|
عزيزتي شوبارد ...
مع اني عارفه انك ماتعلقين على كل الردود الا اني ابي اسأل ونفسي اعرف ... رجعوا الحريم اللي شافوك والا لا ؟؟؟ يعني بتصير خطبه رسميه والا للحين ؟؟؟ ادري ملقوفه ... بس نفسي اعرف ايش باقي الحكايه ... ان شاء الله يكتبها لك الله المره هذي وانا بعدك يارب .... واذا على الاحاسيس ياشوبارد هذا شي طبيعي ... الزواج متطلب روحي لكل ذكر وانثى .. وهو اهم من الاكل والشرب ...واذا ماوجد الزواج اكيد النفسيه راح تتغير ... يعني اذا قدر الله ماكتبه الله هذا لحكمه سبحانه حنا ماراح نعرفها ... لكنها باذن الله فيها الخير لكن عقولنا ماتقدر تستوعب حكمه الله سبحانه ... صدق راح نتعب ونتعب ونتعب لكن .. مثل ماقلت لك كل شي له حكمه حنا مانعرفها .... مابعد الضيق الا الفرج ... ان مع العسر يسرا .... ازمه وراح تعدي باذن الله ... الله يرزقني ويرزقك شوبارد ... والله يسعدك |
night2005
once iwas عيون زوجها تائبة بنان |
حبيبتي شوبارد...
جددي في حياتك... روحي إلعبي رياضه في المراكز المتخصصه... والله الرياضه تبعث على الحيويه .. وتجدد الدم.. و لا تخلي هدفك إنك تنقصي وزنك.. هدفك إنك تتسلي وتجددي شوي.. و روحي حتى لو أسبوعين.. والله إحساس رائع.. أصبغي خصلات في شعرك.. بيعطيكي إحساس جميل <<<< أنا أسوي هالشي كل ما حسيت نفسي متضايقه أو عندي حالة ملل :d الله يرزقك بزوج صالح يحبك وتحبيه ويخاف الله فيك........... إنت وكل بنات المنتدى الله يطمن بالك... ويرزقك الخير يا حلوه :) تحياتي... |
أسرار
ضاحي لولو |
شعورك هذا طبيعي صديقتي امها دائما تلمح لها انها الى الان ماتزوجت واختها الاصغر منها متزوجه واغلب الامهات كذا يبغون بناتهم متزوجات حاولي تفهمين الوالده ان الانسان مابياخذ الا الشي الكاتبه ربه له والله يرزقك الزوج الصالح
|
ادعي الله وما راح يخيبك
اختي الزواج قسمه ونصيب ويجي في وقته اللي الله كتب لك اما اللي تسويه امك فهذا شي غصب عنها تعودت تشوفك دايما صغيره ولا تعرف ان هذا شي يضايقك انا وانا متزوجه من سنين وعندي عيال الا ان امي تعاملني بخزة العين الى الان لمن اتكلم بشي ما يعجبها بس انا اعتبره شي عادي لان الام مهما كبروا عيالها تشوفهم صغار |
يااااااااااحبيلك تكفين وياملحك انتي وامك يا شوبارد شوفي امك تناظر التلفزيون واذا جا مشهد تناظرك هذا لانك انتي فكرتي في ردة فعلها فتحسين انها تقول او تكتشف الي في نفسك :24:
اقولك شي انا اول قبل لا اكفخ نفسي اذا شفت مشهد خطبه ولا مشهد عانس خلااااص انهار احس ان اهلي يفكرون زيي وهو والله محد جاب خبري خخخخخ:cool: بس اذا شلتي هالاحساس والله بيصير عادي والحمدلله انا احس الفتره الي مرت بي فترة تدريب لما انا فيه ساعات عيال خواني يقولون لي ليش ما جبتي بيبي :rolleyes: والله اني انهار خصوصا اذا صار عند احد ولاني ينقلب وجهي صاروا الناس ينتبهون وتضيق صدورهم اما يلغون بزارينهم عشان لا انجرح وهااااذا الي يزيد الطين بله :29: واللله اني احكيلك عن تجربه غثا قبل وبعد والله يعين ودائما انسال ليه ما حملتي وش اسوي مهوب بيدي بس والله نظرة الناس تغث صرت اقول ابجيب بنت وازوجك اياها عشان مااعطي الموضوع حساسيه :25: انا اكتشفت انه قد ماتتعاملين مع الموضوع الناس يتعاملون معك على حسبك انتي ان كبرتيه كبروه .. اما العزايم وحريم خوانك انتي ليش ماتبين تختلطين بالناس ؟؟؟؟؟ انا والله مريت زيك وعزلت نفسي بس وش استفدت الا الغلقه والتحطيم في نفسي اذا جت عزيمه البسي احلا لبس تمكيجي انتي اذا رحتي اجلسي مع ناس مقربين لك ماعندك صديقه في العائله حتى لو هي متزوجه اتصلي عليها قولي هاه بتروحين والله بتنبسطين اقوي نفسك لاتخلينها تغلبك يا حبيبة قلبي الدنيا فيها اشياء حلوه كثيره ادرسي دوره بس لاتصير دوره شي نظري مثلا دورة مكياج دورة رسم او اي اشغال عندك المناهل عندهم اشياء كثيره واذا تبين بحثت لك تعلمي فن الطين والله ممتع ممتع شي ماتتخيلين ويفرغ شحنات خياليه انتي عارفه قسم بالله اذا شفت نفسي محبطه ساعات اطالع نفسي في المرايه و:16: اي والله بس مهوب بقوه بس ابي اطلع نفسي من هالحاله .. بربرتي واجده بس والله اني حبيتك في الله عسا ربي يفرحني فيك وكل البنات عاجلا غير اجل يارب يا كريم . اسال الله ان يبرني واياكم بالصالح من خلقه اللهم اني اسالك بعزتك وقدرتك ورحمتك التي وسعت كل شي ان تبر اخواتي بالازواج الصالحين عاجلا غير اجل وتبرني بالذريه الصالحه وكل محروم يارب العالمين |
حلو كلامك يا نوارة نــــجد....
ماشالله عليكي |
dandon
lavendergm مدلولة نوارة نجد |
تصدقون يا اخواتي ان المرحله هذي حتى الرجال يمرون فيها
كنت اذاشفت رجال جالس مع زوجته كنت اموت قهر ...... واتمنى اني مكانه وتهرب من من مجالسة المتزوجين وارتاح مع الشباب اللي زي حالتي وبالجلسات اذا فتحو سيرة الزواج احس انهم قاصديني بكلامهم ...........اتبسم ونا ميت من القهرررررررررررررررررر :11: :11: :11: :11: :11: :11: :11: :11: :11: :11: :11: :11: :11: لكن ابشركم خطبت البنت اللي اتمنها وعايش حالة حب معها الله يخليها لي .........وتحسنت حالتي 180درجة أصبحت انا اللي افتح مواضيع الزواج مع الشباب .................. وبعين قويه ......... الله يسرلكم يا خواتي الزوج اللي يسعدكم بحياتكم .... |
| الساعة الآن 01:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©