|
اختي
يعني اتوقع زواج الاتنرنت فاشل بعدين توك في بداية حياتك وبتجيك فرص احسن وافضل الف مره انا ماشوف فيه مميزات صراحه مطلق عنده اولاد اكبر منك 15 سنه يعني في فارق في التفكير بعدين ترا مو كل الي اكبر مننا افهم ولا احسن ترا اصابع يدك مو سوا ياما فيه كبار في السن لكن صغار بعقولهم واتمنى انك ماتقيسين الامور كذا الي اكبر مني اكيد افهم مو شرط ترا انا من وجهت نضري واتمنى ماتزعلين منها هذا رئيي الشخصي زواج فاشل كل الاسباب الي ذكرتيها فاشله بدايه فاشله بعدين حنا احسنا الضن نحسبك كذالك لكن اتوقع بما اننا مجتمع شرقي الزواج بهذه الطريقه فاشله اتمنى لكي السعاده ولا ازيد على كلام الاخوان والاخوات كفو ووفو |
السلام عليكم ...
اختي انا مرة مستغربة من شي ..!! هالحين هو من جده يبغى يتزوجك !!!! طيب ما يعرف شكلك ، ولا طبعك ،؟؟؟ الزواج مو سوق كلن يختار اللي يبيه !!! بقولك شروط الزواااج الصح بإذن الله وانتي قرري : 1- الاستخارة تظهرلك الراحة التامة كان هو نصيبك :).. 2- مايتم زواج ناجح الا بعد موافقة الاهل ومباركتهم.. انا مستغربة لانك دورتي وتحاولين تقررين قبل لا يقررون اهلك !! الراي الأول لهم .. ثم لك ... هم عندهم خبرة في الحياة اكثر منك ، ويشوفون من الناس غير اللي تشوفينه .. انتي تكلمينه اون لاين .. يقدر يقولك اللي يبغاه ! بس باقي الاشياء تتكشف بالسؤاااااااااااااااااااااال عنه والبحث ... وهذي الاشياء مرة مرة مهمة !!! يا عزيزتي بعدك صغيرة والطريقة اللي لجأتيلها مايلجؤون لها الا اللي تقطعت فيهم السبل !!! :rolleyes: ( والاختلاف في الراي لايفسد في الود قضية )...:)... بعدين نصيبك يجيك لحد عنك ، ليه تدورينه ؟ ؟... كان ربي رزقك بأب وأم يحبونك ويعزونك .. ويعرفون غلاة بنتهم عندهم عادي .. أظهريلهم رغبتك بالزواج .. لأن احتمال انهم يعتبرون بعدك صغيرة !! وحكيهم عن المواصفات اللي تبغينها ... لاتستحين من الحلال.. اسفة اني خرجت من الموضوع .. لكن كم نقطة في بالي حبيت أوضحها لك ... أنا احسك مقتنعة وتبغين تقنعينا .. بس انتبهي .. انتبهي يمكنك الآن مندفعة .. مندفعة لتجربة جديدة بالحياة ،وفيها إثارة .. التعرف الى شخصية خاطبك قبل أن يخطبك !! وزواج شكل ثاني مطلق و اولاد ! يمكنك تشوفين هالشي مثير .. وحلو .. بس انا اقول يظل فيه أكثر من سؤال لابد من إثارتها .. ترى المعلومات اللي عندك ما تكفي عشان توافقين تتزوجين شخص ما !!! لازم تعرفين كل شي عنه .. صلاته ، قيامه ، شغله ، علاقاته ، أهله ، وووو و!!! وهذي كلها معلومات ماحد يجيبها لك الا ولي أمرك ! لأنك بنت ومهما كنتي ما تعرفين للرجال ، وتغلبك العاطفة .. ونظرة قاصرة للأمور .. لأنك بعدك صغيرة شي طبيعي .. الكبار يشوفون غير اللي تشوفينه .. الاهل يشوفون غير اللي يشوفونه .. اهم شي في قرارك الاستخارة ، والعقلانية ، ورضا الأهل .. رضا الأهل ..رضا الأهل ... والله يوفقك يختي ويستر عليك ويكتبلك الخير :) |
السلام عليكم
اختي العزيزة / لاب توب اختي قضيتك ليست بالغريبة عن قضيتي ..مرت على قبل فترة قريبة جدا بختلاف اني اكبر منك والفرق بيني وبينه 9 سنوات ...ومع هذا لم استطيع ان اكمل الموضوع مع انه هو من اتا الي وليس انا يعني لا موقع زواج ولا شي فكرت كثير وتعبت كثير لاننا متوافقين بكل شي فهو مطلق ونا مطلقة ...وعلاقتنا محترمة الا ابعد حد وطريقة التعرف من منتدى وستمرت سنوات بحترام غير عادي... وهذا مادفعة لتفكير بي ظروفي اعتبرها انا وبصدق اختي الغالية افضل منك لاني اعرفة ومتوافقة معه باشياء كثيرة ومع كل هذاااااااا فقد انهيت العلاقة قبل ايام لاني دعوت الله بكل ليله حتى اعانني الله وارشدني رغم اني ولله اتمناه ولم اتمنى بحياتي رجل مثلة ومثل مواصفاته سبحان الله فقد اتا مثل ما اتمنى في من اريده زوج المستقبل وشريك العمر ...ولاكن من ترك لله شياً عوضه الله خيرا منه فالطريقة مخيفة وقد تسبب لي مشكلة انا في غنى عنها .... فانا جربت وليس لدي طاقة لتجربة والمخاطرة بتجربة من هذا النوع المجتمع له موقفة الخاص من هذه النوعية من الزواجات ...! :18: قد تكون خاطئة ولاكنه مجتمع ونحن ابنائه :( لا زلتي باول حياتك والعمر قدامك بل المستقبل سوف يفتح لكي باذن الله كل ابوابه ...فلماذا التسرع فكري لازلت باول الخط ومحتاجة للتفكير اكثر واكثر ... ** انا لا اعلم بعد هل اهلك من الممكن ان يوافقو على مثل هذا النوع من الزواج ؟؟؟ لا اعلم ولا اعتقد ذالك !! يعني انك سوف تكذبين عليهم وهنا تقعين بمشكلة اكبر يعلم الله اني بحاجة لزواج عشان العمر وعشان كلام الناس ...ومع هذا لم اتهور ولن اتهور وما كتبة الله سوف ياتي بيوم ماااا ....سلمي امرك لربك وثقي بانه هو من بيده ان يعينك صلي واستخيري الله... ادعي الله ان يرزقك الرشد في امرك وسوف ترتاحين من هذي الناحية اتمنى لك التوفيق ورجع واقول لا ااااااااااااا تستعجلي فكري وبعيد عن القلق .... ************************************************** ********* مايتم زواج ناجح الا بعد موافقة الاهل ومباركتهم.. انا مستغربة لانك دورتي وتحاولين تقررين قبل لا يقررون اهلك !! الراي الأول لهم .. ثم لك ... هم عندهم خبرة في الحياة اكثر منك ، ويشوفون من الناس غير اللي تشوفينه .. اختي مستحية ** احترم وجهه نظرك ولاااااااكن ليس دائما اختيار ورأي الاهل صائب ....بالعكس الاهم من كل ذالك رأي الفتااااااااه لانها من ستعيش معه ....لا اقول رايهم غير مهم بل مهم ولاكن ان اعتمد عليه هذي ولله معضلة وقضية ...الثقة بمن هم اهل الحكمة والاتكال على الله هو الحل الامثل .... |
السلام عليكم
عودة لكم من جديد....... الصراحة ماتوقعت ان موقف الناس مني بيكون بهالشكل اقصد ماتوقعت القى كل هالرفض, هو كان مالي عيني بس الحين وبعد كل هالردود مادري شلون صار الوضع :( مادري هل استجابتكم بهذا الشكل لها دخل في الاستخارة!! بالنسبة لردك اخ نايف, محد يقدر يضمن لي الفرص الي بتجيني للأسف بس بعد ماظن ان هالشي يبرر موقفي :s وبالنسبة للمميزات فهي موجودة وانا ذكرتها لكن انت ماركزت الا على السلبيات!! بالنسبة للتفكير ماظن فيه ذاك الاختلاف.. دام الواحد تعدى عمر العشرين ودخل مرحلة النضج كثير عقليات تتوافق بغض النظر عن الفارق.. ولا كان ماصادقنا امهاتنا واباءنا ولا قدرنا نختلط مع مجتمعنا.. صح ولا لا؟ اقتباس:
اختي مستحية.. شوفي انا ماني ماخذته ومنحاشة معه :d كل شي بيتم تحت سمع ونظر اهلي ولا راح اسوي شي الا بموافقتهم.. وهم بيسألون عنه وعن اخلاقه طبعا.. لكن الرأي الأول والأخير لي مثل ماقالت الاخت بقايا صمت, انا ادرى بنفسيتي وقدرة احتمالي ورغباتي.. على فكرة انا ماكلمته الا على الايميل.. مو مسنجر اقتباس:
سهل الكلام, بس مستحيل اقدر افتح موضوع مثل كذا قدامهم! بكون حطيت نفسي في موقف سخيف, ولا يهون الموقف الي بيكونون فيه هم بعد :( اقتباس:
لكن تأكدي انتي وباقي الاعضاء اني ماندفعت الا لاني شايفة شي يستاهل.. اختي بقايا صمت.. وجه الشبه انه انترنت... والفرق الكبير والشاسع انك كنتي تعرفينه من مدة وفي اطار منتدى مب حياة حقيقية يعني ممكن تكونين معطيته اكبر من حجمة لهالسبب.. ظروف المنتدى صدقيني تعطي زخرفة اضافية للوضع الحقيقي.. أحيي فيك عقليتك, عسى الله يرزقني... امين اشكركم كثير والله على ردودكم.. والله احس اني اناقش ناس اعرفهم من زمان.. كنت ولازلت انتظر رأي ايجابي واحد بس عشان اسوي موازنة على الاقل << الدعوه غصيبة :29: |
اقتباس:
اختي الكريمه لاب تب انتي تقولين احسنوا الظن انا ما ارتكبت ذنب عشان اتوب اول ذنب وخطأ اقترفتيه التعرف بشخص بطريق خاطيء وهو النت ؟؟؟؟ ثانيا من اسلوبك لما تقدم انتي مقتنعه به تماما وتبررين كل شيء عنه وتعلمين اكثر مما قلتي بالبدايه وشكلك مقتنعه به تماما فلما السؤال والاستشاره؟؟؟؟؟؟؟؟؟؟ تحياتي لاختي في الله |
( بالله يعني اذا تقدم لي واحد بأضمن اني اول انسانة في حياته؟؟؟ )
اختي العزيزة تستطيعين ان تعرفي ذلك من خلال سؤال اهلك عنه وعن دينه واخلاقه ولا اعتقد ان شيئا كهذا سيخفى عليكم هذه نقطة اما النقطة الثانيه : نحن لم نحكم على الشخص من منطلق انه " مطلق " فهذا المفهوم خاطيء جدا , وانما نتحدث من منطلق ان المتاعب التي ستواجهينها وانت مازلت صغيرة السن مع رجل عاش وجرب , اقول " جرب " يعني انه دخل الدنيا كما يقولون طبعا القرار في النهاية يعود لك ولقناعتك بالفكرة اولا وبالشخص ثانيا , لكن كوني حذرة اختي في الله ولا تخطي اي خطوة قبل دراستها وتحليلها جيدا فهذا مستقبل وحياة عليك بصلاة الاستخارة اكثر واكثر وفقك الله وشرح صدرك للخير |
شوفي حبيبتي أنا تزوجت مطلق فطلقني ..
ههههههههههه نكتة صح ! والحمدلله على كل حال ! عموما أنت صغيرة جدا ، أنا مطلقة وعندي طفلة وعمري 26سنة ومع ذلك مافكرت أني ألجأ للزواج عن طريق النت إطلاقا ، فمن رزقني الأول يرزقني الثاني إن شاء الله ، ووالله لو كتب الله لي الزواج بشخص يسكن الصين لأتاني إلى بلدي وتزوجني .. لااااااااتستعجلين أختي فمازلت صغيرة وصغيرة جدا ..! ثم من الواضح جدا أن إقدامك على هذه الخطوة دافعه عاطفي بحت ، والدليل أن هذا الرجل ليس فيه من المميزات ماتحلم به فتاة مثلك.. أنت بحاجة إلى رجل ، واقتصر تفكيرك على مجرد الزواج ، دون النظر إلى التكافوء ودون النظر إلى فارق العمر ودون أن تنظري إلى نظرة أهلك والمجتمع تجاه هذا النوع من الزواج ! صدقيني زوجته سيطلقها زوجها ، وستعود لزوجها الأول ، فالأبناء (كما ذكرن من قبلي) سبب كبير لرجوع كثير من المطلقين إلى عش الزوجية .. نصحيتي ومن واقع خبرة وتجربة : لااااااااااااااتتزوجيه ، فالخداع عبر النت أسهل مايكون .. وتأكدي العقل مو بالعمر ، اقطعي العلاقة واغلقي البريد الذي تراسلينه منه ، وانتظري ابن الحلال بالدعاء ..الذي يطرق الباب ويبحث عنك لاأن تبحثين أنت عنه .. وترى الرجال عموما مالهم أمان ، ممكن يتزوجك ويطلقك ويقول :غلطة حياتي زواج النت !!! ، أو يقول : هي عرضت نفسها علي ولحقت وراي !!! وفقك الله وصرفك عنه ، وعوضك خيرا منه .. |
اقتباس:
اختي انتي ماتعرفين مستوى العلاقة عشان تحكمين اذا الدعوه تنميق وزخرفة ومثالية ...ولا لا كوني اقول محترمة فهذا لاني لا اتعدى معه السلام وعليكم السلام ..وتحميل برامج وحل مشكلة نت سريعه فقط بس وقت الجد والطلب ....ظهر شخص اخرررررر لم اكن اتوقعه بكل هذه المواصفات حتى اسماء وعمر واشياء اخرى لم تبدر في يوم ...اقول ذالك ونا لدي خبره تكفيني بهذه الامور ....اتعلمين الان معنى محترمة المعرفة اللي تتم عن طريق مواقع الزواج اعرف مميزاتها ولاكنه يكتنفها الغمووووض ...لانها رسمية ....وبالعكس مصطنعه فكل شخص يبين الافضل نتيجة طبيعية فكل واحد واثق من مميزاته ومن ذاته ...والغموض والثقة الي تكون بغير موضعها ...والتسرع بلقرار مشكلة وعقبة ....لمن لا يتدارك نفسة ... ****** اي نعم وجه الشبة نت ولا الفرق اكبر فكونك تعرفين سلوك انسان لم يتعدى يوم معك الحدوود وانتي كذالك ....هذا بحد ذاتة ميزة قد لا تفهمينها الا لما تمرين بتجربة مشابهه .... ونا بالفعل ارى اختلاف فمن تعرفه فكرة وكتابته ورده على المواضيع هذا بحد ذاته ...منطق لا يفهمه الكثير ...ولا زخرفة المنتديات والمثاالية الي كثرانه هاليويمن عند من هب ودب ....فهذا يعني ان التميز لازال موجود وان قل ... عيوني ** نحن اخوه لك ولم نقل ماقلناه ولم اقل ما قلته لك انا ...الا عشان تدركي ماتقومي به ...انا اريدك ان تفكري بشكل جيد فالقرار قرارك والحياه حياتك فانتي من سوف تعيشين معه وليس نحن او اهلك ...ارجع اقول ثقتك بالله هيا مفتاح البصيرة والرشد لك وفقك الله اختي الصغيرة |
اذا تبي تسمعي نصيحتي
افضل انك ماتستعجلي انتي لساتك صغيره لسه ماوصلتي لسن اليأس عشان تلجأي انك انتي تدوري في نت اوغيره والف واحد يتمناكي والحياه لسه قدامك لانه كبير ومطلق وعنده اولاد كمان على فكره بعض الرجال يكون كلامه راقي ومنمق ومن وراه الله اعلم وانتي ماادراكي وش سبب الطلاق امكن هو السبب مو من الي كان متزوجها والي فهمته من كلامك انه اعتقد انه اهلك مايدروا او ماتقدملك بشكل رسمي ومااعتقد انه اهلك حيوافقه لانه مثل ماقلتلك صغيره ياقلبي وبيجيكي نصيب بأذن الله احسن من داه على العموم الله يوفقك داه رأئي بما اني اكبر منك في السن والخبره |
مرحبا اختي لاب توب
انا حجيكي من ناحيه ثانيه مارح اقولك هو اكبر منك بكثير وعنده عيال وهذي السوالف..انا بس ابغى اسالك سؤال واحد وتكوني صادقه في الاجابه عليه عالاقل مع نفسك.. انتي شفتي كل الردود اللي جاتك هل بعد ما قريتيها جاكي شعور انه نفسك وقفت من السالفه كلها وكرهتيها؟ اذا الاجابه (نعم) فيا لاب توب معناته انتي مو مقتنعه بيه داخليا بس بتحاولي تقنعي نفسك غصب لانه بداخلك هدف وهو انه انتي اللي تختاري شريك حياتك وتكون لكي الكلمه الاولى والاخيره..واذا كانت الاجابه (لا) فاكثري من الاستخاره واطلبي مشوره اللي حولك ولا تزعلي او تعاندي اذا ما كانت النصايح جايه على هواك:) |
| الساعة الآن 08:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©