|
احب اوضح نقطه للجميع عن اهل زوجي..... ام زوجي...طيبه و ياليت كل الحريم مثلها...مالها شغل باحد....واموووووت فيها....والله احس كأنها امي و اكثر....بس الخلل...بخوات زوجي....ما شاء الله عددهم يفوق 10 بنات....مابين المتزوجات و على وشك الزواج.....و يتجمعون بالاسبوع يومين في بيت اهلهم....وهاليومين انا من غير تردد اروح لاهلي و اقعد عندهم.....بس مجرد مروري عليهم و السلام....لازم يحوشني كلام......هذا غيييييييييييييييير اخت زوجي الكبيره(42 سنه).....مسيطرة على عقله بشكل يثير الجنون....وعايشه الدور انه ابنها....مع ان عندها عيال يعني مو ناقصه.....وزوجي مصدق نفسه و معتبرها امه الثانيه....ومجرد ما تسأله سؤال.....يعطيها تقرير مفصل عننا و عن حياتنا اللي طافت و الجايه لمده 10 سنين.....اللي يقهرني...ان محد يعرف عنها شي...وكتووووومه على حياتها....بس تحب تنخش بحياه غيرها.....ومكالماتها مع زوجي.........حدث و لاحرج...مرات اشك انها اخته......وتتصل على اتفه الاسباب...مثلا تتصل الساعه3 الفجر....اذا كنا باجازه و تسأل قاعدين؟؟؟....ليش ما نمتوا......؟؟؟....يعني وحده بهالعقليه الغبيه شلون اتعامل معاها....وكذا مرة اقول لزوجي و احرص عليه لا تفتح فمك بكلمه مع احد....وما احدد له اشخاص معينين لان لو اقول اسمها.......ليلتي سوده......بس اكتشف بعدين انه على علم بكل شيء.....و امووووور كثيره حاشره نفسها فيها.....وما اقدر اكلمها و لا شيء....لاني كبر بناتها.....واصلا هي الامر الناهي بالبيت....يعني لو تطلع مني كلمه ما تعجبها............الله العالم شنو ممكن يصير لي......!!! وبهالحاله..........طنشت اهل زوجي بالمرة.....حتى السلام طنشته...بس بين فتره و الثانيه انزل اقعد مع ام زوجي.....وبس.... اما عن حالتي الصحيه.....بصرااااحه ودي احمل....بس خاايفه مع وجود هالمشاكل بالرحم....ما يحدث حمل...فهل في حل ....؟؟ وهل في حل لحاله زوجي؟؟ ااتمنى الرد دووووت |
بالنسبة لأهل زوجك أنصحك انك تحافظين على الحد الأدنى من العلاقة الجيدة معهم , بمعنى آخر طبعي علاقتك معهم. صدقيني يكذب عليكي من يقول ان العلاقة مع أهل الزوج لا تأثر على الزوج فغالبية الطلاقات هي تكون بين الزوجة (أو الزوج) و الأهل قبل ما تكون مع الطرف الثاني.
اما زوجك فلا تفسري اشتياقه و حبه لك بانه شبق بل فسريه التفسير الصحيح و هو الحب و الاشتياق و لا تدعي الشيطان يدخل بينك و بين زوجك. أنصحك بان تصارحيه بوضعك الصحي باسلوب جميل و محبب مع التأكيد على حبك الشديد له و تعلقك به لكن الأمر خارج سيطرتك. لا أنصحك بالاستمرار بالتكتم فقد ينتج عن ذلك نفور زوجك منك فالرجل يعرف جيداً اذا ما كانت زوجته متجاوبة ام انها تؤدي واجب فقط و قد يلعب الشيطان في راسه و يوسوس له بانك لا تحبينه. المصارحة مهمة خصوصاً في حالتك. اما الشهية للطعام فربما تكون بسبب الحالة النفسية التي تعيشينها و بالذات مشاكلك الصحية و مشكلتك مع زوجك. حاولي ان تحلي هذه الامور حتى ينتفي السبب النفسي. بالتوفيق و الشفاء انشاء الله اخوك Romancy |
romancy
الله يجزاك الف خير على هالرد الشافي.....والله ريحتني......الله لا يحرمك الاجر.... ولي عوده اخرى باذن الله دوووووووت |
اختي دوت انت ما تدورين اجر ؟؟؟؟؟؟؟؟؟
ما شاء الله الاجر يجيك وانت كاعدة اولها لما اهل زوجك يتكلمون عنك بالسوء فكل كلمة تمحو سيءة من عندك اتخيلي كم من سيئات محولك اما اشباع زوجك فهذا لك به اجر خاصة اذا فعلتيها في سبيل ارضاء الله اولا وزوجك ثانيا اختي الغالية ليش ما تؤجلين مسألة الحمل لما بعد الدراسة خاصة وان الي فيك الان مكفيك واتوقع بعد الدراسة كثير من امورك راح تستقر وفقك الله لما يحب ويرضاه |
ما تشوووفين شر يا دووووووت
اقتباس:
اقتباس:
وعليكم السلام ورحمة الله وبركاته هلا بك ومرحبا اختي الغالية dot .. وابشرك احنا بخير عساكِ دوم بخير ما أخفيك إني ضاق صدري لما قريت موضوعك .. :( فعلا الضغط يولد الانفجار .. كيف عاد إذا كان هناك ضغوط مو ضغط واحد؟ يحس الواحد إنه ضايع .. ويفقد تركيزه وما يعرف يفكر ولا يحل مشاكله .. والله حااااسة فيك .. وعارفة وش معنى الضغوط لما تجي مره وحده على راس الآدمي .. الله يعين .. الله يصبرنا وان شاء الله نكون على أجر ما أطول عليك .. برد على كل نقطة ذكرتيها بالترتيب: اقتباس:
ويمكن هذا خيرة لك علشان ما تحملين الحين لأنك مشغولة بأمور ثانية منها الدراسة .. فلو أجلتي فكرة الحمل أشوفها أفضل لك .. حتى تكوني أكثر استعداد نفسي وجسدي له. اقتباس:
(يحطونه مع الشاي للسجناء لتخميد رغبتهم الجنسية .. حسب ما ذكر لنا أخوي الأسير .. الله يفك أسره) الكافور ممكن تحصلينه عند العطار وممكن تسألينه عن طريقته .. لكن قبل كذا ودي تستشيري أخصائي تغذية في هذا الموضوع قبل الإقدام على هذه الخطوة ولا بد من معرفة الزوج بذلك .. علشان ما يكون موقفك سيئ عند زوجك لو عرف (مثل سالفة تلخبط الدورة) اقتباس:
لا تعصبين وتقولين ليه سهله رغم معاناتك معهم :29: أنا أقولك ليه .. احمدي ربك ان الأهل هم السيئين مو الزوج .. لأن الزوج هو اللي قدامك 24 ساعة ... لكن أهله ممكن تتحاشينهم قد ما تقدرين .. وما تنزلين الا متى ما بغيتي .. وعن تجربة شخصية .. أهل زوجي عسسسل (امه وابوه) يعاملوني كأني بنتهم .. و(اخواته) كأني أخت لهم .. الله يذكرهم بالخير .. لكن وش الفايدة وزوجي ما حبيته وبسبته تركته وإلى الآن عند أهلي .. وتصدقين لو انفصل عنه .. ما راح اتحسف الا على أهله والا هو ما جبت خبره :25: وبما إن أمه طيبة هذا أهم شي .. والا الباقين (بقريح) ـ مع احترامي ـ عامليهم من بعيد لبعيد بدون ما تغلطين عليهم وانتي ماشاء الله عليك ما يجهلك لأنك تعامليهم بالحسنى اقتباس:
مع الضغوط فعلا ما اشتهي احط في فمي لقمة .. وما أكل الا لما احس اني بدوخ لأني من جد ما أحس بالجوع زي ما ذكرتي بالضبط .. تدرين كم وصل وزني الحين بس لا تقولين لاحد .. 44 كيلو :24: <<<<< ولا خيشة رز :d علشان كذا لازم تتداركين نفسك .. حاولي تحلين الأشياء اللي مضايقتك علشان ترجع شهيتك زي أول.. واستشيري طبيبتك وخليها تعطيك فيتامينات او مقويات تفتح الشهية .. الله يفرج همك ويشفيك ويسعدك لا تنسين طمنينا عنك حبيبتي |
الله يكون بعونك اختي ((دوت )) ويشفيكي
أول حاجه ابغى اقولك أن المرأه لما يطلبها زوجها للفراش وتكون قادره لكن تمتنع لغير عذر تكون ملعونه اما إذا كان عندها عذر شرعي أو تعبانه هنا لا شي عليها ولا ذنب (( الدين يسر وليس عسر )) وأنا هنا لا افتي من عندي ولكن هذا كلا م الدين والشرع والمنطق ايضا أنا لا أشجعك أو اطلب منك عصيان زوجك لا ابدا ولكن حرام الواحد يضغط على روحه من أجل الاخر دائما وابدا والشخص الاخر لا يقدر ألمي ومعاناتي من طلباته المرهقه (( طبعا قصدي بطلباته هي الجماع المتكرر )) خصوصا انك قلتي أنه يطلبك مرات عديده في اليوم الواحد فالانسان له طاقه و يحتاج للراحه والحياه ليست جمـــــــــــــــــــــــــــــاع فقط والله لو كنت منك مستحيل ألبي زوجي وأنا مرهقه وأتألم وقتها والأدهى إنه يدري بألمي ويعرف بوجود مشكله صحيه تمنعني عنه أنصحك بمتابعه طبيبتك النسائيه ويارب يكتب لك الشفا على ايدها سمعينا الاخبار الحلوه |
اختي الفلوجه....شكرا على ردك....ومرورك العطر
اما عن مسأله الحمل....انا اصلا مفكره بالحمل بعد ما اخلص بالدراسه....بس بما اني ما حملت من سنتين...والله اشتقت للحمل و لطفل صغير _الله يعين المحرومين من الانجاب_.....وعن التكيسات و اللحميه....فان شاء الله تكون خيرة لي.....وعن اهل زوجي...والله مطنشه و ما ارد....ومهما اسمع اطنش ولا اتنفس عندهم.... وزوجي....انا ادري اني لما اشبع رغباته فيها اجر....بس و الله مو بيدي....مرهقه و اعصابي تلفانه....وصحتي مؤخرا بالنازل....ومن كثر طلبات زوجي....والله ما صرت اتمتع بهالشي مثل الاول....... عموما تسلمين على المرور الطيب الاخت بنت اخته....الشر ما يجيك يا حياتي والله فرحت كثييييييير بردك.....وزعلت كثيييييييير لما قريت انك ما زلتي عند اهلك.......الله يفرج همك و يهدي بالك ياااارب والله اني ادعيلك من كل قلبي.....وادعي من كل قلبي اتخوك..الله يرده لكم بالسلامه و يفرح قلوبكم مثل ما فرح قلوبنا ياارب العالمين.... والله ريحتيني من ناحيه التكيسات و اللحميه والامل بالله عزوجل.....الله يريح قلبك و يهدي بالك يااااارب اما عن الكافور.....راح اشوف هالموضوع و اقترحه على زوجي....وان شاء الله ما يصير الا الخير.....اما عن ان الكافور ينحط للسجناء....ما اظن لان اخي لما افرجوا عنه قال ان المحققين كانوا يجيبون لهم عاهرات عاريات لاثارتهم و لايقاعهم بالغلط....فما اظن ان الكافور سيكون من صالح المحققين....الله يفرج عنه و يرده لكم بالسلامه....ياااااارب اهل زوجي....اي والله اللي مريحني ان هم اللي معاملتهم زفت مو زوجي...والا كانت حياتي الزوجيه منتهيه من زمااااان....بس الحمدلله اني انزل لهم بالاسبوع مرة على الاقل اخفف من حدة الحاله النفسيه السيئه اللي انا فيها.... ووزني...الظاهر من كلامك و كلام الجميع ان حالتي النفسيه هي السبب بنزول وزني المستمر.....ان شاء الله راح الحق على نفسي قبل لا اصير هيكل عظمي..... وتسلمين يا حبيبتي على ردك ووجودك و مرورك اللي اسعدني كثييييييير كثيييييير.... الله يفرج همك و يسعدك قلبك و يفرج عن اخوك.....اللهم امين الاخت دندونه....المشكله اني عارفه اني اللي ترفض زوجها من غير سبب تنلعن....عشان هالسبب صرت اخاف و امثل و صار الجنس عندي مثل الروتين..... وان شاء الله راح استمر على العلاج....والله يجيب اللي فيه الخير......ومشكوووورة على مرورك الطيب دووووت |
اختي العزيزه دوت
اقتباس:
وقلت الحمدلله اللي عافاني والله لا يرد هالايام بالنسبه لاهل الزوج لو كانوا طيبين ماعليه بالمعامله الطيبه راح تكسبينهم بس لو كانوا العكس لو قمتي الليل بالنهار تخدمينهم وكنتي لهم بلسم مااثر فيهم ولا بين بس انصحج خليج من بعيد لبعيد لاتقولين بقرب منهم يمكن اكسبهم!! عادةً اهل الزوج مهما كانوا طيبين ومهما كانوا يحبونج تظلين بنظرهم غريبه ويحبون يكتمون عنج امورهم ويحبون تكون العلاقه من بعيد لبعيد حتى لو اشتكوا وقالوا ماتشوفنا ... وماتسال علينا ... وووووو فخليج بعيده !! وبالنسبه لي تقريبا مريت بنفس المشاكل من ناحية اهل الزوج بس انتي احسن مني انتي ام زوجك طيبه وانا لا ..!! وانتي عندج اخت كبيره تتحكم فيه او تعتبر انها ام لزوجك بس انا كانت اخت اصغر منه تتحكم فيه !! المهم ماودي اتذكر مشاكلي انا اللحين في بيت مستقل والحمدلله ومرتاحه وأقوم بواجبي معاهم في المناسبات وفي صلة الرحم واكون انا اللي ابتدي وحتى لو قصروا معاي مو مهم يكفيني اني استقليت عنهم واي شي يطلع منهم عادي عندي بتحمله يكفي اني بمشي في بيتي واكل واشرب براحتي ولا حسيب ولا رقيب..... وماسمع ليش سويتي وليش ماسويتي !! الحمدلله والشكر لك يارب وبعدين انتي احسن مني نوعا ما يا دوت انتي على الاقل اتدشين النت تفضفضين وتكتبين مشكلتج وتبين حل بس تخيليني انا لا نت ولا تلفزيون ولا تلفون ممنوع ومايبوني حتى ازور هلي!! يقولون خلاص تزوجتي انسي هلج وكنت توني ادرس بمدرسه يعني مو جامعه وافتك بعد كم سنه لا تخيلي توني باول ثانوي شوفي المشوار عندي شلون طويل!!! بس الحمدلله بعد كم زعله رحتهم بيت هلي توفر لي التلفون والمره اللي بعدها التلفزيون واللي بعدها الفيديو وخاصه وانا صار عندي يهال صغار يعني لازم هالامور ودخلت الجامعه وبكل هالمشاكل ومع وجود اليهال ومشاكلي مع ام زوجي وبناتها الا اني كنت كنت اهرب منهم لدراستي وكنت اعتبرها متنفسي الوحيد يعني وانا اصيح من اللي صارلي مع اهل زوجي واحباط من تصرف زوجي اللي ماسندني كنت اروح لكتبي صار بيني وبين كتبي علاقة حميمه كنت اعطيها والاقي ثمرة تعبي معاها كانت غاليه علي كتبي من الثانويه للجامعه كنت لمن ازعل واروح بيت هلي ماخذ معاي ولا شي و ماخذ غير كتبي الحبيبه اللي كان يبين فيها التعب يعني لمن اسهر وادرس الاقي كل تعبي يبين في نتيجتي وكنت انجح وبتفوق رغم كل المشاكل وكنت احب كتبي لانها انصفتني ولانها حقانيه اتعب فيها فتريحني بالنتيجه مو مثل اهل زوجي مو مبين فيهم المعروف !! و كل سنه اتعب فيها الاقي نفسي نجحت ورحت للسنه الي بعدها مع وجود حمل واطفال وثانويه عامه ومشاكل تخيلي كل هالظروف !!! انا اقولج مشاكلي سابقا حتى تشدي حيلج بدراستج وماتخلي المشاكل تاثر فيج لو كيف ماكانت طنشي واسمعي وابلعي كلام لا تردين خليج ثلج او تظاهري بانج ثلج وماتحسين !! ترى كانوا يقوولن عني ثلاجه لاني ماحس او ما اتاثر بكلامهم بس انا كنت اوحي لهم اني مو متاثره حتى عدم تاثري قهرهم تخيلي لمن كنت ارد وادافع عن نفسي يقولون ردت وقالت وووو الخ ولمن صرت اسكت يقولون سكتت وماترد وماتحس !! يعني لازم اتهاوش معاهم ؟؟؟ والا لازم يشوفوني اصيح !! تعودوا يعني !! ولا مايرتاحون الا لين اصيح ويحسون انهم ارتاحوا نفسيا !! بس انا صرت ماصيح ابداااااااااا من كلامهم :( (( بس اصيح في غرفتي مو جدامهم !! )) :25: يعني ماتعارفين لهم !! فاحسن شي التطنيش وتحملي تشكين منهم لزوجك ولو ذكرهم عندج اذكريهم بالخير ووكلي امرج لله ترى المعروف مايضيع وبالنسبه لفقدانج الشهيه انا مثلج بسبب هالظروف اللي حكيت لج اياها فقدت الشهيه وماكل الا اذا حسيت بدوخه او اذا نشف حليبي يعني صدري يألمني والياهل يصيح مافي حليب وقتها يكسر خاطري ولدي واقول وش هالمشاكل اللي تخليني اقصر في وليدي !!! واكل بدون شهيه بس علشان ارضع ولدي واقوم بعيالي واشوف دراستي المهم لا تخلين المشاكل تاثر عليج وبالعكس خليها دافع انج تشغلين نفسج بالدراسه تخيلي وقولي لو كانوا معاي طيبين واحب اسولف معاهم واحب قعدتهم يمكن اهمل دراستي وقولي الحمدلله ان زوجي طيب ويحبني ومو مهتم في كلامهم ومو العكس وحاولي تاكلين ادري الظروف والدراسه بس حاولي وانا اختج محد بينفعج غير نفسج والله يشفيج ويفك ضيقتج وبالتوفيق صريحه جداً |
الاخت دوت 000
مافيه داعي للشكر لاننا بالمنتدى اسره وحده000 ومافيه داعي للحرج من زوجك انه يسمع كلام طبيبتك 00 يمكن يسمع منها لانه متأكد انها ماقالت كلامها من فراغ وبالنسبه للكافور هو نبات تلاقينه عند العطارين او بالسوبرماركت ويطبخ مع الاكل وهو يقلل الشهيه للجنس00 اذا حطيتيه له لاتقولين له 00 واذا تعافيتي وشفيتي انشاءالله هاتي له كافيار اسأل الله العلي القدير ان يشفيك مما تشكين منه وان يعطيك الصحه والعافيه |
أفاااااااااا عليكِ يادوت ليش العصبية كذا على زوجك؟؟؟
فعلاً الخوف من المرض يسبب فقدان الشهية وفقدان الشهية مع المرض يسبب العصبية ولكــــــــــــــــــــن ........ لاتخلين عصبيتك على زوجك ترى بعدين بيحس بجفاء تجاهك وحذااااااري تردينه بعنف وهو يطلب منك العلاقة لإنه بيحس بجرح في كرامته طول العمر ومهما سويتي بيتذكر ردك القاسي ونفورك وبالسياسة وبمكر الحريم أقنعيه : شاركيه همومك ومخاوفك وكأنك طفلته وأبكي في حضنه من الخوف على حالتك وقولي له مشتاقة لك ولعلاقتنا الحميمة بس غصبن عني مو قادرة وخايفة يصير لي شيء وقولي له إنك متأثرة ومتضايقة كثير لإنك موقادرة حالياً تتجاوبي معاه مثل أول بسبب القلق والألم وقولي لي تأثري عليك يزيد قلقي صدقيني إذا حس إنك ضعيفة أمامه بيرحمك ويحزن عليكِ وماراح يضغط عليكِ وبالعكس بيوقف بجانبك ويرفع من معنوياتك أما بالنسبة للتكيسات واللحمية في الرحم فأقترح عليكِ بضرورة عمل تمريخ ماادري وش تسمونه ؟ وهي انك تروحي لداية تعمل لك مساج ورفع للرحم وهذه الطريقة لها أثر كبير في إزالة التكيسات بإذن الله وكثير قريباتي راحت تكيساتهم بالتمريخ وبإذن الله أيضاً لها فائدة للحمل. والله يشفيكِ ويرزقك الذرية عاااااجلاً ولاأسمع صوتك تصارخين مرة ثانية على زوجك. |
| الساعة الآن 12:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©