النوع والسعر والجوده أن أمكن .. |
يا بعدهم انتي انا قلت محد ينقذني غيرج .. انزين هانديا انا استخدمت كريم مرطب نفس شكل الكريم المرطب الي انتي حاطته بس ماركة كريستان ديور ولما هديته ما تغير شي ردينا مثل ما كنا وطول الوقت كريمات حتى عندي كريم من السعودية استخدمه وايد زين اسمه Sinsibio لونه أحمر بأبيض مادري بعد .. وبغيت بعد أقولج يقولون ماركة كلينك أحسن ماركة طبية ولا أنت اشرايج بحكم انج خبيرة :( واثقه فيج ثقة عمية الي تقولينه بشتريه .. واذا عندج خبرة في المستحضر اليديد مال التجاعيد ماركة روك .. انا وحده شافت ويهي بالصيدلية وشافت شوي خطوط تحت عيني جان تقولي اخذي واحد فيهم ب15 دينار جنه علشان هذي الخطوط تروح وقالت لي هذي بداية تجاعيد .. ريلي قال كله حجي ما عليج منهم وانا طنشت فا انتي اشرايج !؟ ...
|
يا بعد عمري يافيله سوالفك ونستني حلو لهجتك بالحكي .. :) خلينا نبدء نجاوبك .. :cool: حبيبتي بالنسبه لمشكلة القشور عندك ماهي مرض بحاجه الى علاج .. كل مافي الأمر أنك بحاجه للترطيب قبل وضع المكياج لتفادي ظهور القشور .. بالنسبه للكريم اللي من السعوديه بصراحه ما أعرفه لأنه لم يسبق ل أستخدامه ولكن للترطيب عموما أنصحك بكريم النهار من دوف جدا فعال .. أما عن التجاعيد فيه مستحضر من يولاي بالأضافه الى لانكوم وايضا روك كما قلتي وكلها مستحظرات لمعالجة ظهور التجاعيد .. لكن الأفضل أستخدام الأقنعه الطبيعيه مثل عصير الفراوله تضعينه على أماكن التجاعيد .. لمعالجتها .. لأن الكريمات لابد أن تحتوي على المواد الكيميائيه التي قد تظر بالبشره على المدى البعيد .. با مكانك زيارة أخصائية بشره لتعطيك مركب يساعد على الحد من أنتشار هذه التجاعيد وانا ايضا سمعت ان ماركة كلينك طبيه لكنها تتميز في أشياء وتخفق في أشياء يالله حبيبتي أن شاء الله أكون ساعدتج ( أعجبني كلامك) ;) |
شكــــــــــــــــــــــــــــــــــــــــــــــــ ــــــــــــــــــــــــــرا كثير ياعيوني:)
لك ذوق:) بس بليـــــز وإذا ماعليك أمر ابغى ارقام بلاشر وارواج من نفس الماركة لكن درجات البيج, الوردي والبرونزي .... وشكرا مقدما. |
عزيزتي لانا .. هذي الماركه تعتمد على الأسماء وليس الأرقا م . البلاشر .. وهذه بعض من الدرجات المتوفره .. http://a248.e.akamai.net/www.esteela...x42/11X804.gif (Pink Cloud ) http://a248.e.akamai.net/www.esteela...x42/11X802.gif ( Raspberry http://a248.e.akamai.net/www.esteela...x42/11X822.gif Pink Sand بالنسبه للأرواج .. هذه تشكيله منها ... هذه درجات الوردي .. http://a248.e.akamai.net/www.esteela...E_award_sp.jpg وهذه بعض الدرجات .. http://a248.e.akamai.net/www.esteela...x42/1T3E06.gif Vinyl Violetوهذا اسم اللون .. http://a248.e.akamai.net/www.esteela...x42/1T3E08.gif Vinyl Cherry درجات البيج ..واللون البرونزي http://a248.e.akamai.net/www.esteela...E_award_mp.jpg وهذه بعض درجاته .. http://a248.e.akamai.net/www.esteela...x42/1KRE33.gif Vintage Frost http://a248.e.akamai.net/www.esteela...x42/1KRE22.gif Crystal Honey http://a248.e.akamai.net/www.esteela...x42/1KRE34.gif Vintage Blush أن شاء الله أكون خدمتك .. ;) |
شكرا هانديا على المعلومات ..
يعطيكِ العافية .. تحاتي |
تسلمين ياقلبي من ذوقج ..
ندش بالجد .. عزيزتي هانديا بجرب مثل ما نصحتيني بكريم النهار (دوف) وبخصوص عصير الفراولة يبيعونه جذي ماسك عصير فراولة ولا أنا أسويه بالبيت ؟!؟ ترى أنا يمكن 5 أو 6 من عشرة بالمكياج ومستحضرات التجميل يعني طوفي إذا شفتي شوي تأليف وحالياً أستخدم كريم الليل من بودي شوب فيتامين هـ جنه علبته وردية وماكو ملاحظه تحسن خفيف وعلى قولتج احتمال كريم الأساس مو زين مع إني استخدم كريم أساس ماس فاكتر وبودرة أساس بودي بوش بعد مادري زينين ولا لاء احط كريم الأساس وبعدين أحط فوق البودرة يصير ويهي صافي بس مثل ما قتلج تصير تحت عيني جذي مثل جنه مقشر بس مو وايد نتفه جذي بس شكلها يضايق قمت أدهن بويهي بكريم عادي وبعدين احط كريم الأساس والبودرة ... شكلي قرقرت على راسج وإن شالله باخذ بنضيحتج وروح الطبيب أشوف حل .. :) ما تقصرين ياقلبي ودوخت راسج معاي بس لو مو واثقة فيج جان ما شكيت لج الحال :) وسلام |
الرائعه لولو :) أشكر لك مرورك ... وكلماتك أسعدتني .. [line] فيله الحبيبه .. ياعمري أشكرك على ثقتك الكريمه ولاتستحين حبيبتي أي شيء أنا حاضره في الخدمه .. وبالنسبه للفراوله أنتي تسوينها في البيت ولو حبيتي ممكن أرفق لك طريقة عمل ا ا لماسك ..( ماسك الفراوله ).. واذا مرتاحه لمكياج ( ماكس فاكتور) لا تغيرينه .. واذا حابه تغيرين مكياجك انا مستعده اشور عليك بنوع الماركه المناسبه لك .. واخير أعتذر منك على التأخر في الرد .. [line] |
وي يابعد عمري ما تقصرين أنا بشرتي جافة وبس حمدالله تقريبا صافية يعني بالشهر حبة حبتين بالوي جذي حمدالله وبس قوليلي عندج ماركة زينه اشتريها واعود ويهي عليها واعالجه وانتي عارفه مشكلة ويهي وقتلج ياها من قبل علشان لا اطول عليج وتسلمين ياقلبي ومشكورة وايد .. وتحاتين انطر انا لا تتأسفين على التاخير ادري بتردين علي اشدعوا ..وانطر طريقة عمل الماسك :)
مع السلامة |
مراحب حبيبتي فيله .. أشكرك على التواصل معي والظاهر مافي أحد معطيني وجه الا أنتي ;) سمعي حبيبتي .. بالنسبه لك مافيه أي مشكله في أختيار نوعية المكياج اذا قدرتي تهتمين في بشرتك صح .. لأنه البشره الجافه بصراحه من أصعب أنواع البشره لكن ماعليك أن شاء الله الأمر محلول .. ابطلب منك تستخدمين زيت الزيتون لبشرتك لأنه من خواص البشره الجافه أن أن طبقتها جدا رقيقه وهذا هو السبب اللي يتركها متقشره وزيت الزيتون يقوي الجلد ويعطيه متانه بحيث يكون أكثر مقاومه .. أستخدمي زيت الزيتون على وجهك لمدة 10 دقائق قبل الدخول للأستحمام ولو بشكل شبه يومي وبأذن الله راح تحصلين على نتائج طيبه .. بالنسبه لماسك الفراوله مفيد للتجاعيد جدا .. وطريقته تحطين حبات فراوله بالخلاط الكهربائي بدون أظافة الماء وبعدين تستخدمين الخليط على المناطق اللي فيه تجاعيد لتركيه 10 دقائق وبعدين اغسلبيه .. ارجع أنصحك بالماركات الطبيه من المكياج ( نيفيا- كلينك - ) وهذه خليها للأستعمال اليومي أما للسهرات ( ماك - ديور- سان لوران-) وهذه شركات كبيره ومضمونه .. حبيبتي ان شاء الله ما أكون طولت عليك وعطيتك المفيد لك .. |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©