أسأل الله العظيم رب العرش العظيم أن يذهب همكِ وغمكِ ويفرج عنكِ بالقريب العاجل

اختي .............استخيري ربك في موضوع الطلاق....................
ثم اطلبي الطلاق من زوجك؟؟؟؟ :(

: اهلك كل واحد بيروح في طريقه وانتي كما انتي ؟؟
عيشي حياتك كوني حازمه ولاتفكري في ردة فعل الناس ولن ينفعك احد
اما اصبري على زوجك ولاتكثري الشكوى للناس او اطلبي الطلاق حالا.....................والله معك

الله يجزيكم الف خير كلن باسمه ويجعله ان شاء الله في ميزان حسناتكم وربي فرحت يوم دخلت وشفت ردودكم اللي هونت علي الكثير وربي انكم نعم الاخوان والاخوات وقريت الردود يمكن فوق العشر مرات وربي يجعلكم لي ذخر ان شاء الله وصدق من قال رب اخ لك لم تلده امك ادعي الله انه يريح بالكم وينولكم اللي ببالكم .احب اقول لاختي جارة القمر اني مقدر ادخل اي حد من العايله لاني اخاف من ردة فعل ابوي واخواني واخوي اتكاءة حرف ابيك تعرف ان موضوع الطلاق بالنسبه لاهلي مو جديد وربي اني مكلمتهم فيه حتى من قبل لاتجيني عيال منه لكن رفضوا الفكرة لنفس الاسباب اللي ذكرتها وكل ماتضيق بي الدنيا وتزيد مشاكلي معه كنت اكلمهم بموضوع الطلاق وكنت اترجى ابوي واحب رجوله ويده انه يخلصني منه لكن مافي فايده كان يهديني ويرجعني له وعشان كذا قلت اصبر واحتسب عند ربي دام اهلي مايبون يوقفون جنب بنتهم خوفا على مصالحهم .فوفولوك انالو عندي اخوان يهتمون باموري وبحالتي كان ماشفتني وصلت حالتي من سئ للاسوء وكان ماتمادى اللي اسمه زوجي بتصرفاته ذي معي ومع عياله اخواني الله يهديهم مشغولين عني بحياتهم ومايهمهم الا مصالحهم والاسهم ومراكزهم بس اذا صادفتهم اي مشكله تحصلهم يرفعون السماعه ويكلموني يشتكون لي وانا طبعا اشيل همهم بقلبي واساعدهم بكل الي اقدر عليه اداوي جروحهم مع اني مو محصله من يداويني اما فكرة الطرد صدقيني صعبه مقدر اطرد ابو عيالي على الاقل عشان عيالي ماابي يقولون امي طردت ابونا وبعدين يشيلون بقلبهم علي مهما كان ذااسمه ابوهم صعب وربي اطرده وحتى لو صار وطردته مابيطلع لانه ماعنده كرامه ورجوله اذكر مره امه جتنا البيت وطردته من البيت وصار بينهم خلاف كبير وهو قام يشتم امه ويسبها لولا اني تدخلت بينهم .الحنين تسلمين على النصيحه اختي بس صدقيني انا مااشتكيت للناس الا من ضيقي وقلة حيلتي وقبل لااشتكي لهم انا شكيت همي لرب العالمين وبعدين مثلماانتي عارفه انااعتبر اعضاء المنتدى هم اهلي وربي انهم اخواني واخواتي وربي شاهد على كلامي لاني شفت منهم الاهتمام بمشكلتي واحس انهم شايلين همي معي ويحاولون يساعدوني بكل الي يقدرون عليه وذا الشي ماحصلته من اهلي نفسهم وبعدين اذا مافضفت لكم والله العظيم ثم والله العظيم يمكن يصير فيني شي من القهر والظيم ويمكن يجيني انهيار عصبي ومااتمنى اللي فيني يصير حتى لعدوي واسمحوا لي على الاطاله والله يخليكم لي يارب ويخليكم لعين ترجيكم يارب

أختي الكريمة ...

أختاه أعتقد أنه ليس لديك الا أحدى حليين .
1 / الصبر رجاء الفرج ورجاء المثوبة .. (( اصبر وما صبرك إلا بالله )) (( إن الله مع الصابرين ))

وقال عز وجل (( إن تكونوا تألمون فإنهم يألمون كما تألمون وترجون من الله مالا يرجون وكان الله عليما حكيما ))
فصحيح أن الإسلام لم يرضى لنا أن نقبل بالظلم والأذى ..ولكن ممكن أن نتجاوز عن بعض الظلم من أجل مكاسب أخروية ..

وعليك بالدعاء وتلاوة القرآن والصلاة في جوف الليل .وادعي لزوجك بالهداية وتذكري قول الله عز وجل (( إنك لا تهدي من أحببت ولكن الله يهدي من يشاء وهو أعلم بالمهتدين ))..

2 / الأمر الثاني ... ولم أذكره لك في المرة السابقة ولا أجروء على أن أقوله لأحد أبدا كحل للمشكلة ولكن طالما أنك فكرت فيه ..
فأقول لك (( أن الذي يده في الماء ليس مثل الذي يديه في النار )) فإذا أحسست أنه لا مفر لك ولا حل سوى الإنفصال فأقول لك لما لا تنفصلي عنه وتعيشي مع أطفالك في منزل منفصل وليس في بيت والديك ..خصوصا وأنك أنت من تصرفين على المنزل أي أنه لن يتغير عليك أي شئ ..

وأسأل الله أن يوفقك إلى ما فيه الخير والصلاح ..

أختك أم البنين

اختي حبيبتي منبع الاحزان
أسأل الله العطيم رب العرش العظيم أن يساعدك ويصبرك على ماابتلاك
اتمنى انك تشيلي فكرة الطلاق من بالك اخيتي
اخيتي صحيح تعيشين بالم وهموم ولكن اختي ما دام ان صارلك سنين منفصلين زيديهم بعد سنين الى ان يكبروا عياك وتلتهين بزواجهم وهمومهم وتنسين همومك
اخيتي صبرتي والله يأجرك على صبرك زيدك أجر ان كملتي صبرك بعد
اختي ما دام قادرة تطلعين وتدخلين على كيفك فالاحسن انك تشيلين فكرة الطلاق وزيدي اهتمامك بعيالك اكثر وان شاء الله تلتهين فيهم
اختي انا ما الومك صح المرأة تحتاج الى حنان رجل وانت حاسة انك فاقدة هالشيئ وتبغين ترتاحين منه لكن صدقيني اختي ما فيه راحة ببيت الاهل حتى لو انت معززة مكرمة اختي انا مطلقة وبيت اهلي معززة ومكرمة ولكن يعلم الله اختي احس بيتي اريح لي على الرغم من الالم اللي شفته من زوجي
اختي ارجوك لا تطلبي الطلاق واللي عطاك صبر سنين قادر يخليك تزيدين صبر وانت اثبتي لنفسك انك راح تتغيري لنفسك وعيالك وبرمجي نفسك على كذا


اختـــــــــــــــــــــــــــ بنت ديرتي ــــــــــــــــــــــــــك

اختي ام البنين والمزيونه وهمسة ولاء وبنت ديرتي الله يجزاكم الف خير على اهتمامكم بالرد على مشكلتي والله يجعله ان شاء الله في ميزان حسناتكم واحب اقول لاختي بنت ديرتي اني فعلا خايفه من ذا الشي اللي هو اني يمكن مابرتاح في بيت هلي وخاصه عيالي واحس انهم مابياخذون راحتهم فيه مثل راحتهم في بيتهم ولو ان هلي مابيقصرون معنا في شي على الاقل من الناحيه الماديه ومثل ماقالت اختي المزيونه هلي بيتحملوني انا والا عيالي ويمكن ذا الشي اللي خلاني اتردد في الطلاق وبعد ماقريت كل الردود وخاصه رد اختي بنت ديرتي يوم قالت انها مومرتاحه ببيت اهلها قررت اني اصبر واحتسب الاجر عند الله وبدفن روحي وشبابي عشان عيالي لاني ماابي اشوف اي نظره موحلوه لعيالي وحتى لو كانت من هلي نفسهم بس تكفون طلبتكم طلبه انكم تدعون لي ان الله يصبرني ويقويني ويعطيني الصبراكثر واكثر عشان عيالي مو عشاني انا والله يخليكم ويحفظكم من كل شر

اختي منبع الاحزان
ان شاء الله ينقلب اسمك الى منبع السعادة والراحة
اختي جزاك الله على القرار الصح وان شاء الله يأجرك عن نفسك وعن عيالك
اختي تقول الحكمة عاشر من تعاشر فلا بد من الفراق فتحملي ولا تحطي ببالك مش بس الطلاق وحتى الانفصال بعد
اختي وعليك بالدعاء وان يرجع لك زوجك احسن من حاله الحين ويبعد عنه البلوى اللي هو فيها

اللهم فرج هم اختي منبع الاحزان والهمها الصبر والسلوان
اللهم فرج هم اختي منبع الاحزان والهمها الصبر والسلوان
اللهم فرج هم اختي منبع الاحزان والهمها الصبر والسلوان


اختــــــــــــــــــــــــ بنت ديرتي ــــــــــــــــــــك

يارب يعطيج الصبر وقوة الإحتمال على هذا الرجل

أتوقع رد المزيونة وبنت ديرتي وضح لج بعض الثغرات إللي كنتي غافلة عنها

مع إن الجميع ماقصر بالردود

ودعواتي من كل قلبي أن يفرج همج وتتيسر أمورج مع هذا الرجل

حتى لو لم تكن هناك فائدة ترجى منه .. وصدقيني الالتزام والمداومة على الدعاء تغير كل شي وعسى أن يتغير هذا الرجل إلى الأحسن

اللهم ملكني قلب من أحوجتني إليه واسلل سخيمة قلبه وسخره لي<<هذا الدعاء ردديه لزوجك

وطمنينا عليج وعلى عيالج .. الله يعينج يارب