الله يعطيك العافية يا بو عبدالله

السلام عليكم..
اخوي ..اظن كانت غلطتك انك ماسرعت فالزواج من اول ..وفوق كذا بسبب تعاملها معك اجلت الزواج اكثر
يمكن السبب مو لانها ماتحبك او ماتبيك يمكن تخاف منك.. اقعد مع نفسك وفكر زين ؟
16 صغيره مره صراحه..وخذها مني ممكن لمسه غلط فمكان غلط..او خطفت منها بوسه او قلت لها كلمه نفرتها منك اقصد كلمه بخصوص العلاقه ..لاتستبعد اي شي ..بنت عمتي كانت مخطوبه لولد عمي وعمرها 17 وهو 25 والحين عمرها 23
وانا صديقتها الخاصه وكانت تحكيلي كل شي ..بعد الملكه كانت تحبه حب ماتتخيل ..وفرحانه معاه فرحانه بزياراته وهداياه واتصالاته ..بس جت فتره صارت تكرهه كره العمى وعلى حد تعبيرها قالت عنه ( قذر) تدري ليش ؟.. لمجرد انه تجرأ ولمس صدرها .. وانا بعد لما قالت لي كرهته وحسيت انه قليل ادب؟ لانه حركه مالها داعي وفالسن هذا وخصوصا لما تكون الثقافه معدومه انسى انها بتتقبل منك حركات زي كذا .. لكن الحين بعد ماصار عمرها 23 تقبلت لانها تثقفت وقرت وسمعت من هنا وسالت هاذي وذيك... وطبعا وقتها سوت نفس خطيبتك بالضبط تخاف تشوفه تتهرب من لقاءها معه .. ترتجف اذا اضطرت تسلم عليه ..تكره تكلمه لكن ماتتجرأ تقول مابيه ليه ماتبينه؟؟ ومستحيل طبعا لو سالها ابوها او امها بتقول لمسني ؟؟
الشي الثاني .. ممكن يكون بسبب امها او ابوها ..ممكن يكون احد شافك وانت تقبلها مثلا ؟
او احد منهم سمع مكالمه لك معاها ؟
تتوقع وش بيصير ؟ بيهزئونها وانتبهي لنفسك ولا يلمسك وعرسكم مطول ومن هالكلام.. وشي طبيعي ان اتصالاتكم ومقابلاتكم ماقول تكون مراقبه لكن اقل شي تحت نظرهم ..وهالشي ممكن ينفرها منك مو لانها بطلت تحبك لا مثلا مثلا كلمتها جوال .. وامها جنبها او اختها الكبيره وقالت حطي السبيكر..تتوقع انها بتتجرا تقولك كلمه حلوه؟ ولا حتى نبره صوتها تكون طبيعيه ؟ فوق كذا هي تحط فبالها ان اي كلمه منك ممكن تحرجها قدام اللي يسمع فالاحسن ماتعطيك وجه ؟..وفعمرها ماتوقع بتتجرأ تطلب منهم خصوصيه او تعرف وش اللي يصلح وش اللي مايصلح

السبب الثالث اللي يخطر لي هو ان احد كلمها عن العلاقه الزوجيه الخاصه وصدقني البنت اذا كانت ماتعرف ولاشي بتحس بقرف وتقزز وغثيان من هالعمليه ومن اللي بيقوم فيها بجد اذا توها تعرف عن هالشي اقل شي انها تتقزز منك

وممكن احد قالها عن علاقه قديمه لك مثلا ؟ كان يحب بنت خالته كان يحب بنت عمه
ترا البنات يحبون هالخرابيط ونقلها

واذا كان واحد من هالاسباب فصدقني جلسة مصارحه معها مابتستفيد منها شي ..الشي اللي بيفيدك انك تعجل بالزواج والله اعلم

الله يوفقكم ووسع صدرك بس لاتفكر تتركها تراها صغيره حرام كلمه توديها وكلمه تجيبها
مجرد تعيش معك كل هالجفا بيروح خصوصا مع زوج ان شاء الله بيكون محب وعطوف ومتفهم مثلك

عنداختيار الزوجه لا ينبغى اعتمادك الكلى على شكلها فقط
يجب ان تكون انسانه تقدر الحياة الزوجيه ومستعده للقيام بواجباتها من طبخ وتربيه اطفال
وفتاتك مازالت صغيره ووتتصرف بطريقه صبيانيه
بالتالى القرار لك تستمر معها او تبحث عن زوجه تناسبك

السلام عليكم ورحمة الله وبركاته

انا اعتقد ان السبب الرئيسي لحالة خطيبتك هو سفرك لانه دليل على عدم اهتمامك بها (وهذا في نظرها) بحكم صغر سنها وتفكيرها وبصراحه واكيد كل الاخوت يأيدون كلامي ان الفتاة في هذا السن لاتستطيع انها تتخذ قرار او تحكم تصرف حتى المشاعر تكون متخربطه فلذلك انصحك انك تصارحها وتعاملها بحنان وتحسسها انها كل شي بحياتك وبصراحه شديده بتقدر تضبط نفسك معاها اذا كنت شاطر لان الاوراق الرابحه بايدك انت
وعلى فكره تصرفاتها هذي دليل على انها تحبك وفي شي بدر منك وانا اعتقد انه السفر وضايقها بشكل كبير او يمكن يكون شي ثاني من الاسباب اللي ذكروها الاخوان والاخوات
بس نصيحتي انك تصارحها بكل مشاعرك واحاسيسك وتوضح لها الامور وتطلب منها انها توضح لك كل اللي بخاطرها وبكذا تنصلح الاحوال ان شاء الله وبالتوفيق

انا رأيي من رأي جمر بكل صراحة كل كلمه قالتها صح وممكن تكون هيي هدي الاسباب
مافي غير انك تجلس معها جلسه تصفيه قلوب ومصارحه
ابدؤا حياتكم بالوضوح والصراحه
والله يكتب لك الخير