|
|
انا اقول اعرفي اول شي سبب الطلاق من زوجته وتاليتها فكري
لاان المطلق مو مشكلته مسكين ان كان مظلوم في زواجته ويبي زوجه اتعوضه ويرتاح معها وغريبه البنت مو مع امها؟ ليش امها ماتبيها؟ غريبه بصراحه لاتستعجلين حبيبتي اسئلي واسئلي واسئلي هذا زواج والله يكتبلك اللي فيه الخير |
^
^ البنت حاليا مع امها والام متزوجة.. لكن مصير البنت راجعة لبيت أبوها.. مشكورة اختي اخوي كاتم الاهات شاكرة اهتمامك الله يجزاك خير ويوفقك ويرزقك رزق ماتحريته اخوي فتحتني على مواضيع اقوى والله |
مااقول الا الله يكتب لك اللي فيه الخير ياشوبارد
ومثل ماقالوا الأخوان ماقصروا بالنسبه للبنت .. اذا انتي عارفه نفسك تقدرين تتحملينها وتهتمين فيها وافقي .. خصوصا امها متزوجه يعني مافي امل يرجعون لبعض ... ومصيرهايجي يوم وتكبر وتتزوج وانتي بيصير عندك عيال ويصير شي عادي .... ومسأله طلاقه صدق مهم تعرفين ايش السبب لكن بماان اهلك رافضين يسألون ( وتصدقين اناعندي احساس انهم عارفين او واثقين مره من الرجل ) ويضغطون عليك توافقين سلمي امرك لله وتوكلي عليه .... لانه مو معقول يضغطون عليك تتزوجين لمجرد انك تاخرتي بالزواج وبيزوجونك اي رجل .... تبين الصدق شوبارد .... لو كنت مكانك كان وافقت من غير ماافكر كثير رغم اني بكون مره خايفه .. اصلا شي طبيعي تقلقين ياشوبارد .... واحمدي ربك واشكريه ان اهلك متفهمين وراضين بالرجل المطلق ويقبلون فيه ... انا اذا سمعوا طاري رجل مطلق مايتفاهمون ابد .. كأني بنت 16 سنه مو 26 .... المكتوب بصير لك ياشوبااااارد عطي اهلك قبول مبدئ وقولي اسألوا عنه اول وعن اخلاقه وهم اكيد ماراح يقصرون .... انتي غاليه وعزيزه عليهم ماعندهم اغلا منك وانا احس بالشي هذا وانا مااعرفهم .....<<<ابي اقول لك وافقي بس متردده ماابي اي شي يأثر على رايك وعليك .....يكفي الضغط اللي عليك واللي اعرفه ومجربته وحاسه فيه .... لا تهتمين لكثره الأراء والأختلاف بوجهات النظر ... اللي انتي عارفه انه صح ومرتاحه له ( انتي فقط بغض النظر عن اي تأثير ) اقبلي به ونفذيه .... توكلي على الله وخلينا نفررررررررح بك...... ويارب يسعدك ويوجه لك كل خير .... |
اختي شوبارد
الله يطمن قلبك ويهدي سرك ويرزقك التوفيق في حياتك انا معك في التوتر والقلق يحصل في الامور هذي فلا تستغربي او لاتستعجلي خلي الامور تاخذ مجراها الطبيعي ,, وذلك بعد ما استخرتي السؤال عن سبب الطلاق مهم بنسبه لك ××علشان تشوفي راسك من رجلينك ×× يعني اين تضعي قدمك بنسبه للبنت ،، الان مع مين تسكن ،، ؟؟وهو ما هو تفكيره بهذا الموضع ؟؟ سيتضح لك ذلك بعدين انت الان ريحي امك واخوانك وقولي لهم انا خايفه من الموضوع برمته وعليكم ان تطمنوني ,, بافعال مثل السؤال عن الطلاق .؟. بنته مع مين تسكن ,؟, كيف هو مع زملائه ,؟, وعائلته ..وعائلة طليقته ؟؟ بنسبه لتدخين اذا كان رجل جاد وواعي فسوف يسهل تركه بعد الزواج والاستقرار....... دمتي اختك / لي مشاعر |
اختي الكريمة 00000000
لا تعطي موافقة حتى تجدي كل الاجوبة على أسئلتك << قوليها لأهلك صريحة >> لن أتزوج حتى اعرف كل شيء عن الرجل مسألة البنت لن تكون معضلة في الزواج وخاصة أنها حالياً مع والدتها يعني ماراح تنغص عليك سنوات الزواج الأولى ولن تحضر الا بعد أن تكوني قد أنجبت ان شاء الله << ولن يكون للناس مجال للقيل والقال اهم نقطة في الموضوع ( اسألي عن الرجل جيداً ) وخاصة أخلاقه 000 حتى لاتعودي مرة أخرى من حيث أتيت وبصفة جديدة ( مطلقة ) لا تنسي أن الرجل مطلق 0000 الموضوع استخارة واستشارة 0000 أنت ماقصرتي في الاستخارة 000 ولكن قصرتي في الاستشارة تمنياتي لك بالتوفيق |
ما ادري اختي
انا رأيي من رأي اخي الكبير وكاتم الاهات وكاره الرياضيات انا مطلقه واقولك بصراحه المطلق يخوووووووووف!!!! والله يكتب لك اللي فيه الخير |
شوبارد : ماعندي أي اضافة على ما قالوا الأخوان والأخوات .. الله يوفقك يا غاليه .. ونتمنى نسمع عنك أخبار حلللوه :14: يارب . . . . . . . محبتك وأختك الكبرى / بنان |
اختي شوبارد لاتتنازلين عن معرفة سبب طلاقه حق من حقوقك هذي عشرة عمر مو يوم او يومين بكذا راح تقدرين تحددين مدى اقبالك على هالخطوة اولا وانا صار لي تقريبا مثلك تقدم لي مطلق ومعاه طفل وله منصب عالي ويدخن بعد لكن عمره جدا مناسب لي ترددت كثير من ناحية ان الطفل بيكون معاي من بداية حياتي وطبعا هذا شرطه هو لأن طليقته مستغنيه عن حضانة طفلها رغم انه صغير ومحتاج لها يدخن وانامثلك اكره ريحة الدخان ويكتمني حيل بس قلت يالله اتنازل عن هالشئ وبأذن الله راح احاول معاه بالحسنى انه يتركه واحترت كثير واستخرت كم مرة بس لماعرفت سبب الطلاق تمنيت له السعاده وانهيت الموضوع والحمدلله على كل حال وهذا فعلا مامريت فيه من واقع تجربتي عشان كذا ارجوك لازم تتأكدين وبصراحه المفروض انه يبين سبب طلاقه حتى لو ماسألوه اهلك يارب ياكريم في هاليوم الفضيل يرزقني واياك وجميع من في المنتدى واخواتي المسلمات في مشارق الارض ومغاربها بالازواج الصالحين آآآمين |
الغالية شوبارد
المسالة كثير هينة سبب الطلاق سبب الطلاق سبب الطلاق لازم تعرفيه ولو مايبغى يقول انت الوحيدة الي لازم تعرف وبعدين كيف اهلك اذا والله من النوع الي ممكن يرضون ان تفسخين بعد الملكة عادي ملكي وتفاهمي معه اقصد كلميه اما اذا كانوا لا فاحسمي الموضوع من الاول والله يوفقك ا |
| الساعة الآن 08:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©