|
اولاً ألف مبروك البيبي :15: ثانياً ياليت يكون البيت نظيف يعني ممكن تاخذ شغاله من بيت اهلك وتنظف لك البيت قبل بيوم :22: والحين.. :30: جيب لها ورد واكتب عليه كلمه حلوه.. وجهز لها العشاء (تكون جايب الأكل اللي تحبه زوجتك من مطعم).. :29: و خليك هادئ وحنون وقلها انك تحبها و مشتاق لها وانك حاس بالتعب اللي تعبته وقت الولاده.. (هالشي قوله لها مو تقول هي عارفه او هي حاسه لا خليها تسمعه منك.. وانا اشوف هالكلام أغلى هديه من زوج لزوجته وصدقني زوجتك ماراح تنساه ويغني عن الهديه) :17: عاد إذا الله ميسر عليك وحاب تجيب لها هديه.. خليها ذهب وانت ادرى ايش ناقصها إذا خاتم او حلق او........ وألف مبروك مره ثانيه والحمد لله على سلامة زوجتك:14: |
هنيالها الله يسعدها
|
اولا مبروك الطفل
شكرت الموهوب ورزقت بره000قل امين فيه فكرة غريبة شوي وهي انك تسوي لها فلم ببرنامج الفيديو الموجود بالويندوز وتكتب فيه كلام حلو واخر شي تكتب اهداء من زوجك المحب فلان والصور تتحرك والقلوب معها وممكن تسوي هالفكرة بطريقة شاشة التوقف بس بالفيديو احلى والله يوفقكم |
اختي بثـينة ان شاء الله يرجع لك رجلك بالسلامه وتستمتعون بكل وقت بالمناسبه اعجبتني"وطبعا بجهز له ولده وبكشخه وبدلعه عشان يستقبل باباته بصياحه ( ^__^ )" والف شكر على كلامك الحلو والله يعطيك العافيه ويوفقك اختي ريسيفر شكرا جزيلا على ردك الحلو وفعلا خليتيني افكر وش اسوي للبيبي بس اخاف اخته الكبيرة تعصب علي :d :d وبعدين اصير انا والبيبي برا البيت:d :d :d ومن الرياض اقولك الف شكر على كلامك الحلو والله يعطيك العافيه ويوفقك اختي مهد الله يبارك فيك وبصراحة فكرتك حلوة وبسيطة ومؤثرة الله يعطيك الف عافية اختي soo_soo الله يبارك فيك اما موضوع الشغاله بصراحة رائع لاني دايما اخذها من بيت اهلي"اقول لاتصيرين جارتنا وانا ماادري" شاكرلك جدا هالمشاركة الرائعة اختي ام قمر الله يسعدك ويهنيك وشكرا لمرورك اختي اميh الله يبارك فيك اما مسأله الكمبيوتر بصراحة زوجتي احسن مني في الكمبيوتر وبرنامج الفوتوشوب على وجه الخصوص علشان كذا ماراح اقدر اسوي شي من هالناحية، اي شي اسويه راح يكون اي كلام بالنسبه لي ... اتمنى انك فهمتيني شاكرلك جدا هالمشاركة الرائعة والله اني فعلا فعلا سعدت جداجدا بمروركم ومشاركاتكم الرائعة واللى اتمنى من البقيه ان يتحفوني بالمزيد منها. الله يوفق الجميع ويسعدهم في الدنيا والاخرة اخوكم هلال العالم |
وانا مع الإخوان ، اهم شي ترتيب وتنظيم البيت ممكن تجيب واحدة مؤقتة بالساعة وتسوي تنظيف دقيق للبيت عشان ما تتعب زوجتك في تنظيفه وهي معها طفل ، وبعدين فكر في الهدية والديكور والعشاء وهذي الأشياء خاضعة لأذواقكم انت واياها بس اشوف ان احسن شي طقم ذهب لها أو أي شي كان ودها فيه مررة ، وللطفل طقم حلو وكشخة لعمر 6 شهور لأنها اكيد بتحتاجه لما تزور احد
|
اختي منتسبة
الف شكر على مشاركتك وان شاء الله راح اخلي شغاله اهلي تنظف البيت على فكرة اعجبتني فكرة لبس للبيبي:d :d :d الله يعطيك العافية اخوك هلال العالم |
الحمد لله على سلامتها مسبقا
خذها وسافر اسبوع للخارج او اعمل كل الي حكالك عنه( الزعيم 55) |
اخوي الزعيم 55
اولا انا اسف ماانتبهت لمشاركتك ثانيا الف الف الف شكر على مشاركتك الحلوة واللى راح استفيد منها الشي الكثير اكرر كل الشكر اخوي على مشاركتك لي اختي وادي حنين2005 شكر على مشاركتك لي بس السفر صعب شويه العمل مومخليني شكرا لك اختي اخوكم هلال العالم |
مبرووك اخوي المولود ويتربى بعزك هذا اولا
ثانيا الفكرة انك تجمع كل الهدايا الي عطتك اياها وتكتب على ورق المناسبة الي اهدتك فيهال الهديه يعني مجرد تذكير وتحطها بغرفة النوم................ حتى تتذكروا ايامكم ومناسباتكم الحلوه :) |
اولا الحمدلله على سلامتها وسلامه المولود
ثانيا لازم يكون البيت نظيف ومبخر وخصوصا غرفة النوم اعزمها على العشاء في احدى الاماكن الحلوه وبعدين قدم لها هديه سلامتها من الولاده واغلبنا نحن النساء نحب الساعات والعطور فاختار اللي تحبه زوجتك اكثر والله يهنيك ان شاء الله (إن شاء الله )تكتب بهذه الطريقة |
| الساعة الآن 02:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©