![]() |
أخي الكريم صاحب رأي سديد.. أشكر تشجيع الدائم لي.. وإذا رحت أو ما رحت راح أدعيلك.. :)
|
هلا بيكي أخت Night 2005
صوت ثالث يؤيد روحتي.. أشكر مرورك الكريم. الأخت fluer أشكر مرورك الكريم وصوت رابع. الأخت بحرينية ولكن أشكر مرورك الكريم ونقلك لتجربتك.. وصوت خامس.. |
الأخت أسيرة قطر..
المشكلة مش في التواصل عندي صحبة أمي فوق الأربعين تتصل فيه تقولي تعالي نخرج ونسولف ونتكلم بأغلب مواضيع المتزوجين.. لكن إن هذي المجموعة تعودت أروحلها مع صديقتي فتعلق في عقلي الباطن إنو ما يصلح أروح إلا معاها.. لكن بإذن الله راح احاول أكسر الحاجز.. بس شفتهم يوم المستشفى كلامهم يمرض ويطفش.. ما قدرت استحمل انا وصديقتي المتزوجة حتى 10 دقايق.. أأشرلها وتأشرلي يالله نقوم.. " بييييض".. صدقيني مش حكاية متزوجين وانا لأ.. شوفي ولد صحبتي يموت فيه بس أدخل من الباب يمسك يدي يوديني غرفته ويقلي اجلسي نشوف كرتون.. ونلعب سوا وأجري وراه وينط عليه وازغزغه.. ما عندي مشكلة.. بس هذولا متزوجين من زمان ومسوين فيها حريم وجايبين شغالاتهم يمسكو الأولاد وحركات غريبة أنا ما تعجبني وأستنكرها.. صديقتي مستحيل تخلي ولدها مع الشغالة وما عندها عقد. الله ييسر.. أنا عارفة إني لو رحت راح أغير جوهم وأخليهم يفرفشوا وتروح كل المجاملات.. هذا طبعي بس أدخل مكان يكون هاديء بعد 10 دقايق تلاقيهم يضحكوا ويتكلموا.. لأنهم أستفزهم بفكرة أو موضوع وهمه يكملوا الباقي :) حمستوني.. بروح أحركهم على ازواجهم هيهيهيهي " أمزح " |
فديتج روووووووووووووووووووووحي وإذا ماعجبج كلامهم بالمزهرية على راسهم:d ....أمزح
انا مع صاحب رأي سديد روحي وسعي صدرج واسمعي سوالفهم وتعالي خبرينا:d بكل التفاصيل |
اقتباس:
نظرة وحدة تكفي :) ولا كلمة مني تخليها اسبوع ما تنام تقول ايش كان قصدها :) الله يسهل.. أشكر مرورك الكريم.. ولو رحت أكيد أرجع أطمنكم إن شاء الله. |
انا مع رأي صاحب رأي سديد
|
الأخ أو الأخت.. la vie
أشكر مرورك الكريم,, ورطتنا يا أخ صاحب رأي سديد :) الجميع معك ! |
ماراح أسمع غير أحسسسسن ما تزوجتي للآن
اذا انتي خايفة من هالجملة صديقيني ماراح تمسعي غيرها انا اسمع في العمل اسمعها وانا جالسة بين خالاتي اسمعها من جارتي ومن صديقاتي من الكل فعلا مثل هالطلعات تضايق احيان تدري انا مره كت مع زميلات الدراسة بالجامعة نفس الشي وحده سوت جمعه وجمعتنا عندها ورحت لاني مشتاقة لهم ولايام الجامعة وكانت معانا وحده الله يهديها بس دفش في الكلام وبس باعلى صوتها قالت لي يالله يالحب والحبيب كلنا تغيرنا وتغيرت حياتنا الا انتي زي ماانتي لازواج ولا خطب ولا شي هااااااااااااااا ايش رايك يومها انخنقت وانحبست دموعي في عيني والي في الصالون كلهم حزنوا علي وهاااااااااااات نظرات استعطااااااااف تلاقي الوحده فيهم تتمنى تسير رجال عشان تتزوجني وتخففي عني أأأأأأأأأه على التجريح والكلام الي ماله داعي لكن مع هذا كله روحي واطلعي وابتسمي واثبتي انك مو ناقصك شي وانه درة غالية وجوهرة مالقيت احد يعرف قدرها وبرمجي نفسك على مثل هذه الصدمات واتقبليها بابتسامة عريضة ورضا تام وكل شي نصيب |
اقتباس:
الأخت الحب والحنان أشكر مرورك الكريم.. ما أدري إيش راح أقول لو سألوني عن عدم زواجي حتى الآن أغلبهم تزوجوا بدري وما جربوا الإنتظار.. أنا ما أتهم أي وحدة لو سألت سؤال ماله داعي باللئم لأنهم فعلا ما يستوعبوا الموضوع.. يعني راح يسألوا بسذاجة إنو إنت ما ناقصك شي طيب ليه ؟ بكل بساطة أقول مجتمعي صغير وما عندي معارف كثر.. وبس :) ويالله على يدكم جبولي عريس :14: كل وحدة جايبة بزرتها :15: وجاية وأنا جاية بطولي :29: وفي بعضهم يخافوا على نفسهم من :28: وحتى لو أنت مو حسودة ولا غيورة يشككوكي بنفسك و تسيري تخافي من نفسك.. :24: شكلي أروح متأخرة أئدي واجب ساعة وأمشي.. :18: |
أحب أقلكم إني رحت.. والحمد لله مرة أنبسطنا وكان هدوء بدون عيال.. اعتبرت روحتي تحدي لنفسي وتعويد لها..
صحبة البيت إنسانة راقية بكل معنى الكلمة ما شاء الله.. وباقي البنات اصيلات كنت متوقعة عدم التجريح.. طبعا مدرستنا الله يخلها أحسن مدرسة وربت أحسن بنات :) أشكركم على تشجيعكم لي وخاصة الأخ الفاضل صاحب رأي سديد وفعلا اسم على مسمى.. وإن شاء الله لك دعوة خاصة في ظهر الغيب.. مع أني مو ناسيتكم :) |
الساعة الآن 03:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©