اختى بنان

أشكرك واتمنى أن يكثر الله أمثالكم بين الأسر التى تساعد على الخير

وتشجع عليه ولا تعرقل بمزاجياتها التوافق بين القلوب وتعرقلها 0

اشكرك مرة اخرى ولك تقديري

بالنسبة لإخواني والله شفنا وحدة وأمي مارتاحت لبيتهم كثير..بس انا البنت حسيتها قريبة من المواصفات اللي طالبها

اخوي زنيت عليه مع انه رافض عشان أمي بس فرفرت راسه وقلت جرب وبعد الشوفة قرر.

والحمدالله الحين تملك.. لكن بداخلي خوف.. اخاف مايرتاح الله يستر ويصير كل شي على راسي

المهم بعد الملكة تقولي العروس صراحة يوم شفتك جاية مع امك قلت اكيد هاذولا بينحاشون خطبة فيها بنت ماتمشي!!

قلت بنفسي ماتدرين اني انا اللي مضبطة الأمور!! والله يعطيني على قد نيتي

وأنا بصراحة عكس لولو

انا عندي ادخل على حريم

ولاادخل على رجال الدخلة عليه قووووووووووووووووووووووووووووية مرة مرررة مرررررررررة

واذا انتهى الموضوع اتعذب اكثر اتمنى اروح اعمي عيونه من القهر مابي رجال يناظرني ويتذكرني ابد

الحريم عادي راحت ولاجت تظل حرمة حالي حالها. << مع اني اتضايق بعد

والله مرة انخطبت واخذت المهر وشافني مرتين اه يالقهر بس المهم تكنسل الموضوع

بعد شهرين بالصدفة توظفت عندنا موظفة جديدة بنفس اسم عائلته!!

اول مرة شفتها كنا بالطابور قلت لمعلمة جنبي شسمها هذي

قالت فلانة الفلان <<< نفس العائلة

والله كن احد صاب علي موية حارة خنقتني العبرة ماحب اشوفها ولابي اسمع طاريها بعد

وتحاول تتعرف علي وتتقرب لي ودايم تقول انا مرتاحة لك ياشوبارد ومرة نشبت لي تدور كرسي تبي تجلس جنبي وانا حتى عيوني

مابغى اناظرها وقامت تسولفع لي فجأة حسيت اني مخنوقة ابيها تقوووووم قالت شوبارد كن بعيونك دموع!!

عجزت ادخل معها بالسوالف كل ماشفتها اتذكر دخلتي بالمجلس عليه واتذكر كل شي صارلي.. مابقى عالملكة الا تقريبا اسبوع! واتذكر حال امي وانهيارها لما انتهى الموضوع

اتمنى يوم واحد اقوم من النوم القاني ناسية هالموقف مجنني مجنننننني والله.

والله جو حريم ولا جا الرجال كلها فيها حرقة قلب


الله يجزاك خير وآسفة طلعت طلعت عن الموضوع شوي

أختى شوبارد

أولا شكرا لك وجزاك الله خير اللي سعيتى للبنيه بالملكه والله يتمم لهم بخير

وابشري بإذن الله مثل مايسرتي لها الخير وتسببتى فيه ان ربي بحوله وقوته

بيسهل لك اللي تيسر أمر زواجك باذن الله فلا يضيع عند الله شي 0

ثانيا لاتخافين حتى لو لم يتوفقوا لاسمح الله فلن يطولك إلا كل خير وعلى

نيتك ربي بيسترك وان شاء الله يسعدون بحياتهم ويدعون لك بحول الله 0

ثالثا اللي شافك مرتين وانسحب فكك الله منه يابنت الحلال وكل مايطرى على

بالك تذكري أن الله فكك من هالحفره اللي بغيتى تروحين فيها 0

بالنسبه للمعلمة لا انا مانى معك حتى لو كانت اخته ماهو مجرد تشابه اسماء والا

تقرب له ، مالها ذنب وكل انسان يمثل نفسه ياما في البيت اثنين اخوان واحد ما

يواطنه احد من قشره والثاني كل يحبه من طيب اخلاقه وماضر حداهم الاخر 0

طولى بالك ووسعي صدرك الدنيا الوان من الأسف والتعب ولون من السعادة 0

الله يوفقك ويسعدك يارب واسف لطول الرد ولك تقديري

اخي الكبير رعاك الله

كلامك جميل و سليم لكن يظل صعب اننا نستغني عن النساء في الخطبة و الاختيار لان المرأة هي الأقدر على فصفصة المرأة و التأكد من مطابقتها للمواصفات المطلوبة ثم يأتي بعد ذلك دور الرجل في النظرة الشرعية. انا اختي هي من اختارت لي البنت و لم تختار لي وحدة بل ربما ستة أو سبعة و قالت لي هذيل تنطبق عليهم شروطك و انت كيفك اختار اللي يرتاح لها قلبك و هذا ما فعلته ثم ذهبت و رأيتها و ارتحت لها و تزوجتها.

أرى انه لا غنى عن المرأة (سواء أم او اخت او قريبة) في مرحلة البحث و الاختيار خصوصاً في مجتمعنا المحافظ و عدم وجود احتكاك مباشر بين الشباب و البنات لكن بعد ذلك اتفق معك تماماً يجب ان يكون الأمر بيد الرجال.

اخوك
Romancy

والله احسنت القول وصدقت
الامور تغيرت وانقلبت موازين الحياة

فعلا لو كل شاب بحث بنفسه عن الزوجة المناسبة له بعيدا عن مقايس الجمال التي وضعناها نحن النساء بايدينا
لتزوجن كل البنات

ارى صدق الرجل ورغبته في الستر التعفف وارى قلة شروطهم ( بعضهم لا)
لكن الامهات الله يهدهم يشترطن ويشترطن
ولا حول ولا قوة الا بالله

لو مكانك ماقلت كذا لان مهما كان فيه سلبيات على الاقل اليوم وبيد النساء فيه اخذ وعطا ونظره شرعيه على الاقل مو زي من زمان لما كان البنت والولد يتدبسون ويزوجون بعض عجبهم ولا ماعجبهم بعض الاحيان صح ولا لا؟ بعدين النساء بشر ولا تقولي ان الرجل ماعنده الصرامه والحسم بعض الاحيان بحيث انه يقدر يقصيهم ويسوي اللي في راسه !!!!!!


ليش التطرف في المواضيع ليييييييييييييييش؟؟؟؟؟؟؟؟؟؟؟؟

أخي Romancy

معك حق لابد احيانا من تدخل الطرف النسائي ومثل اختك ماشاء الله

عاقلة نقلت لك بأمانه وتركت لك الاختيار لكن بعض الأخوات تترك

لمزاجيتها القرار وتشور على اخيها من منطلق مزاجي وهذا ما اقصده

عموما الله يوفقك ويسعدك ويهنيك في زوجتك واسرتك ولك تقديري






أختى الأستاذة ريم المدينه

صدقتى والله ما احوج مجتمعنا للتوعية وتسهيل امور الزواج

نسأل الله التوفيق والف شكر لك ولك تقديري







أختى الحب والحبيب

اشكرك وجزاك الله خير ونسأل الله ان يهدى الجميع للخير ولك تقديري







أختى ترفـه

صدقينى اختى ماهو تطرف ولكنى والله اقصد بعض النساء التى لايعجبها

عجب وتريد زوجة لأبنها أو أخيها أشبه بملاك وكاملة وهذا مستحيل

وانا لم اتحدث عن زمان قبل وقت الشوفه الشرعيه لو تلاحظي قلت يتفق الأباء

ويأتى الشاب للرؤية الشرعية 0 اشكرك واتمنى ان تكونى فهمتى قصدى

ولك خالص تقديري

جزاك الله خير