|
مين إللي زعلانه ومتضاقه القمر
كبريائي لاتزعلي نفسك وترى مافي أحد في الدنيا مبسوط ميه بالميه إنتي إدعي ربك والله يوفقك ويفرج همك ويسعدك يارب |
لولو انتي هنا ياقلبي ؟:d
انا عارفة مافي احد مبسوط لكن احس ايامي تمر بدون فائدة عشان كذه متضايقة وعندي اشياء كثير حلوة ومرغوبة لكن مستغربة ليه مابيتقدملي احد ؟؟:29: ولو قلنا شئ عن نفسنا قاولوا المنتدى في رجال لاتوصفوا شكلكم وانا ماوصفت لكن قلت اشياء اتمتع بيها ودائما تكون مطلوبة لكن كل شئ مقدر ومكتوب انا ماعندي غير الصبر والدعاء لاني فعلا تعبت واهلي تعبوا معايا زيادة وكمان انا الكبيرة :29: .................................................. ................... سنون ومنون .. بارك الله فيك على كلامك |
يااااااااه ياكبريائي
كلمات قوية.. وانا اشعر بمثل ماتشعرين الله يفرج علينا جميعا حالتنا متأزمة هاليومين ماتلاحظين..؟ شسالفة؟؟ |
سالفتي انا ماتخلص ...
حالتي متازمة لاني كل يوم اسمع كلام زي السم ... وكل ما افتح موضوع الزواج مع امي اسمع شروطها الغريبة اقول ياربي رحمتك كانكم انتوا اللي بتتزوجوا ؟ انا ما انكر الاهل يبغوا الافضل لبناتهم بس مو لهذي الدرجة ؟؟؟؟؟؟ :( المهر 50 او 70 تخيلي ... غير الشبكة والطلبات والفرح في اكبر قاعه وبيت ما ادري كيف ومو اي واحد نقبله بس قبائل معينة وقلتلها طيب لو ماجا واحد من اللي انتي تبغيهم ( لامي ) ؟.. قالت ممكن نتنازل لما تكبري شوية وتقل فرصك لكن حد ما انتي لسه كذه لاتفكري صدقيني كلام اكثر يقهر ولالالالالالالالالالالالالالا الموضوع الثاني مافي رجال طيبين في الزمن هذا يعني مو اي احد نقبل وياشوبارد لو قلتلك كم عمري تضحكي مووووووووووووووووت 21 سنةويقولوا عانس لانه عمرك ما اتقدملك احد واسوأ شئ لما يقولوا ايش تبغي من الزواج ؟ ( اهل امي واقاربي وكلهم متزوجيين ) ماراح تستفيدي شئ خليكي في بيت اهلك اكرم تدرين الاجازة كلها ماخرجت الا بس كم مرة وكلها غصب ولسه امس كنت معزومة وانا جالسة واحدة سالت كم عمرك ؟ قلت 21 قالت ماشاء الله احسبك 17 :25: شكلك صغير ولما رجعت البيت مبسوطة اتسدت نفسي وكتبت هذا الكلام لانه امي قالت لاتحلمي تتزوجي واحد عمره 21 او 22 لازم العمر يكون محصور بين 25 و 30 سنة ويكون جامعي ويشتغل في الخطوط او دكتور او طيار او مهندس لازم تاخذين واحد رجل من اياهم والا بتقعدين وصمة عار علينا العمر كله ومانسلم من الناس وكلامهم لو اخذتي واحد اقل من هذا المستوى ..... ياقلبي هذا بس جزء من القهر اللي داخلي كل البنات اصغر مني وخلاص اتخطبوا وانا يتكلموا عني كاني عمري 40 سنة واصلا انا ما ارد عليهم واسكت ولااطالع فيهم ونادر ما اتكلم معاهم غالب وقتي ساكتة وهادئة وفسروا هدوئي بالغرور وربنا مايوفقك عشان انتي قلبك اسود :( لاجول ولاقوة الابا الله من متى كان الهدوء غرور ؟ .. ولو اتكلمت يقولوا ايش عندك ؟ مسوية مصيبة وتصدقي قبل يومين امي ماتكلمني ياشوبارد انا طفشت كل شوية تمسك جوالي وتشيك على الارقام والرسايل وهذا رقم مين ومين وجوالي الان طول الوقت مقفل عشان ماودي احد يتكلم ويقول عندها شئ لهذي الدرجة مافي ثقة ؟ تحطيم مرة تحطيم وغير المعايرة بانه تخصصي فاشل ومافي وظائف خليكي في البيت افضل يعني موتي قهر وطفش انا بطبعي ما احب اخرج بيوتية بس مايحقلهم يعاملوني كذه ؟ والا ايش رايك ؟ انا ما ارد الا نادر على كلامهم عشان ودي اخلص من المشكلة بدري لاني لو رديت بتكبر ... الله يصبرني ويريحني وينصرني على من ظلمني لاني فعلا مظلومة وانا متحملة وانا اخترت اسمي كبريائي لانه فعلا الا كرامتي ما اتنازل عنها حتى لاقرب الناس ليا وما اعرف ليه ودائما ابكي لكن لوحدي وفي الليل تلاقي وجهي على المخدة واصيح من القهر ايش رايك ؟.. مو قهر او انا مشاعري طفولية ؟ الحمد لله عمري ماسويت غلط لكن ما احب احد يحسسني اني ولاشئ وهما يحسسوني ولاشئ عشان مافي احد اتقدم ولا مرة واحدة |
خاطرتك وكلماتك وصفت جزء ليس باليسير من ما نشعر به.
انا اشعر احيانا اني مختلفه عنكم شوي!!!! عارفه ليش؟؟ لأن ماقض مضجعي وزاد همي ، الا حالتي في بيت اهلي من الاهانات والقهرررررررر ودي اعيش في جو عائلي صحي ، الصغير يحترم الكبير ، والكبير يشفق على الصغير وكل واحد يعرف حقوقه وواجباته-----------> وهذا للأسف اللي افتقده بشده عند اهلي احيانا اقول خيره!!!!!! ، يمكن ربي يبيني اذوق المر واجرب نتائج التربية العنصرية (الحريم مالهم كلمه، والكلمه للرجال) عشان بكره اذا ربي كتب لي زواج وذرية ، اربي عيالي تربية سليمه وصحية بس المشكله اذا ربي ابتلاني بواحد عنصرررررررررررررررررررررررري!!!!! الله يستر بس :24: :24: :24: موضوع الزواج يأتي في المرتبه الثانية عندي وان كان الزواج ممكن يكون حل لمشكلتي الاولى .. شكرا لك كبريائي جعلتيني ابوح واتكلم ، لي كم يوم مالي نفس اتكلم!!! |
كبريائي
تصدقين لما اشوفك ضايقة انقهر ياشيخة عيشي حياتك ووسعي صدرك توك صغيرة تكفين لاتضيعين احلى فترة بحياتك بهم الرجال اللي ماجا وبما أن عندك مميزات هذا شي طيب.. مع انه صدقيني ماتفرق كثير النصييييييييب وبس وبما انك واثقة من نفسك من ناحية الجوال لاتضايقين خليها تشوفه انا مثلك ماحب احد يمسك جوالي واتضايق بس اذا امي عادي وبعدين من ناحية عمر الرجل بالعكس حلو اذا صار كبير صدقيييني يعني لاتشيلي هم |
هلا بالعسل اللي وصل :d :d :d
ليش هالحزن كله؟؟ خليكي جدعة يا بنتي .. في مثل يقول: خبي العسل باجراراه لحد ما تغلى اسعاره الله يرزقك بالزوج الصالح عاجلا غير اجلا يا حي يا قيوم اللي حيبك ويخاف عليكي ويكون لك سند في الدنيا والاخرة اللهم امين ما بدي اشوف هالحزن عليكي مو لابئلك :d |
اقتباس:
حتى في المعهد يقولون لي وش فيك؟؟؟؟ |
شوبارد ... يا شيخة الله يسعدك احس في حماس في ردك :d .. انا عايشة حياتي بس مشكلتي اني حساسة بسرعه واقل
كلمة تاثر فيا .. وفعلا اليومين هذي حالنا زايد يمكن لانه الاجازة قربت تخلص وحاسين كل شئ مثل ماكان مافي تغيير ؟؟ :29: .................................................. .................................................. .................................................. .. @@ The Swan@@ .. حالي قريب لحالك الاحترام في البيت معدوووووووووووووم الصغير مايحترم الكبير والكبير مايعطف على الصغير وانا مثلك اقول يمكن ان شاء الله اربي عيالي تربية صحيحة واتكلمي ياقلبي قولي كل اللي عندك ما اعتقد في احد يشكي اكثر مني انا وشوبارد :d .................................................. .................................................. .................................................. ...... شخصية مجهولة .. مايليق عليا الزعل ؟ :18: ..هههههه اه ياشخصوصة ربنا يسمع منك تسلمي ياقلبي |
الأخت الكريمه كبريائى
اسعد الله أوقاتك ؛ أنت فين وأيش أخبارك وكل هذا الحزن ليه ؛ أدمت الحزن فينا لحزنك مستعد أكتب علشانك مطويات من البكى والنحيب ولكن حل المشكله سهل ومش محتاج تفكير ؛ قرص واحد أسبرين وكوب ماء ؛ وبعدة على طول سندوتش فول ؛ ولو لسه فية شوية ألم .. يبقى نسمع نكته أو أثنين عن واحد كان مسطول من هفوه أو كلمة هايفة ننحمق ونقوم نسب وندب ؛ ويدور العراك بالشوم وكل محموق وله فرقه تقوم بهجوم من قبل ماتعرف الظالم من المظلوم تبقى الشراره حريقه والسحابه حسوم لا شركه تنجح ؛ ولا عيله صفاها يدوم ومنين نشوف العدل ولا السفينة تعوم مادمنا فوق قلبها قاعدين لبعض خصوم تضحك علينا الحدادى فى السما والبوم بيرم التونسى أختى الكريم ؛ أرمى أحزانك فرب الكون موجود ............. سامع دعائك لما يكون فأدعى الرحمن بالليل والنهار لما تقوم ............ وأمسك تلابيب الأمل لما يكون |
| الساعة الآن 04:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©