اتمنى اختي تشلينه من بالك هو صعب بس استمرارك على هذا الوضع اصعب

هلا عزيزتي أسيرة قطر وبسم الله عليك من الضياع ياأختي.. وأتمنى تتحملين كلامي حتى لو قسيت شوي

احنا بنات ونعرف تفكير بعض.. لو نسمع كلمة حلوة طارت عقولنا صح ولالا؟

غير كذا علاقة النت او التليفون ماتكشف عن واقع وحقيقة الإنسان أبدا نادر جدا القول ماينطبق عالى الفعل

شاب لقى بنت واستطاع ان يأثر عليها بوقت كان فاضي وتعلق فيها مجرد ان يملأ فراغه العاطفي

ولما فكر مع عقله قال كيف اخذها وهي مجرد بنت داخلة شات اتزوج عن طريق مكان بدايته غلط

مابني على باطل فهو باطل .. هو كذاب لاأصدقاه أثرو عليه ولايحزنون

القرار قراره وخاف انك تتعلقين فيه صار يخلق المشاكل الين افترقتو

وجيتي بعد فترة ورجعتي له ماضيه.. وأي شي ممنوع مرغوب رجع لك بسهولة لكن هل رغبة فيك لالالالا

مجرد انسانة كانت في الماضي ورجعت له نزوة يعني

ومن راح يكون الضحية انت يااسيرة..

لاتقولين احبه ومادري ايش.. والله لو تكلمين الحين احد بالشات ويسولف عليك ويسوي فيها مبادئ ومثالية وانه اعقل الناس وانه طاح عليك بالصدفة ووووووو وبعد شهر تلقينك متعلقة فيه صح ولالا؟؟

ترى البنات ضعيفات بكم كلمة ينجذبون.. انا ياأسيرة مرة سويت نشاط قوي بالدوام والكل شكرني وقالت لي المديرة صاحب المدارس يبغى يشكرك

حسيت بخوف بحياتي ماكلمت رجال وسولفت معاه.. رفضت وأجبروني لما كلمته ماتكلمت ولااخذت ولااعطيت معاه بالكلام

لكنه قال لي كلام بغيت انجن صراحة تصدقين ماقدرت انام في البيت من كلامه وكل شوي اتعوذ من الشيطان

اسمع كثير يمدحوني بس مدح هذا الرجل غير!! أسأ ل نفسي هل لأنه رجل؟ أو لأنه له منصبه وله رأيه؟
أو ايش؟ كلمته تتردد في اذني دايم

تأكدت هذيك اللحظة اني لازم اقوي نفسي وانتبه واكون حريصة على نفسي كثير وماأنجر لأي شي..

خليك قوية وتماسكي تخيلي لاسمح الله بكرة أخذتيه مع اني جدا مستبعدة هذا الامر تتوقعين هل يثق فيك كزوجة؟
هل يثق فيك انك راح تحافظين على بيته؟

عيالك بكرة اذا قالو يماه شلون زوجتي ابوي تقولين والله من أفسد المواقع؟ تقولين كنت فاضية وقعدت اكلم شباب الين طحت في ابوكم؟

اختي خلي حياتك صفحة بيضاء خليك بنوتة طاهرة والللي ياخذك كأنه ماخذ كنز تكونين واثقة من نفسك ومرتاح ضميرك صح ولالا؟

والله لو كان شايفك مثلا اوكي معك حق؟ لو معك بداومك برضو عادي لكن شات قوية جدااا

والحين متزوج وعنده طفل خلاص له حياته اتركيه واستغفري وابدي من جديد عسى ربي يعوضك واحذفيه من الماسنجر

ونصييييييييييييحة من اخت لك لاتضيفين أي رجل للماسنجر

وموفقة اختي..

علاقتك مع هذا الشخص غلط في غلط والصراحه كل الاخوات والاخوان الي ردوا عليك كفوا ووفوا
الله يهديك ويصلحك اكثري من الصلاه والاستغفار وقراة القران وان شاء الله راح ترتاحين والله يوفقك ويرزقك بالزوج الصالح

لو انه يحبك زي ماتبينه كان ماتزوج !! بعدين هذا شكله يتسلى ماهو صادق واصلا من الاساس اي شي يبدأ بغلط ينتهى نهاية غلط حاولي ماتفكرين كثير فيه اشغلي نفسك وراح تنسينه

توبي الى الله..ولاتهدمين بيوت الناس فيسلط الله عليك من يهدم بيتك..وان شاء الله يرزقك الزوج الصالح اللي ينسيك ماجرالك...

اختي الكريمه
عشتي في وهم حبه و احترامه لكي و افترقتم 9 شهور ثم عدتي لتجدي له طفله كيف حدث ذلك في 9 شهور فقط خطب و تزوج في يوم و حملت نفس اليوم وولدت بعد 7 شهور ام ماذا?????????????? الم تسالي نفسك كيف??????????? انا اقول لكي هو كان متزوج او علي الاقل خاطب و يتحدث معك بالكذب و اقول لكي الان اسالي نفسك ماذا تريدي من رجل متزوج??????? هدم بيته و تشريد اسرته ام تريدي يا بنت العشرين ان تكوني الزوجه الثانيه في الظل??? لانه حتي لا يجرؤ علي الحديث معك الا و زوجته عند اهلها?? افيقي اختي و اتقي الله و ابعدي بما بقي لكي من كرامه بعد شكه فيكي و هجره لكي
د.نبيل

يا اختي خلك عاقله واتركي عنك هالخائن لو يحبك مثل ما تزعمين ليش ما تزوجك وتزوج غيرك


ثانيا هل ترضين بالمستقبل ان يخونك زوجك مع امراه اخرى اكيد راح تكون اجابتك لا "انت الحين تفعلين هالشيىء ومثلما تدين تدان "

غيري رقم تلفونك وحطي همك بدراستك واتركي عنك الشات وربي يعوضك خير واحسن منه ان شاء الله

انا مع الاخوة اااااااابعدي عنه ولاتحاولين تفكرين فيه اصلا هو مايستاهل وبعدين تذكري ان هالشئ حرااام

وانتي مو ناقصك شئ حتى تتنزلين له

مرحبا أسيرة قطر ..


نصيحة أخت محبة اتركيه لأنه يستحييييييييييييييييل يتزوجك مهما كان يحبك


الرجل لا يتزوج وحدة عرفها بالنت ... هو كان يتسلى عليك وأنتِ صدقتيه وحبيته


ألحين حاولي تتغلبين على عواطفك وشوفي نفسك ومستقبلك ما شاء الله 20 سنة عز الشباب وأكيد يتقدمون لك عرسان



ولا تحاولين تهدمين أسرة وتحملين ذنب زوجته وولده