|
ومن جلافته الزايده وخشوونت اسلوبه معي
ساعات مو دايم اذا بيبي مني (( العلاقه الحميمه )) مايجي بأسلوب حلو لا يجي يقول لي بالحرف الواحد : تبين والا ماتبين !!! كأنه يخيرني تبين تفاح والابرتقال ماعنده اسلووووووووووووووووووووووووووووووووووووووووووووووو ووووووب خشن مرررة جلف ساعات أتخيله عايش بخيمه ووسط الصحراء متوحش مرة تعبت معه عجزت أقنعه أنا بنت مو ولد غير معاملتك لي بصراحه أنا متربيه في بيت كلنا انا وخواتي بنات ست بنات وولد واحد وصغير يعني ناعمه الى اقصى درجه وماعمري والله ثم والله ماقد سمعت كلامته البجحه في بيت اهلي يعني انتو اكيد تعرفون البنات غالبا مؤدبين مايمزحون مزح وسخ وهو اخوانه اغلبهم اولاد يعني متعجرف مررررررة ماتعودت في بيت أهلي اسمع مثل هالحكي أبدا أبدا صحت وبكيت وزعلت وسفهت وصارخت وتناقشت بس كله راح هباء منثور يتأدب ساعه وحده ثم يرجع يتلفظ بكلامه القذر مرة ثانيه وانا بصراحه هاليومين ما صرت احترمه مثل قبل هو لاحظ يقولي انتي ما صرتي تحترميني أنا زوجك عيب عليك اذا قالي كذا أقوله (( انت ماتحترمني كيف تبيني أحترمك )) بس مازال على طريقته الجلفه الخشنه والبشعه بعد |
قولي له بيوم من الايام برد عليك بنفس الكلام اللي تقوله لي وشوفي وش يقول >ما تدرين الا وانتي مركونه
جربي يمكن يحس |
صحيح أنا أحبه وأموووووت فيه
_______________________________________________- مادام تحبيه وتموتين فيه معناه ان شئ من طباعه حببك فيه وهنا الكثير من الزوجات يشكون من برود ازواجهم بالبيت فاحمدي الله احس انه مالي عليك البيت الله يسعدكم وحاولي اذا صاااااااااااار رااااااااااااااااااااااايق توضحي له بعض النقاط اللي ماتعجبك وتبداي باني احبك واحب امزح معاك لكن ياحبيبي لو..................... وبالتوفيق |
السلام عليكم ورحمة الله وبركاته
من وجهة نظري أنا أحب الشخص المحترم وخاااااااااصة الرجل فهذه التصرفات تقلل من إحترامه بين أهله وأخواته وأصدقائه وزوجته وأنا لا ألومك إذا قلتي بأنك لا تحترمينه لأنه بصراحه غير جدير بالإحترام (واسفه على الصراحه) وبما أنه شعر بذلك فستمري على ذلك وإذا قال لك إنك تغيرتي قولي له بسبب تصرفاتك وكلامك فالمراءه تحب الشخص المحترم كيف أحترمك ؟؟؟؟؟؟؟؟؟؟ وأنت تتصرف تصرفات غير محترمه وتتلفظ بألفاظ مراهقين صدقييييين راح يراجع نفسه ويتغير ويحاول يتصرف تصرفات لبقه حتى يسترد إحترامه أما بنسبه لكلامه كيف أحترمك وأنت طفله قولي له أنت ليه تتزوجين إذا كنت ترى إني طفله معليييييش زوجك يبغاله تصرفات قويه علشان يتغييير أتمنى إني أفدك واتمنى لك التوفيق والسعاده وبارك الله فيك |
اختي المشرفه الرائعه فيافي نجد
انا احبه لأنه زوجي وحياتي كلها بس مو معناه أرضى له بالتلفظ علي بكلام وسخ يعني الواحد اذا حب أحد يتحمل منه كل شي عدا الكلام الوسخ والفاظ المراهقين يعاملني كاني رجل في البيت انا مليت كرهت نفسي شككني بأنوثتي صرت ساعات اتخيل نفسي رجال والاخت أنهار عذبه انا من جد ماعدت أحترمه لي يمكن حوالي الشهر وكل شي اقوله اذا تبيني أحترمك احترمني أووول بس مافيه أي نتيجه تذكر بالعكس تمادى زياده ومن كثر مايكرر كلام وسخ قدامي تأثرت فيه مرة كنت معصبه منه وزلت لسان طلعت مني وحده من كلاماته اللي دايم يكررها علي ويقولها لي قام زعل وقلب الدنيا وسفهني اسبوعين ما يكلمني صراحه انقهرت هو يزعل عشان كلمه طلعت زله لسان مني والسبب هو من كثر مايردد كلام قذر لي وهو على الطالعه والنازله يقولي كلام قذر ووسخ ويفشـــــــــــــــل الواحد يستحي يقوله وبالنهايه ياويلك اذا زعلتي واسكتي وكله مزح !!!! مهما كان الزوجه صح تحب زوجها وتموت فيه بس الواحد له طاقه فيها يقدر يستحمل والله تعبت سنه و5 شهور كلها قله ادب وكلام وسخ وسيء من قوة مزحاته الخارقه قالي مرة توني عروس مدري مزحت معه مزحه عاديه قام قالي (( ههههههههه ياحليلك ماتربيتي)) !!!!! في أي منطق كلمه ماتربيتي مزحه ؟؟ يعني الى أي درجه وقاحه وصل وانا استحمل والله تعبت منه ومن مزحه السخيف |
السلام عليكم ورحمة الله وبركاته
أختي ريم المفروض إنك تزعلين وتسفهينه إذا تلفظ عليك بهذي الألفاظ ولا ترضين إلى أن يعاهدك إنه ما يقولها ولو على سبيل المزح وكوني قويه في زعلك(وحده بوحده)مثل ماتسمحها لنفسك أنا ما أسمحها لنفسي أرجوا لك التوفيق وبارك الله فيك |
الحمد الله الذي عافنا مما أُبتلي به بعض خلقه
أختي الغالية انا بعطيك توجيهات وان شاء الله تفيدك بس اولا وأخرا ادعي الله ان يقووم لسان زوجك على الذكر الطيب أحسنت عندما فكرت في تغير زوجك وعدم الرضى بطبعه فأنت مازلت في اول الطريق ولو تأخرت أستعصب الأمر ( أبنك على ما ربيتيه وزوجك على ماطبعتيه ) زوجك يحتاج الى تغذية رومنسية من زوجة ذكية لكي تقلل من خشونه ...وانت هي فغيري أسلوبك كله معه 1\ كوني رومنسية معه...وستخدمي الالفاظ العلمية حتى في الأمور الخاصة وأذا قال لكي كلمة سيئة صححيها بسرعة دون ان تتذمرين وقولي له تقصد ..كذا مثلا ( انت طفلة ..قولي له قصدك أني شابة في العشرينات ) ومهما أستهزء باسلوبك لاتعيرينه أهتمام فشئ الذي لايتحمله الرجل من زوجته هو البرود والتطنيش 2 \ عطري اصابعك بعطر جميل ثم اذابدأ مزحه ضعي أصابعك على شفتيه بنعومه ورقة وقولي له ( أصه ..عيب ) وغمزي له بعينك ورمقية بنظرة فيها خجل 3 \ عندما يسبك قولي له ( انا بنت ناس وعندي اهل وما جبتني من الشارع وانت رجال وولد عيلة ومفروض ما يطلعك منك هذا التصرف ) مرة اخرى عانديه فاذا سبك بادلية الشتم بكلام غزلي او دعوة صالحة مثلا ( ..مشكلتي أحبك بس ماحب كلامك ..ودي اطلع لسانك وحطها في فمي عشان أعديه من كلامي الحلو .. الله يطيبك بطيب الجنة .. الله يستر عليك ... الله يزوجك من الحور بس الحور محرمة على صاحب الكلام البذيئ .الله ينور قلبك . ) 4 \ أمتدحيه دوما ( انت احسن رجال شافته عيني ... انت ماأظن في الكون مثلك ... صحيح انك رجال ولد رجال بس تنقصك النعومة والتهذيب .. انت رجال طيب بس.. ) 5 \ عضي على شفتيك عندما تسمعين منه الكلام السيء وضعي يدك على خدك في ستنكار وغادري المكان الذي هو فيه 6 \ قابلي دوما أسائته بالحسنة التي لايتوقعها منك 7 \ أذا خاطبك باسلوبه المعتاد ردي عليه وقولي لم أفهم ثم اذا كرر الأسلوب ايضا ردي عليه وقولي لم أفهم وفي النهاية أعيدي ما قال باكلمات فيها الأدب واللفاظ الحسنة ... من هنا يتعلم تغير أسلوبه اذا صححتي كلماته فهو لم يتعلم البديل وعليك ان تتعبي لتعليمه 8 \ رددي دوما ( أعوذ بالله من غضب الله ... لاحول ولاقوة الا بالله ) كلما صدرت منه كلمة سيئة 9 \ استنكري عليه دوما وقولي له ( ما هذا الأسلوب السوقي انت أرفع من هذا الأسلوب أنت متعلم ومثقف لماذا تنزل نفسك للاسفل ) 10 \ أختي الغالية أصبري وستمري فالتغير لن تلمسيه في يوم والا في شهر ولاسنة ولكن لاتبادليه نفس اسلوبه فهو في قرارت نفسه يحب رقيك وتهذيبك ولكن يجد صعوبة في التغير فساعديه وقفي معه بدلا ان تقفي ضده فكل رجل يضل طفل صغير ويحتاج من يعلمه 11 \ استخدمي أسلوب الهمس في الأذن بكلمات عذبة وفيها رومنسية مع لمسات أناملك على صدره وكتفه عندما تحدثينه ..وفاجئيه بالقبلات في فمه عند غضبه وقبل ان ينطق بكلماته المعتاده 12 \ أستخدمي أسلوب ..أحب ( أحبك رومنسي .. أحبك رقيق ... احب انك ما تمد يدك وانت تمزح ..احب اسمح منك كلام غزل .. احب تتفاهم معاي بالحوار ... احب ..احب ) 13 \ العبي معه العاب حسية فيها مداعبة دون ان تشعريه مثلا ( غمض عينك بذوقك شي تحبه ... أيش تتوقع في يدي ... حط يدينك في هذ الكرتون وتعرف على الي في داخله .. أنا بريط ايدينك وحاول تفتحها ) بهذا اللعب يتعلم التحكم في يديه 14 \ تعالي له في أحدى الأوقات وطلبي منه ان يقرا لك ايات من القرأن بترتيل والحي في طلبك فاذا بداء بالقراء اخبريه باعجابك بقرائته وان صوته جميلا جدا وقولي له ( عندك هالسان الحلو واهالصوت اللي مافي احلى منه وتشوهه بالالفاظ الشينة .حرام عليك تضيع ها الحلاة ) واخيرا اصبري ثم اصبري وقاومي وان شاء الله سيقر عينك بما يسعدك من زوجك أسفة على الأطالة اختك في الله غلا المودة |
الله يكون في عونك اختي ريم
والاخت غلا الموده كفت ووفت الله يعطيها العاافيه شيء رائع ان الزوج يكون مرح ومزاح بس الا اليد في المزح والكلام البذيء ان شاء الله يتغير زوجك ويستخدم روحه المرحه في اسعادك باذن الله ولكن الصبر الصبر |
الله يعينك علي زوجك
الظاهر انه معتبرك واحد من الشباب شلون يمزح معك بهالطريقه؟؟؟؟!!!!!!! وشلون يكلمك بهالاسلوب ؟؟؟ فهميه انك منتي طفله لان حتي الطفل ما يعاملونه بهالطريقه البايخه وقوليله انك امراه لها مشاعر واحاسيس والله يسهل امورك ويكون في عونك. تحيااااااتي,,,, |
اختي ريم 2006 الله يديم سعادتك انتي وحبيب قلبك زوجكي الغالي
بصراحة الاخت غلا المودة الله يجزاها خير كفت و وفت ونصايحها ان شاء الله هي العلاج الشافي باذن الله لكن لاتستعجلي النتايج وبعدين هنا يظهر الحب الحقيقي لزوجك يجب ان تساهمي في تحسين اخلاقه ومعاملاته وتصبري عليه ولاتنس حديث النبي صلى الله عليه وسلم لو امرت احد ان يسجد لاحد لامرت المراة ان تسجد لزوجها والمكافاة هي حديثه عليه السلام من ماتت وزوجها راض عنها دخلت الجنة الصبر يا اختاه والعمل بالنصيحة وكما سمعتي من الاخوات حالك احسن بكثير من حالهم وايضا لاافراط ولاتفريط في التعامل مع زوجك حين يكلمك بالفاظ بذيئة لاتتقبلي ذلك حتى يعتذر لكن باسلوب موتقلبي عاليها واطيها وتروحي لاهلك لالالا ايضا اذا كان زوجك من هواة القراءة خليه يقرا الكتب التي تهتم بمعاملة الرجل للمراة والعكس والحمد لله ان قلبه لكي وقلبكي له هذه نعمة كبيرة اما التفاهم وطرق التواصل جربي وصفة غلا المودة وخبرينا بالنتايج واصبري والسماح منك على التاخر بالرد بسبب الامتحانات ويعلم الله بتقديري لكي كاخت صغرى الله يوفقك مع حبيب القلب والمشاكل ملح الحياة والكامل الله |
| الساعة الآن 01:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©