|
اقتباس:
عموما هذي هي الشروط الأساسيه واللي الجميع يطلبها لكن بالنسبه للشرط الرابع والخامس تتوقع يبين على البنت انها كاتمه للسر او مدى صبرهاعلى الزوج قبل الزواج؟؟؟ في رايي هذا مايبين الا بعد الزواج ومع العشره .. حتى لو كان الشي هذا معروف عنها قبل الزواج احس ان بعد الزواج اشياء كثيره تتغير ... الله يرزقك الزوجه الصالحه اللي تتمناها وزياده |
اقتباس:
مو غريبه شروطك معقوله جدا وبالنسبه للمرأه العامله انا صرت مااستغرب تدري ليه ؟؟؟ خمس بنات من قريباتي كان شرط ازواجهم قبل الزواج هو الوظيفه ... مع انهم والله حالتهم الماديه ممتازه ويمكن اكثر .. مدري ايش السبب ؟؟ هذا هو اللي يخليني استغرب .. لو طلبها شاب ظروفه الماديه بسيطه ماالومه .. |
اقتباس:
والله يرزق الجميع بالزوج الصالح وشي اكيد اننا كلنا نبغى صاحب الخلق والدين .. واهم شي اتمناه انه يحترمني ويقدرني ... |
اقتباس:
تسلمين على كلماتك اللي احسها تدخل قلبي على طول من غير مقدمات ... جزاك الله الف خير ... |
اقتباس:
لكن انا اقصد انه يكون احد شروط الشاب اكمال التعليم او الوظيفه .. اانا قلت سابقا اني ماالوم الشاب اذا طلب الوظيفه اذا كانت حالته الماديه بسيطه لكن المشكله اذا كانت حالته ممتازه هذا اللي يقهر ... والحمد لله على كل حال |
اقتباس:
من ناحيه الحاله الماديه للشباب والقدره علىالزواج سؤالي هو للشباب ((واتمنى تكون اول من يجاوب اخي سنترافيش))... هل تقصدون بالحاله الماديه بأن الشاب لا يستطيع ان يتزوج بشكل نهاااااائي حتى ولو بأقل القليل من الماده ؟؟؟ بمعنى هل الحاله الماديه الجيده من وجه نظر الشباب للأقدام على الزواج ان تكون ((جااهز من كل شي ))) منزل مستقل وسياره والمهر العالي والوظيفه المرموقه والمرتب العالي والرصيد في البنك ولا يجب ان يكون عليك ديون حتى لو كانت قليله ؟؟؟ ام ياترى يكون القصد انه لايملك عشرون الف او عشره الاف يدفعها للمهر؟؟؟ والسكن يكون مع الأهل بالطبع .. لأني اشوف شباب كثير اعرفهم تزوجوا وهم والله حالتهم الماديه ماتسمح بشكل نهااائي صحيح اهلهم ساعدوهم لكن مستحيل الأهل راح يدومون .. وماشاء الله رزقهم الله وسهلها من نواحي كثيره ... اتمنى من الشباب يفيدوني عن تساؤلي ((( مجرد فضول لا اكثر ولا اقل ))) |
اقتباس:
الأخت العضو ه لولو السلام عليك ورحمة الله وبركاته اشكرك على هذا السؤال ولذلك سوف إجيب بما عندي أنا فقط أختي الفاضله نحن شباب تعلمنا وحصلنا على مؤهلات جامعية وبتقدير عالي ومع ذلك لم يحالفنا الحظ في الوظيفة التي نريدها والتي منها نطور من افكارنا وللأسف ولكن تم توظيفي على بند الأجور براتب 1830 ريال شهرياً وعندما قمت بطرق أحدى الأبواب لم يسألوني عن وظيفتي بل سألوا غيري تم رفضي بسبب قلة الراتب نعم بسبب قلة الراتب يأختي وكثيراً ما حصل لزملائي مثل هذا 0 أما من ناحية المهر فيأختي ما زلنا نرى شباباً يدفعون خمســــون ألف ريال وليس عشرين الف كما تقولين غير أن الفتاة بالغالب تريد الأستقلال لوحدها بعيداً عن أهل الزوج وأيجارات المساكن والمستلزمات الخاصة في الحياة كل هذه تقف ححرة عثرة في وجه كثير من الشباب وبذلك أكون قد افدتك |
الاخت لولو
السلام عليكم ورحمة الله وبركاته أحب أوضح شئ أن متوسط تكاليف المهر من ( 50 - 70 ) الف ريالا عند الشباب الذين اعرفهم وتزوجو حديثا . أما العشرين الف ريال فهولأء قله قليلة وليس عليهم وسم أو علامه أنا أعرف وأظن بل متأكد أن هناك عوائل كريمه تبحث عن الستر لبناتها ولكن كيف يعرفونهم الشباب . الله يسعدك |
اقتباس:
وانا قلت عشرين الف لأني شفت بنتين اعرفهم قبلوا بالعشرين الف معناها فيه امل احد يقبل .. صدق انه بنسبه بسيطه جدا ويمكن تكون حاله نادره ... وكثير بنات مايرضون الا في بيت مستقل وحتى اهلهم يطلبون الشي هذا ... لكن مااقول الا اسأل الله العظيم رب العرش الكريم ان يرزقك الزوجه الصالحه اللي تسعدك وتعينك على امور دينك ودنياك الله كريم |
اقتباس:
معك حق اخي في اللي قلت الله يعينكم ويساعدكم ويرزقكم الزوجات والذريه الصالحه والله اني حاسه بتعبكم ياشباب الله يعينكم ويسعدكم دنيا واخره |
| الساعة الآن 06:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©