|
night2005
شكرا لكي اخت نايت ويشرفني ان تكوني اول من علق على موضوعي . وياليت البنات بمستوى تفكيرك الناضج ايلاف. شكرا لك والله يسامحك بوصفي متخلف . اختلاتف الراي لايفسد للود قضية. وادي حنين2005 شكرا لكي ونعم انا بنظريتي لم اعمم فيه زوجات يكونن عون لازواجهن على متاعب الحياة . Meeso55 شكرا لكي والله يسعدك انت وزوجك ولا يكدر بينكم امين يارب. نـــــحــــــس مشكور اخوي على التعليق. وان شاء الله انت موفق وليس نحس ensaaan شكرا لكي وان شاء الله يرزقك الله بزوج صالح يصرف عليك. أم البنين4 شكرا لكي والحمد لله اني تداركت نفسي . وفعلا كلامك صحيح وايضا هناك مثل يقول ( لولا اختلاف الانظار لبارت السلع ) الأب الحنون شكرا لك ونعم الدنيا اخذ وعطاء. alseem مشكور اخوي على تشريفك للموضوع. |
هذه السياسة بحاجة إلى إعادة تفكير
أعتقد أن تعامل المرأة مع ال رجل يعود إلى تربيتها وأخلاقها وليس وظيفتها فهناك الكثير من غير الموظفات من تمردت على زوجها والعكس وهناك الكثير من الموظفات من هي محترمة مع زوجها والعكس تحياتي |
حلو انها نظره شخصية
(( حتى الوظيفة يا ظالمين )) :( خخخخخخخخخخخخخخخ يا حليل هالمرأة المسكينة إللي كل ما تفتح عالم حواء تروح تدور لطريقة تجدد بها حياتها عشان تسعد زوجها وهو يشكي يا يبي يتزوج والا يشكي من هالرغبة اللي ذابحته أول سطرين في موضوعك أخ قزاز تمنيك لو إنك أستبعدتها نهائيا يعني كأن هالنظرية تقول يا رجال((أربط زوجتك بحبل وإكسر جناحها عشان ما تشوف نفسها عليك )) وأول شيء راح أقوله هو <<< إن العلة في الشخص مو في الوظيفه يعني كل القصص اللي سردت تلاقي 5% من المجتمع كذا راح اكمل قصصك و أقول قصة فلانة إللي أعطت زوجها بطاقتها الصراف وراحت تبني هي وياه فيلا ولما خلصوا طردها وتزوج غيرها(( طيب لا تطردها خلها تتمتع ببيتها )) >>>هالقصه والله العظيم إنها حاصله قدامي مو حد حكالي أنا راح ارد على القصص اللي جبت بالدور المرأة إللي تجدد أثاث بيتها عادي دام الزوج مو خسران شيء يمكن عندها حب التغيير لكن لازم تاخذ إذن زوجها قبل لا تطلع أنا مرات أروح السوق مع أخوي و أشتري ملابس عشان اعجب زوجي وإذا شاف سعرها العادي قام يقول ما حد طلب منك تلبسين لي.... اللي معك يكفون :29: :29: :29: يعني تحطيم و إن نزلت معاه السوق أنا وعيالي عطاني 200 ريال وقال اشتري لهم ملابس ولك بعد بالله هذي وش تكفي وفوق الميتين أحلم إنه يعطيني :15: و ثلاث أرباع الرجال زي زوجي يعني وين اللي يقول خذي يا حياتي هالالف ريال روحي اشتري فستان :25: أما اللي تجيب ألعاب لعيالها قلت في نهاية القصة إن زوجها قال (((ويستطرد بقوله يا زين ألي ماهي موظفة ما تقدر تشري شيء إلا بإذني وتحت عيني))) يعني وده يقول ودي معي كلبشات واحطهم بيدين زوجتي و أخليها تجلس تشحذني أعطيها فلوس وما راح تشوف شيء شكله ناوي يهينها وهذاك اللي تقول يبي يفطر الصباح ويتغدا الظهر هههههههههههه كأن الموظفه معيشه زوجها بمجاعه والله والله والله إني أعرف كثير غير موظفات و أرجع من دوامي أتصل وهي تو تصحى من النوم وين دلال الزوج يا حافظ ؟؟؟؟ ومو كلهم سوا الوظيفة أكبر نعمة عطاني إياها ربي بعد العافيه الحمد لله :14: :14: لا تنسى هذي وجهات نظر و كلن يقول رأيه تحياتي |
اقتباس:
انا اضم صوتي لك يالاب الحنون وشكرا |
الوظيفة لا تعني أن أصرف على زوجي وبيتي واطفالي إلا بمزاجي أنا
وهو عالم ومقدر أن هذا ليس من واجبي أمــــا مــــا أدخره ففي النهاية بعد عمر طويل فهو له ولأبنائه وعندما أعلم أنه في ضيق لن أقصر ولن أدع المال يقف بيننا ولكني أريد بتصرفي أن أشعر أني أنثى بحاجته واعود له في كل شيء، لا أريد أن أشعر بأني أستطيع في أي وقت أن أتخلى عنه... وفي النهاية أنـــــــا لست مـــــــوظفة والحمد لله مبسوطة أكثر من الموظفات اللي أعرفهم وأسأل الله العظيم إن كان لي خير في الوظيفة في أمري كله عاجله وآجله يكتبها لي أنا ومن تريد وإن كان لي شر فيها في أمري كله عاجله وآجله أن يصرفها عني ويرضيني بما يكتبه عز وجل لي ....آمين |
برأيي بغض النظر عن المادة
الوظيفة بالنسبة لي تحقيق ذات وتجعل لي هدف في الحياة وأحس اني عضوة فعالة في المجتمع أتمنى وودي أشرط بعد بس صعبة جدا اشرط ان وظيفتي ماتخلى عنها مع ان راتبي مايسوى لكنها هي الشي الوحيد اللي محسستني بقيمتي في الحياة. وفي مجتمعنا السعودي المكان الوحيد اللي التقي فيه مع ناس مايقربون لي وظيفتي بس!! << وهالشي محببني فيها اكثر ووبالتفاهم بين الزوجين مايصير الا كل خير.. بالعكس بتخف الأعباء كثير على الزوج.. اخوي يبني بيت وزوجته تأثث لما يسافرون برا يدفع النص وهي النص .. الزواج شراكة ومافي احلى من تعاون الزوجين والمفروض كل وحدة ماتتخلى عن وظيفتها.. ماتدري شيصير عليها بعد سنوات يمكن لاسمح الله تتطلق وظيفتها هي اللي بتنفعها والله |
مــا دام وجــد التفــاهم..إنحلــت كل المشكــلة.. و كل إنســان و حسب وضعه..فهنــاك من لا يستغني عن راتــب زوجته و لولا عملهــا ما عاشوا زي النــاس.. |
قزاز
نظرتك اسلاميه بحته ولا تتراجع عن قناعتك هذه ومن تقول انها لن تترك الوظيفه حتى توضع احتمال الطلاق , فنقول لها هذا هو ضعف اليقين بالله والرزاق لن ينسى عبيده وهذه النظره ماديه بكل ما تحمله الكلمه من معنى اخي قزاز ما دمت على هذا الخط الاسلامي الاصيل فتيقن ان الله سيوفقك في الدنيا والاخره ويرزقك زوجه تقر بها عينك ولكن ابقى على ما انت عليه من اخلاص النيه |
|
ا (اسمح لي اخوي قزاز ارد على الأخ)
أعلم اخي اكره الاختلاط انك تقصدني!! وين ضعف اليقين بالله يااخوي؟ اذا وضعت احتمالات لمستقبلي اكون ضعفت يقني بالله اجل اجلس في بيتكم ولاتشتغل وشف كيف حالتك !! لابد تبذل الاسباب وتفكر بمستقبلك النظرة الاسلامية تؤيد جلوس المرأة بدون وظيفة؟؟ الم تعمل في الجهاد تعالج المرضى؟ عائشة رضي الله عنها الم تعمل جاهدة للنساء في توضيح امور دينهن؟؟ ونقلها لأحاديث الرسول عليه الصلاة والسلام الدين يسر .. لألأسف احنا بمجتمع يقيد بالعادات أكثر من الدين!! |
| الساعة الآن 07:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©