|
انا ما احب أكثر في المكياج وما عندي غير خبرة بسيطة..
ومن سؤالي عن أحسن كريم أساس ،قالولي عن sumer cake ابو علبة حمرة ورخييييييييص حيل .. وما يضر البشرة |
هااااااااااااي بنات .. أختي ( أخت أخوها ) .. أولا شي الكريم الأساس استعملي" كلينك "حلو وطبيعي وفي نفس الوقت طبي .. والكحل الأسود الجاف بصراحة أنا استعمل" ريفلون " مرة حلو .. والكحل السائل " لانكوم " بعد حلو .. والباقي ما شاء الله أخواتي ماقصروا فيه وفوا وكفوا .. :22: :d :17: :17: :d :22: واتمنى إني قدرت أفيدك بشئ مفيد لك .. تحياتي لك يا أحلى وردة : * أميرة الورد * |
عزيزتي هانديا
ماقصرت كفيتي ووفيتي ألف شكر لك حبيبتي ماقصرت شفت الروابط وان شاء الله بعمل بنصايحك واذا ااستصعب علي شئ أكيد مابتردد بسؤالك <=== صدق ماانعطى وجه :d ((ام العيال)) مشكورة حبيبتي على الرد وان شاء الله راح اعمل جوله بين محلات الماكياج وبين الماركات وراح أقولك النتيجةان شاء الله :11: om mohd ألف شكر أخيتي على الرد وفعلا كثير يمدحون هذي البودره هاااااااااااااي * أميرة الورد * نورت وعطرت المكان يااميرة الورد مشكوره عزيزتي وأنا قاعده أفكر من فترة اني استخدم (كلينيك) واذا جربته أكيد راح اقولك النتيجة تحياتي لكم جميعا وبانتظار المزيد من الردود |
هلا اختي
بالنسبه للبودره اذا تبينها للسهرات مافي احسن من كانيبو بودره كومباكت يعني ممكن تستخدمينها مه ماي او حتى بدون بالنسبه للأرواج انا احب الوان ريميل متنوعه وحلوه وترطب الشفايف وسعرها معقول جدا بالنسبه للكحل من داخل العين تقدرين تستخدمين ريميل بس مشكلته انه ماينبرى لو تحبين ترسمين عينج مابتقدرين بس هو يثبت ولو تبين تمسحينه ممكن ينمسح حتى بالماي بس كحل كريستيان ديور ولانكوم وايد اوكي وانا اتكلم عن هالانواع كلها عن تجربه بس في شي يمكن غفلتي عنه اذا تبين الكحل يثبت ومايسيل بالحرحطي شوية بودره قبل لانها تساعد عالتثبيت بالنسبه لكريم الاساس ماكس فاكتور اليديد كولور ادابت وايد حلوه وفيه جزيئات تعكس الضوء يعني تخلي اللون يركب على بشرتج وهو خفيف عالبشره ويضمن لج تغطيه ممتازه للعيوب وسعره حلو بالنسبه للشدو اي ماركه ممكن تكون اوكي ومب شرط تشترين ماركه غاليه بس من تجربتي لاحظت ان لو تبللين فرشاة الشدو او الاسفنجه بشوية ماي قبل استخدام اللون يخلي اللون يدوم مده طويله ويجنبج الخطوط اللي ممكن تظهر عالجفون ويعطي اللون اشراق ويبين ازهى بالنسبه للبلاشر جربي شانيل عندهم لون وردي فاااتح حلو وايد وجربي ريميل ودام بشرتج فاتحه خلج عالالوان الفاتحه مثل الوردي او المشمشي تبين طبيعيه وحلوه بالنسبه للكونسيلر استخدمي ايف سان لوران ممكن تستخدمينه كمستحضر اشراق للوجه بعد بس لاتكثرين منه على وجهج وعلى فكره هو من اكثر الانواع اللي تنباع بالعالم سعره غالي بالنسبه للماركات الباقيه بس صدقيني نتيجته مبهره ويستاهل بالنسبه للماسكرا انا ماستخدمها بس اقدر اقولج ان نوع الماسكرا اللي يناسبج يعتمد على اللي تبينه تبين نوع يطول الرموش ولا يكثفها الخ.... اتمنى اكون افدتج واي سؤال حاظرين لج تحياتي |
ألف شكر عزيزتي مهاوي
ماقصرت على هالمعلومات الرائعة راح احاول أجيبها واجرب بعدين راح أقولك على النتايج تحياتي لك عزيزتي |
لا اعرف نوع بشرتك لذلك راح اتحاشى الاجابه عن الاساس و الكونسيلر
الاي شدو:..اروع ماركتين هما(mac - , - Makeup Forever) الوانهم عجيبه و راقيه سواء اللمعه او المطفي ايضا لاتنسين- شارمل- البلاشر:...كريستيان ديوووور و بس..ناعم على البشره و ما يبين الحبوب لمعه لكل الوجه:....اروع لمعه للوجه هي(هاي لايتس) من ماك و هي على شكل بودره توزع على كريك الاساس، اما اذا تبين لمعه سائله فوق كريم الاساس فهو من رد ايرث و لها ثلاث درجات ابيض و اسمر و برونزي و بس احمر الشفاه:...اليزابيث اردن - كراجا - رد ايرث الماسكارا:....لوريالو ايضا سان لوران تخلي رموشك واصله لحواجبك كحل سائل الاسود:....لانكوم كحل قلم اسود:...سمايلنج (smiling) وبس دووووووووووووووووووووووووت |
عزيزتى اخت اخوها
انا سوف اقولج نقطة الاخوات ما تطروقو اليها وهى عدم سيحان الكحل العادى مو السائل وهو انج تحطين الكحل داخل العين ثم تحت العين ترسمين بالايشدو الاسود خط تحت الرموش السفلية ضعيف او عريض على كيفج على حسب ما تبين عرضة ولكنه بيبان كانه مثل الكحل ولا حد بيلاحظ انه ايشدو مو قلم كحل وهذة الطريقة انا دايما استعملها فى البرد والحر ولا عمره ساح عندى وانا ماخذه طريقتها من خبيرة مكياج لبنانية واحسن نوع للكحل داخل العين من شيسيدو والمسكارا من ماكس فكتور والايلينر من كارتير فعلا ممتازين وافضل انواع الروج من لانكوم لانه يرطب الشفايف ولايساعد على جفافها او تشققهاواحذرى الانواع الرخيصة فى الروج بالاخص لانه مو زين ويسبب الجفاف للشفايف وطبعا الباقى الاخوات كفو ووفوا مع تحياتى واسالى على كيفج ترى بنعطيج وجة بس ها اسئلة دسمة بانتظارج |
الف شكر عزيزتي dot على هالمعلومات الرائعه
اريم الفلا ماقصرت اختي ان شاء الله بجرب هاي الطريقه وعلى الله تنفع ومايسيح <==== حيل متأذيه الف شكر لتواصلكم وتحياتي للجميع |
| الساعة الآن 03:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©