اخي كلما شعرت برغبة في ممارستها قل هذا الدعاء

( اللهم اصرف عني الفحشاء ماظهر منها وما بطن )

وستجد ان نفسك انصرفت عنها فعلا

أخي الكريم الأخوه قالوا حلوووول كثيرة وأنا عندي حل بسيط يمكن ينفع معاك وهو إنك قبل لا تعمل هذه العادة تذكر كيف سيكون شعورك بعد الأنتهاء منها وكيف ستشعر بالندم وتحقير الذات ,, وكيف إن الله عزوجل كان يشوفك وماهلنك إنك تتوب ,, قادر الله ياخذ روحك وأنت تعمل هشي .. صح لا تنسى الدعاء , الدعاء سر من أسرار الشفاء
وسلامتك

اخي العزيز
يبدو ان من الذيين عندهم زياده

فانصحك اولا ان تراجع طبيب نفسي

وان لم تستطع الزواج
فعليك بالصوم
شرب الكافور فهو يهبط الهمه

واتمنى لك الشفاء العاجل

عندي إقتراح يمكن غريب شوي ؟؟
روح لأقرب مقبرة من مقابر المسلمين وزورها ، أكيد لك حد من الأقارب ميت ، روح هناك واستحضر الموت وعذاب القبر والقيامة وشوف كم من المسلمين الأموات اللي يتمنون يرجعوا مش علشان الدنيا حلوة لأ علشان يصلوا ويتعبدوا ويدعوا أهم شيء لا تقطع أملك ورجاءك من الله ، الله يعافيك ويشفيك وجميع المسلمين

استعن بحسبي الله ونعم الوكيل ، الاستغفار و لا حول ولا قوة إلا بالله ولا تيأس من روح الله ، اختر صديق صالح يعينك ولا مانع من أن تبحث لك عن زوجه بالحلال بالرغم من ظروفك ، واستعن بالله وإن شاء الله ربي يعينك

اخي الكريم

الاخوه ماقصروا


ونصيحتي لك الدعاء الدعاء في جوف الليل


ولن يخيب من رجاه

مـــا زيد على كلام اخواني كفووو ووفووو :)

بس احب اسرد نقاط عسى الله يكتب لك فيهم الخير :


1. يقول بول حنا اشهر كاتب تحفيزي في استراليا في كتابه (ثق بنفسك وحقق ماتريد)
" المشــاكل لاتدوم ولكن الأقوياء يستمرون " .. يعني كلما ماكان عندك عزيمة داخلية
راح تتغلب على هالعاده السيئة .

-مثـال جيد يرفع ويشحذ العزيمة ... علق كرت مكتوب عليه (( أنــــا أقـــــــوى ..!! ))

علقه في غرفتك حتى تصحى الصبح وتمسي بالليل تشوفه وتشعل همتك ذاتياً.


2. شوف واحد من ربعك تعزه حيييل .. وخلكم مع بعض شمس وقمر :) يعني صوره وظل
لا تتفارقون ... وحاول ماتجلس في البيت خل وكتك كله خارج الغرفه ... مع الاهل والاصحاب
المساجد والدواوين ... يعني بكل صراحه لاتكون بروحك.

3. نزل مواضيع مضار العاده السرية الخبيثة من المنتدى ... نزلها على جهازك او في اوراق
وبمعدل كل 3 ايام بالضبط تروح تقرا المقاله ... عشان تترسخ في نفسك انها عاده سيئة
لايمكن ترجع لها .. مهما ضعفت نفسك وحدثتك بالرجوع لها .

4. عند النوم ولمن تكون بالفراش ... هنيه تصير ساحة الحرب الحقيقية بالخيال والتفكير :)
اول ما تدخل الفرااااش على طووووول خذ مسجل صغيره وشغل محاضره او خطبة لشيخ
تحبه .. حتى تبرمج نفسك مع الوكت انك ماتفكر بهالامور

5. دوم فكر بالعواقب .. يعني نفسك لمن تقولك الحين بسويها ..قول لحظه !! وورها

شنو الاحساس الي راحح يصير ...؟؟؟ دوم فكر بالاحساس المظلم اللي يتبع العملية

وصدقني بمجرد انك تتذكر انك راح تحس بتأنيب الضمير والانطواء و التعب .. راح يقوى

عندك دافع التحمل والمجاهده لها وراح تدفعها بكل سهوله ان شاء الله.


6. دوم اعمل مقارنة ايجابية بينك وبين الصغار ... !!! شلووون ... قول ليش الصغار
والشباب مايسوون هالعاده ؟؟ وانا المثقف والكبير اسويها !!! والله من اليوم ورايح

ماراح افكر فيها حتى اسويها !!! .

هذي على عجاله
وتذكر

( إن الله لا يُغيرُ ما بقوم حتى يُغيروا ما بأنفسهم )

( والذينَ جاهدوا فينا لنهدينهم سبلنا )