|
والله لقاااافه من اخوووها ذا (ماعليش على الكلمة)
والله لو اتزوج ويحصلي هذا لأ أقووول روحي اجلسي عند اهلك لين يطفشووون منك وارجعها لهم واقطع تلفوووني وكل وسائل الاتصال لمدة اسبوووع ....لين يفهموا ان حركتهم مالها داااعي ..... وبعدين كيف ماتصبررر!! كنت عايش قبلها عزووووبي ماتقدر تصبر كمان عذرك ليس عدم الصب ولكن تنعذر بتدخلهم بينك وبين زوجتك..صح لا بد تزور امها البنت وتجلس بالكثير يويمن بعد الزواج بس بعدها مالها الا بيت زوجها ... نصيحة خللك شديد بأخلاق مع اهل زوجتك وخلك ثقيل مع زوجتك بحنية ولا تسمح لهم التدخل من بدري بينكم طيب كيف لو حصل سؤ تفاهم بينك وبين زوجتك ورجعتها بطلبها لأهلها (لا سمح الله)شكلهم مابيرجعوها اصلا فجلس بينك وبين زوجتك وافهمها والله يوفكم ويسعدكم (شكلي بوديك في داهية :d ) |
المشكلة أني ما أصبر لأني أحبها ....
الشي الثاني أني أشعر بعدم الرضا انها تتركني أنوم لوحدي في بيتي كأني عزابي وهي تنوم عند أهلها, والله لو حصلت مشكلة وقالوا اهلها خلاص بتقعد عندنا ....أمهلها مدة ...ثم أدور غيرها .....لكن انشاء الله ما يحصل لأني حبيب معها لأقصى وتعاملي واخلاقي جيدة معها بس أحياناً هي تسوي بعض التصرفات الخاطئة ومع هذا اتغاضى عنها .. وأبتسم لها وأعذرها .... |
اولى الناس بالرجل أمه واولى الناس بالزوجة زوجهاااااااا
الله يهديها ومبارك الزواج والله يرزقكم بالذرية الصالحة |
أخي ...
يظهر أنك صبرك ضعيف جدا وشخصيتك أضعف عن زوجتك وهذا لعمري سيبب لك المتاعب غدا , مما يجعل اهل زوجتك استغلالك .. وقد تستغل زوجتك ضعفك , لتلبية مطالبها ..خلك رزين يخوك , ترى والله الرجل الرزين , له قيمته , أما تقول لي , ما أصبر عنها , أحبها .. فهذا سترى عاقبته غدا , فإظهار الحب للزوجة ليس دائما صح , فبعص النساء تستغل عدم صبرها عنها وتبدأ هي وأهلها استغلاله .. أما عن زوجتك وتركها لبيتك ,فهذا سببه الأول ضعف شخصيتك لأن زوجتك لو علمت منك الحزم , والقوة , لما تجرأت أن تسمع كلام أمها وتفضلها عليك , ومن المعلوم أن طاعة الزوج أهم من طاعة الأبوين , فما بالك وأنت كنت تترجاها أن ترجع وتتسول لها .. وفي الأخير تفضل امها عليك وهذا شرعا لا يجوز , وخاصة أنك لم تقصر في زيارة أبويها .. انظر أخي الى باقي الزوجات لا تسمح لأزوجاهم بالبقاء بمفردهم .. فلب الموضوع , هو ضعف شخصيتك , لكن لا يخرج ذلك من الأخلاق الحسنة وحسن العشرة .. نصحتي لك , اتركها عند أهلها ولا تسأل , بين لها أن مستغني عنها , خلها هي في تكفر في الرجوع .. وبين لها أن المرأة التي تقارن بين زوجع وغيره لا يعير زوجته أهتمام .. |
انا رايي من راي الاخ جمر ,..........
ولا مانع من التفاهم فيما بينكم. |
اخووووي ترا مشكلتك عادية وتصير لكل حديثي الزواج
مبين ان زوجتك صغيرة واهلها مفتقدينها ويريدونها تيلس عندهم كم يوم لا تعصب ولا شيء خل زوحتك عندهم هاليومين اللين امها ما تشبع منها وبعدين يوم ترجع حاول اتحسسها انك وايد افتقدها وقولها لا تسوين جذي مرة ثانيه انا صرت مثل المينون مب عارف ايلس بدونج ومن هالكلام الحلووو ..... وما فيها شيء انك كل كم من شهر توديها بيت اهلها يومين تيلس عندهم وانت سير اظهر البر ويا الشباب والا غير ونام في بيت امك واتذكر ايام العزوبية عشان تشتاقووون لبعض الله يوفقك |
يا خوي..أنا برأيي انها هي كمان مفتقدة أهلها...و أعتقد انها كانت تبكي و هي تتكلم بالتلفون لأنها كانت مفتقدتهم..و امها زودت عليها و قالت لها تعالي..فبكيت....
أنا في رأيي انك تاخدها شوي بحنية...و ما في مانع انك تقولها انك كنت ملهوف عليها و هي بعيدة عنك...ترى احنا البنات نحب هذا الكلام... بس الصراحة لو الوضع زاد عن حده وهي تقولك ابي اجلس عند اهلي...قولها خليك جالسة عندهم...و اتركها دون اي مبادرة منك في الاتصال..و لو اتصلت قولها..لا خلك جالسة عندهم..ساعتها بتعرف..و يوم ما ترجع قولها بطريقة رومانسية غاضبة..لا تسوين فيني جذي مرة تانية ..و هي رح تحس و تفهم غن شا ءالله..لانه حتى بعدين وش تسوي يوم ما يصير عندكم عيال إن شا ء الله؟؟؟ حيكون الأهل اتعودوا على ان بنتهم تبات عندهم أكثر من مرة بالشهر؟؟ و ساعتها ما حيوافقون انها ما تنام عندهم....يعني كل شي بالمعقول..يعني يوم يومين بالشهر كفاية و أكثر من كذا هذا شي زايد.... بس برضه خلي قلبك كبير..لساتها موبمتعودة على بعدها عن أهلها...بس كل شي ليه حدود. |
كان الله في عونك ولكن أنصحك نصيحة أخوية اذا أستمريت مع زوجتك على هذا الحال أن تؤخر الإنجاب منها حتى تضعوا النقاط فوق الحروف !!
|
لن اطيل عليك باجابتي
تريد زوجتك روح وخذها من بيت اهلها وان رفضو نام عندهم بس نصيحتي لك خذها بسرعة والرجل بمواقفه ولما تحس زوجتك انو كلمتك ما تصير تنتين الكل يعملك الف حساب بس لاتزيدها وتعمل سي السيد بس بهيك مواقف ورجيهم العين الحمرا شي بيقهر |
شر البلية ما يضحك .. الحين الرجل فاتح بيت زوجية والبعض يشور عليه إنه لو رفضوا أن يأخذ زوجته ينام عندهم!
أخوي صدقني أنا مجرب مثل هذي المواقف لو نمت اليوم عندهم ... بكرة بتقفل شقتك وتلقى نفسك عايش عندهم .. وبعد بكرة الله يستر من بعد بكرة .. أنا عشت اليوم وبكرة وبعد بكرة وكانت النهاية ضحية (طفلة لا ناقة لها ولا جمل) أنت اليوم خفيف وما عندك عيال بكرة إن شاء الله يوم يرزقك الله بالذرية الصالحة راح تضطر الى أكثر من النوم عندهم وراح تتنازل عن حقوق كثيرة والسبب إنك نخيت في البداية. أخوي من اليوم خل لك موقف صارم ولا تحيد عنه مهما صار وخلك من أحب زوجتي وما أقدر تبعد عني ترى هذا الكلام ما يأكل عيش ومع احترامي لو إن زوجتك تبادلك نفس المشاعر أو على الأقل تقدر مشاعرك تجاهها ما كانت وضعتك في مثل هذي المواقف وسلامتكم |
| الساعة الآن 12:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©