![]() |
يام خالد وشي محلات ارمال
معليش على الازعاج وبعدين فايدتها هي نفس فايدة المطحونه اكيد يعني انت مجربتها |
وين انت ياام خالد
عسى مازعلتي علينا تراي مومن عادتي اخلف وعدي لكن البرنامج خبط معي هاليومين الظاهر ان ظهره اوجعه مثلي من كثر مااشتغل فيه بس ان شاالله من يوم يتصلح راح اجهزلك التوقيع هاه لاتنسين تجاوبين على اسالتي يعطيك العافيه وانتم يااعضاء ماعندكم علاج لامكم الله يعطيكم العافية |
لا وش دعوي وش يزعلني
اصلا انا عارفه انك ما راح تخلفي الوعد شوفي حطي بحث في قوقل اكتبيgnc وراح يطلع لك كل منتجاتهم بالتفصيل ووين تحصلينهم انا مجربه الحلبه وفيتامينات النساء والحمد لله نافعتني وااااااااااااجد |
مشكورة يااحسن امخالد
وابغى اجرب وصفتك باذن الله تعالى على فكرة قالتلي شغالة خالتي ان الزنجبيل الاخضر مرة حلو تبشرينه وتحطينه على ظهرك سويته ولفيت عليه قماشه عشان تمسكه ونمت على ظهري 3ساعات تصدقون ان ظهري بعد نصف ساعة صار حار ويصب موية ويوم قمت حسيت الالم خف كثير الحمدلله على الاقل قدرت امشي معتدلة هاه يااعضاء شاركونا بوصفاتكم علشان يصير ملف لعلاج الظهر اللي ياكثر الناس محتاجينه والله يجزى من عمل خير |
فعلا يا امي الشغالات عليهم علاجات حلوه وبسيطه
وانا دايما اسالهم والنتيجه دايم مرضيه مره كان راسي يوجعني وسالت شغاله قالت لي افركي اول خشمك من فوق وفوق اذانك والحمد لله راح الصداع بسرعه الله يشافيك وكل مريض |
[IMG]http://www.uparab.com/get.php?filena...757.gif[/I السلام عليكم
وش اخبارك ياام خالد هذا التوقيع وارجو انه يعجبك تراني من ساعة ماتصلح البرنامج على طول سويتلك التوقيع وعذرا مرة اخرى على التاخير وخبريني اذا كان ماصلح |
http://www.uparab.com/img/=1133561754.jpg http://www.arab7.com/up/file/1133561854425.jpg
واخيرا رضى يطلع كل ماحملت الصورة قعدو يتشرطون علي والله ياام خالد لازم هذولا حقين تحميل الصور نطالبهم في منظمة حقوق الانسان اعوذبالله مايرحموننننا |
السلام عليكم..
اللي يخرب أثناء النفاس صلحيه أيام الدوره وعليك بنظام فيافي تلاقيه في عالم حواء قسم الأعشاب أنا استفدت منه كثييييييييير حتى زوجي لاحظ أني ماعاد اشتكي من ظهري ولابأس طهور إن شاء الله. |
وعليكم السلام ورحمة الله وبركاته
هلا والله والسموحة ماقرأت الموضوع إلا الأن وتعالي ترى الحل عندي وأنا أمك بإذن الله بس وش بتعطيني؟؟؟؟؟؟؟؟ أولاً : أنتِ تشعرين بألم من أسفل ظهرك لين رجولك وبالذات لما تقومي وتقعدي وفي الصلاة لدرجة تقولي وأنتِ قايمة,,,,أي ,,,أي ,,,,,أي ........صح؟؟؟؟؟ وألم في عرقوب رجلك لماتصحين من النوم.......صح؟؟؟؟؟؟؟ أنا عارفة إنه صح بس علشان تطمئني إن علاجي صحيح بإذن الله هذا الآلام سببها إن الرحم عندك مارجع لمحله الصحيح بعد الولادة بسبب تعبك وخرجتك مع بنتك الله يحفظها الحل الله يسلمك ويشفيكِ ويعافيكِ ويخلي لك ورعانك إنكِ تروحي عند حرمة تمرخ لك. وبإمكانك أولاً تسوين بنفسك التمريخ وإذا مانفع وماعرفتي روحي لحرمة شاطرة تمرخ لك. طريقة التمريخ: المقادير: زيت زيتون فكس او أي شيء حار مثل أبو فاس قطعة قماش مثل شماغ أوطرحةأو أي شيء عندك الطريقة: لازم تكوني على الريق وبما إنك عندك مدرسة فالأفضل تخلينه يومي الخميس والجمعة تنامي على الأرض وترفعي رجولك في الجدار وتحطي القماش تحت بطنك علشان يكون جاهز للربط تبدأي بتدهين البطن بالزيت والفكس وترفعي بيديكِ الإثنين بطنك لأعلى من عند الرحم يعني من أسفل نقطة في منطقة البطنوبتحسين مع الضغط مكان الرحم وحاولي ترفعيه لفوق بالضغط القوي قليلاً وكرري الترفيع عدة مرات ومن الوسط ومن جانبي البطن وبعدها أربطي القماش على أسفل نقطة في الحوض وشدي الرباط وقومي ونامي مباشرة على ظهرك يعني الأفضل تسويه بعد صلاة الفجر وتكملي نومة وخلي الرباط لين بعد الغداء وفكيه وكرري الطريقة يومين أو ثلاثة والأفضل تكون عليكِ الدورة الشهرية والأفضل إنك تكوني مجهزة كوب حليب مع صفار بيضتين بلدي ومحلى بالعسل ومعاه حبة البركة مطحونة وبعد ماتنتهي من التمريخ تشربيه وتنامي على ظهرك. وفائدة هذا الحليب إنه يقوي عظامك بسب إهمالك في الأكل فترة النفاس جربي ولاتنسين هديتي وهديتي هي : إنك دااااائماً تدعين لي إن ربي يهديني ويهدي زوجي وأولادي وأهلي ويثبتنا على الإيمان ويقر عيني بزوجي وذريتي ويكونوا كالبلسم الشافي لي. والله يشفيكِ وبهذه المناسبة اقدم لك إعجابي بشخصك الكريم وبأسلوبك في الردود والله يجزيك الجنة. |
الله يجزاك خير يا اميمتي
بس قهر ما اشتغل عندي خلاص لاتتعبين نفسك احس اني كلفت عليك وعلاج ظهرك............... من قدك ردت عليك ام جمانه الله يبارك فيها والله اني احبها واحب كتاباتها وكبار شخصيات المنتدى ما يردون على اي حد (امزح) |
الساعة الآن 03:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©