أولا قبل كل شي اسأل زوجتك وهي الأهم في رأيها

ولو اخترت رأينا فرأيي بيت لوحدها أحسن من العيش مع شخص آخر

تأخذ حريتها في الملابس و الحركه في أرجاء المنزل

وتقل المشاكل ... صدقني مهما كانت العلاقه جيده بين الزوجه و أهلك

وجودها بينهم وتقيدها في المكان سيسبب مشاكل

فتداركوها بالابتعاد وفتح بيت جديد مع حياتكم الجديده

واتمنى من الله لكم التوفيق

اخي الكريم انا متزوجة جديد واجهنا آنة زوجي نفس الموضوع بالضبط بس بصراحة اخترنا البيت الاجار وهو قريب كللللللللللش من بيت أهله وقريب من بيت اهلي والكل بصراحة مرتاح فاعتقد اتعيشون بروحكم افضل وفي حالت احتجتوا اي شي من الطرفين (اهلك او اهلها ) بيكونون اقراب ان شاء الله.......

بالتوفيق اخي الكريم والله يسعدك ان شاء الله

السلام عليكم مبروك عليك الزواج أولا و بعدين انت شو البنت شو تبغييي طبعا اذا تتدرس اتكون عند اهل احسن لانها راح اتكون مشغوله ابدراستها و اذا ما عدها شي في بيت روحه اريحلها بس ايكون اقريب من بيت اهلها هذا اهم شي لانه دايما البنت اتكون ابحاجه حق امها و اهلها و هاي عن تجرب بس ادعولي انه اسكن في بيت اقريب اهلي يا رب و بس

اهل زوجي كانو مكسب لي......................وانا استمتعت بكل لحظه معاهم................ولا طلعت من عندهم الا لانهم توفوا رحمهم الله ونضر وجوههم في جنات النعيم.................عاملوني احسن من بناتهم وانا والله كنت اعاملهم كابي وامي...........يا الله وحشوني..............المهم اذا اهلك مع اعتذاري مو من النوع المشكلجي سكنها معهم لانكم ح تنبسطون................واذا هي مو مشكلجيه كمان...................بس بما انكم تقدرون تسكنون لحالكم يكون افضل.............علشان تدخلون وتخرجون على راحتكم................وكمان تحسون بحريتكم..........حتى لو الاهل والبنت طيبين..........الاستقلال حلو................والف الف الف مبروك الزواج

في اعتقادي ان السكن في منزل مستقل افضل
اتمنى لك التوفيق

شكرن شكرن للجميع على التفاعل....

يبدوا ان الاغلبيه ترجح السكن لحالنا.... ربما الحاجه الوحيده الي بتزيد علي في حال سكنا لحالنا هو اني يجب ان اكون متواجد في المنزل اكثر من لو سكنا مع اهلي... ولا اعني ان نيتي الخروج والتغيب عن المنزل لساعات طويله بعد الزواج ولكن راح اتطمن عليها اكثر عند خروجي من المنزل والعلم ان احد من اهلي موجود في البيت....

اختي ellya قلتي انك مررت بتجربه مشابه واخترتوا انتي وزوجك البيت المنفصل وارتحتوا عسى الله يديم عليكم الراحه والرضى.. فيا اختي هل يبقى زوجك معك في المنزل معظم الوقت و هل واجهتي صعوبات في ادارة المنزل ,,كذلك هل انتي طالبه في الجامعه..... انا خطيبتي باقيلها سنه ان شاء الله.....

لا تحير نفسك يا اخي .............حتى اذا هي بقيت لحالها وانت مو موجود ممكن احد من خواتك يروح يقعد يونسها وهي تذاكر او من خواتها هي...........ترى الافضل تسكنون لحالكم..........وكمان اسألها هي ايش تبي.........

انا رايي السكن لحالك افضل .. ومدام البيت قريب من الاهل مافي مشاكل مكن زوجتك تزور اهلك بين الحين والاخر .. وكمان الخصوصية مهمة جدا وتبعد المشاكل

اتمنالك كل التوفيق

لا تخاف يا اخي عليها بالعكس المرا من تقعد وحدها شوية تستعد كلش زين للقاء زوجها وانت بعد بتشتاقلها وما فيش اي مشكلة وبعدين مو كل الناس اهلهم معاهم فيه ناس تتزوج وتروح تعيش في الغربة علشان رزقهم والمرا تقعد في البيت وحدها وانت في بلدك وبين اهلك لاتخاف
اما بالنسبة لادارة المنزل فما يبلها شي لأن ماعندكم اطفال مبدئيا يعني الشغل المنزلي بيكون بسيط وما يعيق لا دراستها ولا شي
وانت سألتني عن نوع المشاكل اللي ممكن تصير انا بقولك فيه مرات اكون تعبانة او مشتاقة لأهلي طبعا انا في الغربة ومعاي اهل زوجي فما يكون عندي مزاج للسوالف والضحك
اول ما يوصل زوجي تبدي الشكوى مني انها ماشافت سنوني اليوم واني ما ضحكت واني قلت السلام عليكم بلا نية؟
واذا نريد نطلع انا وزوجي لازم انطلعهم في اليوم اللي قبله ونقعد معاهم نفس الزمن اللي احنا ناويين نقضيه برا والا......... هو جاحد وانا اللي احرضه ضدهم وما اريد ارجع للبيت مبكرا
وهلما جرا على هالموال

نصيحة من اخت يااخي بيت منفصل احسن ، يبقى الاهل احباب وما يدخل بينهم اي مشاكل ، صدقني احسن لكل الاطراف