المشاركة الأصلية كتبت بواسطة شوبارد

عزيزتي حورية بكون صريحة معك ولاتزعلين مني تكفين.. بس حبيت انبهك

شبابنا90% عصبيين يعني هذا شر لابد منه وماهو سبب مقنع أبدا

ارفضيه عشان اخلاقه ارفضيه عشان شرط معين اخل فيه ارفضيه عشان شي قوي سواه

لكن مادامه حنون على قولتك ويعتذر معناته فيه ذرة خير

ترى فيه رجال يدوسون على كرامة الزوجة ويحقرها انت عارفة؟؟ يزعلها ولايهتم ومايبنون حركاتهم هذي لابفترة خطبة ولاملكة
بالعكس يصير كنه ملاك من اللطافة وبعد الزواج تطلع الأنياب اللل لايبلاني ولايبلاك مثل هالرجال

حبيبتي لازم تضحين ماهو عشانه! عشان نفسك عشان تعيشين

أنا معك بنقطة وحدة بس انه ماتوظف كيف ترضين تتزوجين واحد ماعنده دخل؟!!! ماتدخل الراس هذي أبداااا

كيف تضمنين حياتك معاه؟؟ حتى لو كان يدرس مافي أمل اوافق على واحد مثل هذا ماضمن حياته لنفسه عشان يضمنها لي صح؟!!!



شوفي انا صار لي موقف مشابه بالنسبة للموافقة والرفض لكن انا من البداية مارتحت له ابد ولا لطبايعه والكل يقول خلوق ودين لكنه عجول وماينوثق فيه أبد يعني ماهو رجال مضبوط وعجول جد ا في قراراته صاحب مشاكل

وشفته ومارتاحت لشكله ابد

لكني وافقت لأني شفته راغبني وكنت خايفة من عمري اللي يمشي وافقت وانا من جوا أصااااااااااااااااااااارع أتعذب

ماأبغااه ابدا وافقت في البداية بعدها قلنا انتظر اسبوعين للإستخارة

ومع ذلك قلت لأهلي موافقة بس امي كاشفتني وهي اللي رفضت يوم رفضوه اهلي حسيت براحة غير طبيعية والله

لكن احيانا تجيني حالة يأس واقول اه ياشوبارد ليتك وافقتي العوض ولا القطيعة ههههههه

ومادامك انهيني موضوعك لاتتضايقين ولاشي.. ثقي ان الأمر هذا مقدر ومكتوب وكل اللي صار مجرد أسباب
عشان ينتهي موضوعك

الله يعوضك ويرزقك يارب

موفقة ياحلوة

المشاركة الأصلية كتبت بواسطة مشمشة عمري

والله يا اختي احزنتيني كثيرا
انا لو حصل معي هذا الموفق سأحس كما تحسين لان حتى التفكير يحزنني
اخاف تكوني قد ظلمتيه؟ لأانك وافقتي في البداية واعطيتيه أمل...هل استخاريتي في البداية قبل ان توافقي عليه؟
هل كان بيكما عقد قران؟ اذا مجرد خطبة ربما تهون وينساك لكنه فعلا حزين
ولكن صار اللي صار والله يوفقك ويعوضك بخير منه ويعوضه أيضا
دعواتي لكما

المشاركة الأصلية كتبت بواسطة حـورية البحر

ا لكن الي ماقدرت اتقبله

ان يكون عقله صغير ,, يعني احس ان تفكيري اكبر منه هذا وبيني وبينه 8 سنين فرق ,, وتعرفين عزيزتي شوبارد

ان البنت تحب تحس ان عندها زوج اعقل منها ,,, مو العكس