|
اقتباس:
ليه ليه ياشوبارد تتصوري الفشل مع العدد وعذاريب الدنيا كلها فيه وحكمك المسبق عليهم بالفشل بعطيك مثال ولد عمي عنده ثنتين وحده فالدور العلوي والثانية تحت وكل وحده لها مصروف شهريا 1000 ريال وكل وحده لها ليلتها واذا راحو السوق يعطي كل وحده 500 غير المصروف الشهري 1000 وماشين عسل ونا بسوي مثله انشاءالله ووش رايك في عزاب واعرفه شخصيا تزوج وصباح الدخله طلق زوجته البكر وقالها زيادة خذي مهرك لاترجعي منه شي هل هذا مقياس الدنيا حلوه بس نفهما وكم حاله خطاء مانعممها لان فيه الاف ناجحين ولو خليت لخربة |
الأخت The Swan
كان الله في عونك للاسف بعض المجتمعات تخضع للعادات وتتجاهل ماهو مشروع من سماحة الإسلام في أمور الزواج وتسهيله للمسلمين ، اسأل الله أن يوفقك ويعوضك بزوج يصونك ويكون خير زوج وفقك الله ولك تقديري الأخت ensaaan ماقلته للأخت The Swan اقوله لك الإسلام دين سماحة ودين محبة وتألف وللأسف كثير من المجتمعات تؤثر العادات على مايسمح به الشرع وتكون النتائج طلاق وظلم ليس للزوجة فقط حتى للزوج أحيانا 0 اسأل الله أن يعوضك بزوج صالح ويستر عليك وجميع الأخوات ولك تقديري الأخت شوبارد والله لاتعلمين اين سعادتك ولا اين الخير كل ماعليك هو ان تدعى الله بزوج يسعدك ويحن عليك ويسترك ، ومثلك لاتزال شابة صغيرة أمامها الفرص كثيرة للزواج بأعزب ، ولكن لاتعلنى رفضك القاطع للتعدد فهناك من حظها قليل في الأعزاب وحين تقرأ مثل هذا الرفض تتأثر وقد يفوتها فرصة رجل صالح وكله خير لمجرد انه معدد ، اسأل الله أن يسعدك بالزوج ( الأعزب الصالح ) ولك تقديري أخى صاحب رأي سديد من يتزوج وهدفه فقط جعل الزوجة الثانية هدف لإصلاح زوجته الأولى وبعد صلاحها يترك الثانيه إنسان معدوم الضمير ولا يخاف الله وحسابه عند رب العالمين وهذا لايعفى من قبلت به وهي لم تتأكد من دوافعه للزواج بثانية 0 لك تقديري الأخت لام الحنون معك حق في رفض التعدد مالم يكن هناك سبب ولكن دعينى أسألك اين تذهب المطلقة والأرملة إذا كان المطلق والأرمل والأعزب يستطيع الزواج ببكر ؟ اليست إنسانة لها الحق بزوج وبيت وأبناء ؟؟ أم نتركها للفتنة ؟ وفقك الله ولك تقديري الأخت عيون زوجها أسأل الله أن يديم عليك الستر والسعادة وبالنسبة للزوجة الأولى والله اننى اعرف قريبا تزوج بثانية فطلبت الأولى الطلاق وهاهى تتمنى الآن لو تكون الرابعة تقدم لها عدة راغبين بالتعدد ولم يكتب لها نصيب وهذا ماجنته على نفسها نسأل الله الهداية ، ولك تقديري أختى زرقة البحر كلامك جدا صحيح ولابد من التحري الشديد عن دين الرجل وخلقه بصرف النظر عن كونه أعزب أو معدد او غيره وفقك الله ولك تقديري أختى لولو إن فقدتى الثقة بنفسك فلاتفقديها بالله واسأليه الزوج الصالح الذي يسعدك ويكون سترا لك ودعى الأمر لرحمته تعالى فلا تعلمين أين الخير ولا السعادة وفقك الله وأسعدك بالزوج الصالح ولك تقديري الأخت الشمس الزرقا مثال ناجح لأمثلة كثيرة لمعددين سعيدين بتوفيق الله ، اشكرك ولك تقديري أخوكم الكبير |
اقتباس:
وانا لما أحب رجل واعطيه حياتي كلها ويصير شغلي الشاغل .. ليل نهار اتخيل اليوم الوردي يجي.. بمملكة تضمني انا ورجل لحالنا محد يشاركنا ببعض.. حياة مستقلة انا له وهو لي.. ماتخيل واحد انتظره طول عمري واخرتها مشاركتني فيه وحدة ثانية غير احساس الزوجة الاولى وانهيارها اللي مالومها فيه.. وصح مثال ولد عمك ماشالله ناجح.. بس ولو ماتخيل زوجي عندي جالس وبعد شوي رايح لوحدة ثانية بنهبل لوصار لي كذا لوه حبيب وروعة معي بتحسف فيه زيادة ويمكن انقهر بعد اكثر يمكن كلامي مايقنعك كرجل! ومالومك احساس الرجل يختلف تماما عن المرأة وبعدين اخوي حبيت اقولك كلمة وعذرا على تدخلي لخصوصياتك وأتمنى تتقبل كلامي بصدر رحب اللي فهمته من خلال قراءتي لبعض ردودك أنك متزوج.. ومفكر في الثانية صح؟<< اذا كان صح فيرحم والديك والله يوفقك فكر بزوجتك بللي ضحت بشبابها عشانك.. ماكل شارب نايم مرتاح من فضل الله ثم فضلها ومافي انسان كامل ابدا.. ولو طلع تقصير بإمكانك المصارحة مو على طول تفكر بالثانية ياربي بعض الرجال اذا طق عود قال بعرس!! ولاحظت في الفترة الاخيرة كاثرة مواضيع التعدد الله يستر لاتزوج واحد ومايمديني افرح الا يتزوج علي الدنيا صارت تخوف والله اخوي التعدد لابد من العدل << وهذا نادر في الرجال مع احترامي لهم لاتنسى الاطفال ومشاعرهم والزوجات ومراضاتهم ترى الحريم بعد مهم سهلين والله. شريت لها ماشريتي سويت لي ماسويت لها تراه وجع رااااااااس تخيل فاتح بيتين علمني وين تلقى الراحة معه. الله يخلي لك زوجتك بس! واسفة اذا تدخلت بس كلمة بقلبي وحبيت اقولها |
أخوي الكبير
حسيت اني ضايقتك بردي.. وانا متأكدة ان كل بنت هنا نفس شعوري لكن تنازلت بحكم الظروف وانا صح رافضة التعدد لكن ماهو قطعا!! فيه حالات الواحد ينجبر عليها الله لايجيب هالحالات يارب المنفصلة مثلا بأطفال- يمكن. لكن وحدة ماتزوجت ابد احس كأنها صعبة شوي الا اذا ضامنة الرجل مررررة وبزمنا الحين مالنا الا الظاهر.. |
أختى شوبارد
صدقينى لم اتضايق من ردك وأقدر مشاعرك وأحترمها وأعرف أنه لايوجد بالدنيا أمرأة ترغب أن يشاركها أحد بزوجها ، ولكن أحيانا تكون الظروف أقوى من الاختيار ، وباعتقادى أن نصف زوج أفضل من لاشئ والمثل الشعبي يقول ( نصف العمى ولا العمى كله ) لك تقديري واحترامى |
| الساعة الآن 01:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©