مع إن أنا أعتقد إن أفضل الزوج يكون أكبر من الزوجه لكن كل قاعده لها شواذ يعني في هالحاله الرجال ما ينعاب و موافق و البنت موافقه و فرق السن بس ثلاث سنوات يعني مو كبير أبد و بصراحه اللي رافضين ما عندهم سالفه يضيعون على البنت عريس لأسباب ما لها داعي :confused: وش معنى لما بنت يتقدم لها واحد أكبر منها بـ15 سنه ما أحد يعترض؟؟؟؟؟؟

الله يوفقهم
خلهم يتوكلون على الله بس

تحياتي

اذا جائكم من ترضون دينه و خلقه فزوجوه

اشكر الجميع على مشاعرهم الفياضه
ومشاركتهم لي في اتخاذ قرار مصيري
بالنسبه لاختي 000
وأسف على الخطاء في العباره التالية :-
(لكن هو أكبر من أختي بثلاث سنوات ) والصح هي أكبر منه بثلاث سنوات 0
والي يسئل عن عمرهما ؟
أختي عمرها 24 سنه
وخطيبها عمره 21 سنه
هل أحد عنده ملاحظه على العمر ؟

لان احد أخواني قال أن عمره صغير بغض النظر عن الفارق
بين عمريهما !
واكرر شكري وتقديري للجميع على هذا التواصل الجميل 0

الفرق مش كبير والمهم بيكون شخصيته وخلقه ودينه ومقدرته الماديه علي الزواج
انا حصل معايا نفس المشكله ومتمش الزواج عشان مكنتش اقدر افتح بيت ايامها
يارب يكون حظ اختك افضل من حظي
سلام
سلام

بس 21؟؟؟ و أنا اللي على بالي زوجي بيبي لأن عمره 24 :p

ما أدري و الله يعني شي كويس إنه يبي يستر نفسه بالحلال بس من تجربه شخصيه ساعات الشاب يحن لأيام العزوبية بالذات إذا كان أول واحد يتزوج من ربعه يصير يحن بعض الأحيان للديوانيات و الجمعات و طلعات البر و السهر للصبح و كذا :rolleyes:

عموما ما دامه يبيها خلها تستخير ربها و ربي يقدم اللي فيه الخير إن شاء الله

أختي العزيزه Mrs. Malgoofa تحياتي
واشكرك على تجاوبك
خطيب أختي ماله اصحاب يسهر معاهم
هو ملتز من ناحة الدين الساعة تسعه في البيت
ولا يحب السهر أبد هو يذهب للرحلات يوم الخميس
والجمعه فقط وهذا مصالح أختي لتذهب لبيت أهلي
يوم الخميس والجمعه 0
تحياتي 000000000