|
اقتباس:
العصفورة بنفسها مشرفنا والله تواضع من حضرتك تشكرين عليه بس مازلنا طلبه في مدرستك يامشرفتنا الفاضله |
شيف المنتدى المميز
تاخر عليك اللقب واكيد اي طبق تقدمه نطبقه بدون سؤال تسلم |
اقتباس:
حنان شاكر حضورك ياريت تجر بيها راح تعشقيها |
بسم الله والحمدلله والصلاة والسلام على رسول الله اخي الكريم الف مبروك لقب الشيف يا شيف وتستحق ذلك ومشكوووووور على الوصفة :22: جزاك الله كل خير تحيتي لاخي في الله |
اقتباس:
تسلمين يامدام ريرو على فكرة ممكن تغيرين بدل التفاح تحطين اناناس بس بدون قرفه الله يبارك بيكي وعقبال مانفرحلك بالمراقبية |
اقتباس:
تسلمين يا ام بدر ابشركم الخير جاي بس يوافق تركي على طلبي ويصير خير وكل تاخيره وفيها خيره وعقبال مانشوفك مراقبه عامه |
اقتباس:
اختي الفاضله تقوي الله اسعدني حضورك الله يبارك فيكي وعقبال مانشوفك مراقبه عامه على جميع المنتديات :) |
بصراحة شكلها تفتح الناس بإذن الله أجربها وأرد إذا عجبتني والا لا...
بس عندي سؤال دائما محيرني إحنا عرفنا من موضوع لك سابق انك تشتغل في مكتب............يعني مو طباخ... فماأدري هل أنت تقول لأم ثنيان إرتاحي اليوم وطبخكم عليّ؟؟؟و تجهز حلى بنفسك؟؟ والا إنك كل ماسوت إم ثنيان شيء قلت لها وش طريقته ووش هي مقاديره؟؟؟وجيت كتبته لنا....يعني بالعربي لاطشها؟؟ أو إن هذا من مخلفات العزوبية وأيام التعب والطبخ والنفخ؟؟ أختار إحد الخيارات وممنوع الإتصال بصديق السموحة بس اللقافة مثل مايقولون وأنا بصراحة أبغى أتثقف.......وسلامتكم. أم جمانة |
اقتباس:
اختي الفاضله ام جمانه ولا لقافه ولا شي من حقك تسألى اولا ياستي انا معشت حياة العزوبية بمعناها الحقيقي ، تزوجت وانا طالب من صغري وانا في المطبخ بديت مقشر ثوم وبعدين ترقيت الى مقطع بصل وبعدين بداء يعتمد على في زيادة الماء تقليب تحريك وشوي شوي ولكن الاهل اكتشفو مقدرتي على الطبخ وانا عمري 13 سنه واتذكر اول طبخه لى هي السليق وهاذي لها سالفه طويله بخصوص زوجتي بالعكس انا احيانا اللى اسويلها طبخات اذا كان عندها عزيمه او كانت مشغوله والوقت ما يخدمها بخصوص الحلويات للاسف انا ماني جيد في ظبطها ممكن الكيك والجبنيه البسبوسه بس ماهو ذاك الابداع بس امشي الحال انا احب واتفنن في الاكلات البحريه ، العصيرات ، لو يوم سويتلكم عصير رز لا تستغربو :) في البر طبعاً مافي غير الكبسه والقصديره وفي الشوي اعجبك لان نصه مااكول قبل مايوصلهم.......ومعروف عند الاهل انا ملك القلي بس ماني متاكد هم يلعبون على او صدق يعجبهم قلييء مدري اجابتي كافيه او مازال هناك غموض |
الله يعطيك العافية على التكرم بالرد وخلاص وضحت الرؤيا
وأنا رجعت ورديت الان ودورت الموضوع ولقيته في الصفحة الثالثة علشان أقلك إني توني مسويتها وباسجل إنطباعي مثل ماوعدتكم :( وأتمنى أن الكل يسويها لإنها سهلة وطعمها راقي جداااا مع إني سويت حبة وحدة تفاحة كتجربة وطلعت معاي خمس سنبوسات والعيال نايمين وماذاقوها وأكلت إثنين وجمانة وحدة والشغالة وحدة وبقيت وحده لأبو الحبابيب انتظره يرجع من سهرته علشان يذوقها وماأدري بصراحة يلاقيها والا لا...لإن عيني عليها. الله يعطيك العافية وبإنتظار جديدك |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©