منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   ماهو الموقف المؤلم الذي صدر من زوجك ولا زلتي تتذوقين مرارته . وانت أيها الرجل كذلك (http://www.66n.com/forums/showthread.php?t=83799)

CEH 16-04-2006 05:22 PM

نسيت أقو لكم...

أدعولي إني أملك قريبا إن شاء الله لأني ما زلت خاطب فقط!!!

ريم2006 16-04-2006 05:50 PM

الموقف اللي صار لي الى الان احسه بقلبي لاني بصراحه كنت مظلومه
رمضان اللي راح اخر اسبوع برمضان كنت رايحه السوق مع اهلي وطبعا ماخذه الاذن من زوجي
وكان معي مبلغ الفين ريال طبعا كانت من مالي الخاص يعني ماهو زوجي معطيني هالفلوس
وانا اتمشى في السوق قلت بشتري له هديه حلوة من زمان ما اهديته وبمناسبه قرب العيد
رحت شريت ساعه بالف ريال تجنن وطلعنا من السوق وغلفتها عند محل الهدايا ورحت بيتي وكان زوجي موجود بالبيت
بس طبعا كان بالصاله انا بسرعه دخلت غرفه النوم وحطيت
الهديه على السرير حتى اذا دخل يشوفها
ودخل وشافها وجن جنانه وجلس يصارخ علي يقول انتي تبين تحرجيني انتي ما تستاذنين مني
انتي قليله ادب انتي وقحه ومن هالحكي وحتى ما كلف خاطره يشوف وش هالهديه او حتى يتفح الكرت
رمها برجله على الارض
وقالي بطلقك لانك ماتستحين على وجهك
والله ثم والله جلست ابكي وابكي لحد ماتورمت عيوني من كثر البكاء
وحالتي حاله لحد الان مانسيته هالموقف
صح هو ماقصر ضاق صدره وماهان عليه انه يشوفني اصيح صحيح شرا لي ساعه بس كان قاسي ذاك اليوم
الى الان مانسيت هاليوم المخيف والمقزز في حياتي

al ameer 16-04-2006 06:22 PM

أنا يا عزيزاتي مشكلتي غير صح إنه الحين ما صار زوجي بس حبيت أكتبها يمكن بعض الأزواج يقروها وينتبهو -إن شاء الله -

(1):

مرة من المرات يوم الجمعة .. كنت قايمة أسويله فطور .. الصبح .. ما خلاني أقوم من عدالة .. لين الساعة 12 إلا ربع .. قلت له تبى فطور .. قالي لا مالي نفس ... رحت بخرته ودلعته وعطرته وقبلتين فوقهم .. ولما طلع .. كانت أمه واقفة قدام الباب .. ومعاها أهلها .. وقالت شو بتخليه يروح بدون ما يفطر .. وهي معصبة .. قلت لها سألته قال ما يريد .. قالت له أمه تريد فطور .؟. قال أيوه لازم عشان ما أتمي أفكر في الصلاة بالأكل.. قامت طالعتني بنظرة حقد وقالتلي روحي روحي المطبخ شوفيلة شي ياكلة لو بيموت جوع ما بتفكري فيه .........................و المشكلة إنه يطالع .....................وساااااااااااااااااااااااااكت ((((((((ولد أمه شو نقول))))))))))

(2)

مرة عزمته على مطعم وكنت خلاااااااااااص حاطة حسابي ..... وأنا كنت ميته من الجوع ......... ولما طلعنا ..(طبعا بعد ما طلع روحي) قلت له تراني عازمتك على مطعم وووووو من الكلام الحلو ........ز

قام رجعني البيت ... وقال أنا مب محتاج عزايم!!!!!!!!!!!!!!


(3)

مرة .. حطيت له صندوق وداخلة ثوب نوم حقة وحطيت معاه شوكولاته ورسايل حب و كم قبله مطبوعة بالكلينكس و الروج .. ومغلفة وعالغلاف كاتبه .......... حياتي .. أريدك اليوم الساعة 6 تلبس هالثوب وتجي تعطيني قبله....لا تنسى تراها مهمة عندي.......

قام فتحها وقراها .... وحطها بعيد ولا حتى لبسها شهر كامل و الله العظيم............

(4)

مرة أنا رحت أكوي ثيابه عقب ما غسلتهم وبعد ما سويت الغدى أنا و البشكارة ( كنت ساكنة ف بيت أهله) ولما رجعت حصلتهم بيخلصون يتغدون والمشكلة أهل عمتي معاهم ... ولا حد ذكرني .. وهو قاعد ياكل ولا سأل وين حرمتي
أنا و الله كنت ما بتغدى .. بس عشان أهل عمتي موجودين وما أبى أزعلهم ... و الله إني كنت أتغدى و الدموع خانقتني..
وهذا الموقف تكرر أكثر من مرة

(5)

في بدايات العرس "... وتونا ردينا من ماليزيا .. (شهر بصل) قاعد عند أمه لين الساعة 3 بالليل تحفظه شو يسوي .. وما نعني من إني أروح عندهم .. بحجة إني مسوية ميك أب قلت له بمسحه قالي لا لا تمسحيه ولا تطلعين من الغرفة و الله إني قاعدة من عقب الصلاة أنتظره وما صارلي إلا 10 أيام بس معرسة .. ولما رجع قال .................................................. ..................................... ليش ما نمتي؟؟؟؟؟؟؟؟؟؟؟؟؟؟؟

(6)

ومرة وما صارلي معرسة إلا 3 أيام ونحن فى ماليزيا .. سكر باب الغرفة في الفندف وشغل السيجارة ( وطبعا هو قال إنه ما يدخن ويصلي وووما يغازل بنات ولا يكلمهم وووووووووووووو) وأنا تخيلوا شكلي كاشخة متعدلة أنتظرة ... وفجأة ... و الله إني كنت أحس إنه بيجيني جلطة .. ما قدرت أنطق ولا حرف .. وقلت له ليش كذبت علي .. قال وبكل بروووووووووووووووودة وهو يالس يشفط السيجارة .. أنا ما قلت أبوي اللي قال !!!!!!!!!!!!!!!
قلت وليش مارديت عليه وقلت لا يا بوي أنا أدخن .. قال أخاف منه يعصب علي !!!!!!!!! رجل عمره 25 وبعده يخاف من أبوه يضربه .................................................. .....


(7)

مرة من المرات ( بعد ما تكرر سالفة المسجات الغريبة و الاتصالات آخر الليل ) شفت مسج طير لي عقلي زعلت وواجهته .. وكنا رايحين بيت أهل عمتي ....... الليب ما عندنا غيرهم ---- ....... قالي أيوة أنا أكلمها من قبل العس بعد وبس ...

وراح وخلاني أصيح وما رحت معاهم ... لأنه راح عني ... ويوم قلت أنا بكلمها عصب علي وقال لا بتزعل !!!!!!!!!!!!!

وأنا بالطوفة ........... ورحت بيت أهلي طبعا أبوه وصلني ........ وما علمت أهلي بالسالفة و للحين ما يدرون لأنهم و الله بيروحي يصفعوه .. وما جا يروحني البيت رجع بعد نص الليل وراح عند ربعه .. وأنا روحت .. سويتله مسج قلتله إذا بتجي دق علي عشان أبطل الباب..

وما وصل إلا الساعة 3 في الليل ...................... وهو زعلان ,,, وعنده أنا الغلطانه!!!!!!!!!!




تعبت



بس الحمد لله الحين تطلقت منه .. وربي فكني من شرة وشر أهله ...
بذمتكم هذا واحد يستاهل حد يقعد معاه

طبعا ما حكيتلكم سالفة بخلة مرة ثانية

المهاوي123456 16-04-2006 06:57 PM

الهموم كثيره والمشاكل الزوجيه اكثر لكن الذكيه هي الي تحاول تنسى الماضي وتحاول تسوي (فرمته لمخها )ههههههههههههههولاتحاولون تتذكرون الماضي لان التذكر يجدد الاحزان وتفتح جروح الماضي




(نصيحه اخويه)وتذكري رضى ربك من رضىزوجك

Assraar 16-04-2006 07:05 PM

بلاش تقلب علينا المواجع خلينا ناسين علشان نعيش ...

مــريم 16-04-2006 07:24 PM

al ameer ......

أنا كنت ناوية أكتب الموقف اللي أثر فيني وماقدرت انساه........ولكن........

بعد ماقريت ردك تراجعت وقلت موقفي ولا شي بالنسبة للي صار لك...
وإذا قلت اللي عندي باكون سخييييييييفة في نظرك....

الحمد لله اللي ريحك منه.... والله يعوضك باللي أحسن منه.... وكله أجر وثواب في ميزان حسناتك...

حرم معين 16-04-2006 07:38 PM

انا الحمد لله اتذكر مواقف حلووووووووووه كتير صارت بينا واتذكر اوقات كانت صعبه عليه وزوجي وقف إلى جانبي
بس ما اتذكر اي شيء مؤلم الحمد لله اللهم ادمها وارزقنا الذريه الصالحه

زوجة تحب زوجها 16-04-2006 07:53 PM

في موقف ألمني كثير من زوجي في أيام الخطوبة لكن م أحب أذكره لأني اعتبره من أسراري الزوجية التي لا أحب أن أبوح بها المهم أني سامحته بس للحين اذا أتذكر أتألم بشدة لكن ماضي وراح خلاص
الله يوفق الجميع

مع تحياتي
زوجة تحب زوجها

بتول العلي 16-04-2006 08:25 PM

الأب الحنون
كلامك رائع وانا معاك به الشي
بالتوفيق للجميع

مخاوي العز 16-04-2006 10:24 PM

al ameer

أبدلك الله خيرا منه وعوضك خيرا منه أمثالك تستاهلي كل خير تستاهلي رجل يقدر هذه المشاعر المرهفة

لكن خيرا لك عند الله


الساعة الآن 07:51 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©