|
اول مره اسمع هنا في المنتدى عن رجل يسأل عن قيمة خلعه....احس انك تبي مبلغ مقابل رجولتك...
واي صبر هذا اللي تتكلم عنه؟ انت ما جلست معاها الا فتره بسيطه جدا والمشاكل دايما في اول سنوات الزواج وهالمشاكل دايما تكون بسبب اختلاف بيئات الزوجين انت غير عنها وهي غير عنك انتم ما تربيتم سوا....لذلك حيكون فيه اختلاف في الطبايع الاخوان وهم اخوان يختلفون فكيف بناس مختلفين من الاساس يا اخي روق وهدي الطلاق ابدا ماهو حل واكيد مثل ماهي غلطانه انت غلطان هي ما بتتجرا عليك كذا الا فيه شي غلط وين امك المفروض امك تكلم امها وقدامها بشكل ودي يكون افضل ادفع السيئه بالحسنه حتى هي بتستحي من نفسها اذا هي غلطانه ولمعلوماتك انت اذا طلقت....لا سمح الله وتزوجت رح تطلع لك مشاكل مع الثانيه في اول سنه او سنتين وحتطلقها وتاخذ غيرها وحتتمشكل وهلم جر ما بتخلص ابدا وعلميا ثبت ان الرجل والمرأه لما يتطلقون لازم ما يرتبطون بزواج ولا حتى يفكرون بالزواج قبل مرور سنتين على الاقل حتى تهدأ النفس ويلتئم الجرح في النفس....ولضمان نجاح التجربه الثانيه بإذن الله.... مهما كان فكلمة مطلق او مطلقه دايما تحوم حولها الشكوك والتساؤلات شفت ان المسأله ما تسوى عليك اقرى هنا في المنتدى عن قصص كثير من الاعضاء قدروا انهم يغيرون من (النصف الاخر) وبنجاح باهر ولكن المسأله تحتاج للوقت والصبر ومجاهدة الشيطان والنفس الاماره بالسوء اتق الله في نفسك وفي زوجتك وفي الطفل المسكين القادم ولا يعرف مصيره....... وشيل فكرة انها تخلعك وتعطيك مقابل....والله عيب عليك هذا التفكير....حتى لو انك مظلوم معاها الناس بحركتك هذي ما بيرحمونك من السنتهم ...والكلام بيطال طفلك الجاي....وحتكون مثل وصمة عار عليك... اسأل الله ان يهديكم |
إن أبغض الحلال عند الله الطلاق 0 إبحث عن حل آخر بعيدا عن التفكير في الطلاق وستجد المناسب لك ولزوجتك إن شاء الله 0
|
احيانا الحمل و الوحم له دور كبير ب تخريب النفسيه .
لا مانع اذا صرتوا رايقين توضح لها انه فيه اسلوب ثاني لفض الخلاف لان الخلاف بيني و بينك و برضه الحل بيني و بينك |
يعني تفهمها انه مافيه داعي نكون سالفة مجالس الناس ترى اعز لك انه ما احد يدري عن خلافاتنا ، ولا يغرونك الناس كل البيوت مليانه
|
أنا أؤييد أختي ريم 2006
|
الله يفرج همك ويصلح بينك وبين زوجتك
|
الاخوان ماقصروا
انا عشت في بداية حياتي مشاكل كل يوم وكان هو اللي يروح يشتكي لامه ويشتكيني لاهلي امي لما شافت انه لساته طفل مايقدر يستغنى عن امه قالت لي خلاص خلينا نقول لهم كل واحد يروح في طريق قلت لها لا كنت توي والدة ابني الكبير , استحملت وصبرت والحين لي عشرة سنوات متزوجة صحيح فيه مشاكل لكن لابد منها نحن في الدنيا والدنيا فانية يا اخي اصبر واتحمل حتى تنول الجنة . |
اشكر كل من نصحني في هذا المنتدى الرااااائع واليكم بعض التوضيحات لبعض الاخوان والاخوات
الاخ maged960 المشكلة انني مستعد اصبر لكن كلام ابوها انه مستحيل ترجع وانها راكبه راسها وتعبانة من الحمل وانا مقدر لهذا الشي والله انني ادعي لها في كل سجود ان الله يقويها ويعينها .......... والمصيبة ان امها رافضة حتى ان تتكلم معي ماادري لماذا والله اعلم ان امها هي من تقسيها علي وانا ما ودي اظلم امها لكن حسب كلام ابوها لي.......... وفي رأيي ان الخلع والتنازل عن حضانة الطفل هي ما يخافون منه وما سوف يرجعها ويجبرها على الرجوع الاخت ريم2006 رحت وتنازلت ويعلم الله ان هذا من اجل ان احافظ على بيتي وزوجتي وطفلي لاني اعلم تماما ان الحياة لا تخلو من المشاكل وبالنسبة لغلطي وما اشتكي منه وهو ان نظرتها الى الحياة الزوجية من الاصل تختلف عن نظرتي وخيالية زيادة عن الزووم وحساسة جدا لدرجة انها تفسر الامور والكلام على ما تريد وغيورة الى درجة الجنون وغير واضحة ابدا معي وانا لا ابري نفسي تماما فانا مقصر نوعا ما في ديني وفي بعض الامور الاخرى البسيطه ليس في نظري ولكن في نظرها هي.......... الاخت ريم المدينه معاك انا خمس شهور بسيطة وبسيطة جدا لكن المشكلة انه لايوجد اي مشكلة او قد تكاد بسيطة وهي الان معانده وراكبه راسها ورافضه الرجوع لبيتها حتى ابوها ما قدر يجبرها (( امها قوية )) وامها تحبها لدرجة الجنون والله الصبر شي حلو لكنه قاسي بالذات اذا لم يوجد امل............. وفي النهاية هي الخسرانه اكثر مني الاخ الثعالبي حافظ جميع اشرطة الدكتور ميسرة وجاسم المطوع وخالد المنديل واحاول اطبقها لكن مافي فايدة مو لخلل فيهم ولكن لان الحاله مستعصية او قد يكون هناك خلل في التطبيق ممكن؟؟ الاخ كاره الرياضيات مافي احد من اهل الخير والشيوخ والقضاه والدكاتره الا وتدخل ولكن لافائدة (( البنت وامها راكبين روسهم )) ام تويتي تركتها شهرين بدون فائدة وكل ما جلست عند اهلها تقسى اكثر على زوجها بالذات انها عايشة عند اهلها ملكة |
اخوي اذا هي ما تقدر الحياه الزوجيه
فهي توها ما استوعبتها صح ويمكن امها من النوع الملقووف اللي يتدخل في كل شي بحياه بنتها الزوجيه وتحاول تقسي قلبها على زوجها وتعطيها نصايح خايسه ما تجيب الا وجع الراس انت حاول تحتوي زوجتك باين انها دلوعه محتاجه حب وعاطلفه ودلع واهتمام حتى تنسى اهلها وتبدى تتعلق فيك انت شوف انا اول ما تزوجت صح ماعمري زعلت واخذت شنطتي وطلعت بيت اهلي بس كنت متعلقه فيهم الى درجه الجنون وما كنت احب زوجي ذيك المحبه ولا احب اجلس معه مع انه طيب ولا هو راعي مشاكل بس انه بارد ما يهتم فيني غير لما كنت عند امي وابوي كانوا يهتموون فيني كثير ولما تزوجت حسيت بالفرق.. صرت أدور الحروب معه بس حتى انكد عليه ولما بعدين عقب 10 شهور من الزواج جلسنا جلسه مصارحه وتفاهمنا وعلمته اني ابيه يهتم فيني زي ما كنت في بيت اهلي ملكه ودلوعه وكل شي وخصوصا اي اول فرحتهم تفهم وضعي وتغير فعلا وانا اللي لاحظته صرت متعلقه فيه اكثر وااكثر واحسه هو اهلي وهو امي وابوي وكل شي بالدنيا حتى هو حس بالتغيير ولاحظ فرق عن قبل فأنت حاول انك تهتم فيها وتزيد اهتمامها ودلعها حسسها انها في بيت زوجها ملكه مو في بيت اهلها!! شوف بقولك نقطه اذا الزوج اهتم في زوجته وحبها من قلبه وعاملها كأنه اب حنون على بنته فهي بتنسى اهلها والدنيا كلها وتحط زوجها بعيونها وانت تقول انها غيورة جدا حاول انك ما تبصبص يمين وشمال وهي معك وحتى التفزيون لاتحاول تتفرج على مذيعات او فنانات وهي معك انت كذا بتقهرها زياده حاول تتحاشا اي شي فيه تلوع نار غيرتها وحاولي تبعد عن راسك فكرة الطلاق انساها والله يوفقكم ويعسدكم ويسمح امركم |
أرجو أن لاتتسرع في قرار الطلاق لان ابغض الحلال عند الله الطلاق ولكن نصيحتى لك انك انت وزوجتك تحاولن حل مشاكلكم بينكم بين ولا تسمح لاحد يدخل في الموضوع لان المشكله اذا تدخل فيها الاهل تتعقد وحاول تتغاض عن بعض اللاخطاء والغلطان يحاول يعتذر من الثانى مهما كان لازم الواحد يتنازل عن بعض الاشياء البسيطه لكى تستمر الحياه
ولايوجد بيت من دون مشاكل وهذى بهرات الحياه وحاول تتفاهم معها بهدوء وقلها تدخل علي الموقع هذا يمكن تلقى النصيحه اللى تحل مشكلتكم واتمن لكم السعاده الدائمه |
| الساعة الآن 07:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©