يا اخوان من حقه يعرف كم الراتب لاكن يستطيع من طرق اخرى


مثل المسمى الوظيفي


اليس المهم هو ان تعيش بنته مستوره


لماذا يسئل اذن

واحد الاخوه قال هالموضوع منقول وانا اقوله هالموقف حصل لي شخصيا من اسبوع واحد فقط


مع العلم ان حالاتهم الماديه جيده بس مدري ليش هالسؤال

لاكن اللي ابعرفه بالضبط هل تصرفي سليم معهم هذا اللي ابعرفه واريح ضميري

سؤال مالو داعي

انا اعتقد ان السوأل عادي يعني ماينهي موضوع الخطبة



لان بعض الناس مايحب يسأل احد يسأل العريس مباشرة وتكون




المسألة عفوية اهم شي شوف انت وش يبي منك يمكن مسكين





مالقى شي يسائلك فيه قال كم الراتب لا تستعجل.






بعدين وش عرف ابوها المسمى الوظيفي ؟؟؟؟؟؟؟؟؟؟؟

طيب انت ليش زعلان ؟؟؟؟؟؟؟؟؟؟؟يعني راتبك من اسرار الكونجرس قله يا اخي وفك روحك من التعقيد اللي ماله داعي وجاوب اسئلته بكل ثقة

مع الاب حق في ذلك وما المشكله في هذا من حقه يتطمن على بنته

لا ارى مشكلة في ان يرغب الوالد ان يطمئن على حياة ابنته المستقبلية ، صحيح ان السؤال سيبدو سخيفا في حالة لو ان الوالد لم يركز الا على موضوع الراتب، ولكن من الطبيعي والعادي ان تكون الحالة المادية للخاطب من ضمن عدة امور يتم نقاشها وهي الدين والاخلاق ، وتفاديا لذلك السؤال الذي قد يبدو محرجا لبعض الرجال ، عليه هو ان يبادر بتوضيح كل الامور المتعلقة وكل ظروفه الاجتماعية والمادية وغيرها ، لكي تكون الصورة واضحة تماما لدى البنت وأهلها . وحبذا لو كان ذلك قبل التقدم لها رسميا اي قبل الزيارة وعبر وسيلة واسطة مثلا ، فإن وافقوا على الظروف مبدئيا ، تتم الزيارة ، وبهذا يتجنب الطرفان الاحراج .

حدث مرة ان خطبني شخص عن طريق احد المعارف وكان الواسطة رجل كبير في السن يعرفه ويعرف والدي ، واوضح ذلك الشخص الواسطة ان الخاطب سيتقدم اذا تمت الموافقة عليه وشرح كل ظروفه بالتفصيل دون ان يسأله احد ، وكان من بين ذلك الشرح ، وظيفته وراتبه واين يسكن وكيف ستكون عليه الامور التي يخطط لها في حالة تمت الموافقة .

بصراحة احترمت وضوحه وكل التفاصيل التي ذكرها وتمنيت له التوفيق حيث انني وقتها كنت في حالة نفسية لا تسمح لي بالارتباط والزواج.

لم يتم الامر وجنب نفسه وجنبنا الاحراج . ولكن طريقته اعجبتني من حيث صراحته ووضوحه وعدم ترك اي شيء غامض.

مدري أشوف سؤاله عادي .. بس إنت حساس شوي .. لو البنت صاحبة دين وخلق لا تفرط فيها
عشان سؤال أبوها _ الله يهديه _

الله يوفقك

من حق الأب ان يعرف راتبك وانا استغربت من اللي يقول مومهم الا مهم ونص

لكن طريقة الأب كانت خاطئة شوي المفروض يوم سأل عنك سأل عن الراتب لكن يمكن كبير في السن ومايعرف السنع

وقال اقولها بوجهه وبس.. أقرب مثال عشان تقتنع اخوي..

انا ابوي كبير في السن وصراحة أتمنى ان اخوي الكبير هو اللي يتفاهم مع الخطاب ابوي الله يهديه يزل شوي لسانه

مثل قريبة لي تزوجت واحد ملتزم وبعد اسبوعين من زواجها مسكو زوجها لأن صديقه كان من اللي يسافرون افغانستان ومسكوهم كلهم

والحين لها سنتين عند اهلها!! المهم تقدم لي واحد ملتزم ابوي سأله قد رحت لباكستان وافغانستان قال لا

تدري شصار؟ اعتذر الخاطب وراح زعل من كلمة ابوي أكيد! قلت بنفسي خيرة ان شاءالله شكل طبعه شين ذا اللي ماتحمل كلمة من اب خايف على بنته

يعني اخوي قزم لاتلوم والدها اذا البنت مناسبة جدا توكل على الله ولاتترك أشياء تافهة وبسيطة تأثر عليك

اجل اذا تزوجت بعدين وصارت مواقف اكبر من هذي وش بتسوي هونها وتهون أخوي


بصراحة السؤال عن الراتب مهم صح بس انا استغربت يوم قال عندك مصدر دخل ثاني امممممم كلمته الثانية بصراحة مهي زينة بس عادي مشها

لكن معقولة انهيت الموضوع تماما؟ معقول من كلمة زي هذي!

الله يكتب لك الخير اخوي


وحاسة ان فيه أحد بيعترض على كلامي لأني قلت الراتب مهم هذا رأيي ومقتنعة فيه

انا ماقلت لازم غني لكن لابد من وجود مصدر دخل ميسور يناسب حياتهم

اخوي

انا ما اشوف في السؤال شئ !!!

حتى استغربت من بعض الردود

من حق الاب انه يعرف راتبك ، عشان يعرف وشلون تعيش بنته بكره

انا اشوف انه ما فيها شئ ، وسؤاله ما فيه تقليل من قدرك ابدا

انت اخذت الموضوع بحساسية

الله يوفقك

انا معك ولا اعترض ... ترا اسمي صار (مازلت انتظر):d
مافيها شي يسأل عن الراتب اخوي ... صدق ممكن انها ازعجتك ولا الومك لأن تفكير الناس طبعهم يختلف ... واكيد مو معقول تبي تتزوج وانت ماتقدر تصرف على بنتهم ....
لكن مثل ماقلت لك طبع الناس وتفكيرهم يختلف ..واللي يعيش ياما يشوف ... انس اللي راح ولاتفكر فيه ...
واذا سألك احد مره ثانيه عن راتبك قول له عندي خير ومافي احد ياخذ غير رزقه ووووو الخ
واذا اصر يعرف ..ز اعرف انت انه شي عادي ومو غريب

الله يوفقك