أعتذ أخواني كنت بس أبغي أكلمكم بالماليزي وبالاندنوسي بس قلت أكيد ما يفهمون مثل وجهي


على العموم لازم المراه تستاذن زوجها عند الخروج وهذا يحسسه بقيمته عندك

كلامك صحيح 100/100

أنا لازم استأذن زوجي إذا باطلع..
بس لما أكون عند أهلي أحيانا شهر أو أكثر شوي أو أقل..
اقول له من البداية..
تراني باطلع وباروح وباجي.. صعبة بالدقيقة أتصل أقول لك وين باروح ووين باجي..
فعطاني الاذن أني أطلع على راحتي..
إلا بعض الأماكن إللي أتوقع إنه يمكن يرفض لازم أتصل وأقول له..
مثلا أروح المجمعات مع صديقاتي.. غالبا يقول لا.. إلا إذا كان عندي شغل.. تسوق مثلا..

صحيح

يجب علي الزوجه ان تستأذن زوجها ان ارادت الخروج


واذا كان معطيها تصريح في الخروج مافي مشكله

واذا حصل اي شي يجب ان تبلغ زوجها

أنا بالنسبة الي بموت بهذا النوع من الرجال اللي يفرض شخصيتو علي وأحس لما أخذ الأذن منو أولاً يحس برجولتو ومسؤوليتو تجاهي وثانياً بحس إنو في شخص يحبني ويخاف علي ويهتم فيني
هذا بالنسبة الي

بالفعل كلام جميل ينبغي للاخوات النظر الى هذا الامر بكل حرص واهتمام

أنا موب متزوجه بس مملكة
لكني تعودت اذا جيت أطلع ولا شي أخبر زوجي..مع ان هو ما مرة قال لي لا (الا صراحة مرة كنت بأروح السوق في رمضان بالليل مع اختي بروحنا و قال لي اصبري بكره أنا أروح معاكم)
بس عموما هذه عادتي حتى مع اهلي مثلا اذا جاء زوجي ما اطلع معه الا اول اخبرهم مع ان انا واثقه 700% انهم ما راح يقولون شي بس انا احس عيب يعني ان اطلع من البيت و ما اقول لاهلي حتى لو اني طالعه مع زوجي..و أستانس لما اقول لأمي انا راح نطلع تقول لي طيب حبيبتي الله يهنيكم و يبعد عنكم اولاد الحرام

صح.. أنا أبداً ما أخرج بدون إذن أهلي حتى لو كنت مع صحباتي أو صحبة أمي.. مو عشان إني ما أقدر ولازم أستأذن.. لكن حتى يشعر والدي إني أحترمه وبالتالي أفرض إحترامي ويعاملني كشخص مسؤول ولا يستهين بأي تصرف أقوم به. ولا أحترم الزوجة التي تراوغ بالكلام وتخرج دون علم زوجها.. موضوع قيم وفيه تنبيه للي مو منتبه واللي ما يعرف قيمة الإستئذان وفوائده ونتائجه الإيجابية... شكراً.

شكرا لكم وعلى تفاعلكم مع الموضوع
وودي ان يقرا الموضوع اكثر عدد من الاعضاء