|
اقتباس:
ندري ان مالنا راي امام الدين ولا تخرج المراه بلا اذن زوجها بس المراه اللحين خرجت وقاعده بيت اهلها يعني تكلم مين انت !!!!!!!!!!!!!!!!!!! احنا اللحين امام مشكله اهو يبي حل لمشكلته مو فتوى يا خوي !! خلنا نساعد الريال ولا تحط فتاوي في صفحتين !! اهو مايسال عن فتوى اهو يبي حل للمشكله ! ومشكلته اللحين ماصارت مسالة خروج زوجته بغير اذنه وبس !! ولا يبي يعارف الفتوى .... وحكم الشرع لانها واضحه !! واذا تبي بعد بنقولك قصة المراه اللي مات ابوها ولم تخرج من بيت زوجها لانه غايب ودخل ابوها الجنه بسبب انها اطاعت زوجها !! والله العظيم نعرف!!!!!!!!!!!!!! يعني ارجوك لا تحط لنا صفحتين عن فتاوي ألف شيخ بخصوص خروج المرأة من بيت زوجها بغير اذنه وتسبب في قفل الموضوع !!!! ومشكووووور وسامحني على صررررررررررراحتي . |
أخت صريحة
واضح جدا جدا إنك لم تقرائي الموضوع .. صاحبة لم يتكلم عن مشكلة بل سأل عن رأي و أنا جاوبتة أنه لاينبغي أن يكون لنا رأي في القضايا التي حسمها الشرع. أما ما تتكلمين عنة فصاحب ذاك الموضوع طلب مني ولو فتوى واحدة و أعطيتة ما طلب , ولأكثر من أسبوعين لم يرد فأغلقت المراقبة الموضوع. أرجوا أن تتكلمي بموضوعية أختي وشكرا لك |
أختي صريحة جدا ..
لو كان تبين تعرفين سبب المشكلة الرجاء قراءة مشكلتي في قسم المشاكل الزوجية بعنوان : زواجي سينهار والسبب تدخل أم زوجتي .. لقد سردت فيها بعض المشاكل والتي هي عبارة عن غيض من فيض ولكن كنت أحاول أنسى التوافه منها والتي لا تمس كرامتي .. من وجهة نظري ومن منطلق أني عايش المشكلة أوؤيد رأيك بأنهم يحاولون كسري وإذلالي كزوج لأني والله العظيم ماعملتلها شي غير إني من نكدها وخلقها للمشاكل صرت ما أتفوه بكلمة الا إذا كانت هناك ضرورة للكلام تجنبا للمشاكل. زوجتي أعرفها جيدا فهي والله يشهد داخلها أنسانة طيبة ولكن أعيب عليها بشدة ضعف وازعها الديني وتنفيذها لأي شي تطلبه أمها مهما كان ومن دون تفكير! بالنسبة للسكن حنا ساكنين لحالنا وشكرا |
اخوي Shark
انا مانتبهت للمده بين ردك ورد المراقبه بس انتبهت لكثرت الفتواي وطولها واللي بصراحه ماقريتها من كثرتها واخرتها اغلق الموضوع مع انه ماستوفى حقه فقلت ليكون يتكرر هالشي في هالموضوع!! على العموم مشكور اخوي على التوضيح واعتذر ان كان بدر مني مايسوءك اختك صريحه جداً |
حصل خير أختي الفاضلة
|
الاخ Fahacci
اولاً :ان شاء الله تكون مثل كل الرجال واحسن بعد . ثانيا: دورت على موضوعك مالقيته وكنت حابه افهم الوضع عدل بس على العموم من اللي كتبته فهمت شخصيتك كثير وفهمت زوجتك وحابه اعلق على شخصيتك اول شي انت انسان هادي جداً وسلمي وماتحب المشاكل وممكن المشاكل المستمره و الصراخ والصوت العالي يأثرون فيك وزوجتك انتبهت لهالشي وخلاها اهي وامها يستهينون فيك صحيح انت تقدر ترفع صوتك عليهاوممكن تمد يدك وتحرمها من بنتها بس انت ماتقدر لان ماعندك الشجاعه تقوم بهالشي خوفك من تطور الامر يمنعك تقوم بالشي هذا وثانيا لان زوجتك بصراخها ومشاكلها المستمره وتمردها عليك خلاك تضعف اكثر وزاد من هالشي لمن اشركت امها بالموضوع فصرت تتحاشى تناقشها بأي موضوع علشان مايتطور الامر وتصير مشكله وفضلت انك تلجا للصمت تجنبا لتطور الامر بينكم بس يا خوي تقول زوجتك صار لها 3 شهور بيت اهلها وانت ماغلطت عليها ؟؟ فكيف بتكون زوجتك طيبة القلب وهي متمرده عليك وبايعتك !!! انت شايفها تاركها بيتها وزوجها ومافكرت في بنتها وانت ساكت و تدافع عنها وتقول طيبه مايصير !! بعدين لمتى ؟؟؟؟ لمتى بتصمت ؟ ولمتى بتقول بنتي ؟ ولمتى بترضى بالذل والاهانه ؟ ولمتى بتخليها تمشي اللي تبي وانت في الهامش ؟ طيب وانت !!!!!!!!!! وكرامتك !!!!!!!!!!!!!!!!!! ورجولتك!!!!!!!!! انت شنو ينقصك !!!!! غيرك مو احسن منك !!!! وليش ترضى لنفسك تنذل وتنظلم !!! شيل الخوف وتمرد على شخصيتك!!! تاكد انك ماغلطت وان أي تصرف تسويه من حقك!! وانت ماطالبت الا بشي قانوني وشرعي !!! والمفروض ماتسكت عنه ولا ترضى انك تنظلم فيه ! انت رجل ولاتسمح لكرامتك تنهان !! هي تمادت كثير لقت لها زوج طيب وهادي ومسالم بس هي ماينفع معاها الطيب والاحسان ! اعط لنفسك الشجاعه تتصرف انت سكت كثير ولازم تسو حد قبل فوات الاوان !!! بنتك اللي خايف عليها من الانفصال بكره لمن تكبر وتشوف ضعف شخصيتكم جدام امها ماراح تحترمك!!! وراح تعامل زوجها مستقبلا مثل امها !! وغير ان زوجتك اذلالها لك راح يطور يعني بيجي الوقت اللي تذلك فيه جدام الناس !! ووقتها يكون الذل والخوف من زوجتك انتشر في دمك !! نصيحتي لك لا ترضى تكون واحد من هذول الازواج !!! وافهم هالشي في فرق بين الزوج اللي يسمع كلام زوجته ويمشيه برضاه ومن دون خوف من اهانه من زوجته او اهلها لتفاهمه مع زوجته ولحسن عشرة زوجته معاه و بين اللي ينفذ كلام زوجته رغم عنه لخوفه من حصول مشكله !!!! ونصيحتي لك : تتجاهلها اول شي ولا تسال عنها ابدااااااااااا بنتك تشوفها بين فتره وثانيه من حقك وماتقدر تمنعك بعدين حاول تدخل شخص ويفضل يكون عاقل وحقاني بينك وبينها للصلح وبعدين اذا انت مسكنها في بيت مستقل وتنفق عليها ومو مقصر على بيتك وبنتك ماعندها حجه اصلا يعني اذا عاندت ومارضيت ترد ممكن توصلها للمحكمه والمحكمه راح تجيبها لك يعني تقدر تطلبها في بيت الطاعه واذا ماردت بيتها فهي تعتبر ناشز وتسقط نفقتها عليك وصراحه زوجتك لازم تجيها ضربه تهزها وتادبها !!! يعني ممكن في فترة تجاهلك لها تخلي الطرف اللي طرشته للصلح يلمح لهم انك تفكر في الزواج !! وان زواجك شي اكيد حتى لو يحلف !! يصير يحلف كذب للصلح !!! فاذا اثر فيها راح تلاقيها اهي اللي بتدورك وتتصل فيك بس لا تستعجل!! خلك مطنش وخلهم يحسون انك فعلا نويت تتزوج وان هالزوجه خلتك تتجاهل زوجتك الاولى!! خلها تعيش بنار يمكن ترتدع ويمكن الام تحس انها بتدخلها خربت على بنتها !! ولا تروح لهم الا في الاخير يعني حسسهم انك بايع ومطنش وسو ثقل !! اعتبرها حرب نفسيه وكل ماتحملت اكثر وصبرت كل مانجحت حربك على الخصم لازم يكون في تضحيه علشان تكسب في الاخير وتتادب زوجتك وانت لازم تتغير وتكون عندك الشجاعه انك تتغير وتغير طباع زوجتك يعني شوف نفسك قادر تادب زوجتك وتربيها وتخليها انسانه تحترم زوجها كان بها أما اذا شفت نفسك ماتقدر تغيرها خلاص قولها شوفي يابنت الناس انت بطريق وانا بطريق والحياة قسمه ونصيب والله ماكتب لنا نستمر وورقة طلاقك بتوصلك ( طبعا اذا كنت قادر تطلق وتدفع مؤخر وتفك نفسك منها ) واذا ماعندك ماده خل المحكمه تحل لك المساله وزوجتك اللي تخلع حتى لو تظل معلقه وانت مو خسران شي هي خلها في بيت هلها خاصه اذا حكمت لك المحكمه انها ناشز وانت عيش حياتك دور لك بنت الحلال اللي بتسعدك وبتحترمك واستخير قبل كل شي ودور لك زوجه ثانيه تكون صالحه ومن بيت صالح واذا هي زوجه صالحه وبنت ناس كرام لا تخاف على بنتك منها وزوجتك الاولى مخيره بين ترد لك او تنفصل ! وأنا اشوف يكون بينك وبينها طفل ضحيه بس ........!!افضل من ضحايا !!! بس الزواج يكون اخر تصرف تقوم فيه بعد ماتياس من الحلول السلميه واتمنى ان ينصلح حالها بس اذا عاندت وعزمت فلاحول ولا قوة وعندك الحل الاخير وهو الزواج واخر الحلول الكي !! والله يوفقك |
الأخت صريحة جدا أشكرك كل الشكر لاهتمامك وعسى الله أن يكتب لك هذا في ميزان حسناتك ..
موضوع مشكلتي موجود في قسم التوجيهات الزوجيه بعنوان: زواجي سينهار والسبب أم زوجتي . الرجاء قراءته والتعقيب عليه! أما بالنسبة لتحليلك عن شخصيتي فكلامك صحيح أنسان هادىء جدا وحليم ولكن غضبي لو حصل نادرا يكون شديد وممكن عيبي هو العناد خاصة عندما أكون متأكد أني على حق. أما بخصوص طلب زوجتي في بيت الطاعة .. فقد أشار لي الكثير بذلك ولكن أنا (والعياذ بالله من كلمة أنا) ما أحب أهين أي أحد مهما فعل تجاهي .. أي نعم أزعل عليه لكن التفكير في إذلاله غير وارد في قاموسي! وبعدين هذي أم بنتي وفي إهانتها إهانه لبنتي. أيضا لا أحبذ العيش مع وحدة راجعة لي بحكم محكمة .. إما ترجع لأنها ميقنة بأنها على خطأ وعفا الله عما سلف أو تجلس في بيت أمها ولكن كل ماطالت المدة كل ماأقترب من إتخاذ قرار الزواج عن جد وليس للتمويه. أنا أنسان أريد العفاف لنفسي وربنا حللي الزواج خاصة لو ما كنت أنا على خطأ وشكرا |
بالنسبه لاسئلتك
التجربه خير برهان الزوج او الزوجه ممكن يحصلو من بعضهم فوق الي يريدوه من غير لف ولا دوران الصراحه و الطلب بطريقه مباشره لان الصدق منجاه و بذلك تتحقق الحياه الزوجيه السعيده اخي نصيحه اذهب لزوجتك ولا تطول المشكله لانها ان طالت زاد الجفاء بينكم اجلس معها لوحدكم و حتى لو اصرت والدتها ممكن تاخذ احدى محارمك من النساء اختك خالتك عمتك تجلس مع الوالده و انت و زوجتك حطو النقاط على الحروف و بعدها ان شاء الله تصفى النفوس و خذ معاك هديه للبيت باقه ورد و لحماتك بارفان و لزوجتك اشتريلها هديه ذهب معبره و لفها بطريقه انيقه و اخبرها انها اذا انحلت المشكله حترحون تجددون شهر العسل في بدايه الحوار لكن حدد نقاط قبل ما تروح لها و اذا حاولت تتفرع لامور ثانويه ارجع للموضوع الرئيسي حتى تصلو لحل الله يوفقك و يرزقكم الذريه ا لصالحه اللهم امين |
الأخت أم أثير شكرا على طرحك وأقتراحك
مع أحترامي لرأيك ولأني متعود على قبول الرأي الاخر .. أجزم بأن أقتراحك غير وارد من ناحيتي أني أعمل ولو جزء بسيط منه .. زوجتي غلطانة في حقي وأنت ياأختي تقترحين أني أروح لها وأشتري لأمها هدية ؟؟؟ الله وأكبر يعني أكافئها على غلطها هي وأمها مع أحترامي لاقتراحك ولكن يقولون اللي يده في النار موبمثل اللي يده في الماء .. لا والله لو إنه اخر يوم في عمري ما وصلتها لذلك الحد وإذا المسألة عناد .. خلها عند أمها سنة سنتين عشرة ماعاد تفرق معي .. بالعكس أرتحت من كثرة انتقاداتها رجعت لشخصي القديم بشوش وأضحك وأقول اللي في بالي من غير ما أفكر أنه فيه شخص حيفسر كل كلمة أقولها على مزاجه ويخلقلي مشاكل .. الحين حتى لو تبي ترجع ما أبيها خل أمها تنفعها .. (اتق شر الحليم إذا غضب) كفاية سكوت .. خلاص زهقت وأنا أقول بكرة تتغير ويجي بكرة وتزيد أعوجاج ما علينا شكرا للجميع وخاصة الأخت صريحة جدا لأنها كأنها تعرف زوجتي وأمها وأصابت في أكثر ماقالته وسلامتكم |
طبعا لا يجوز لها الخروج بدون اذن
|
| الساعة الآن 09:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©