اختي كان الله في عونك ..
بعض الرجال تأخذه العزه بالأثم ولايحب المواجهه وجهآ لوجه ويرتاح للرسائل ويتأثر بها اكثر ..

واقترح كتابة رساله تحتوي على :

1_ مصارحة بأفعاله وماتعانينه بسببه من الم ..
2_ تذكيره بالله وعاقبة ما يفعل عليك وابنائك..
3_ الدعاء له من القلب بالهدايه حتى يهدأ ويلين قلبه في لحظتها..
4_ قليلآ من نوع من انواع التهديد المناسب لزوجك اما من الفضيحه او الفراق او اي نقطة ضعف له لكن بكل ادب واحترام وتوضيح بأن صبرك وصل حده وانك مجبرة على ذلك_ هذا كضغط وتهديد فقط لكن اياك ان تفعليه _ ..




اختي الغاليه اذكرك بالأستمرار له بالدعاء والأكثار من الأستغفار والتقرب لله تعالى في جميع شؤن حياتك والأستعانه بمستشار اجتماعي ذا ثقه اذا استمر في افعاله ..

اسأل الله ان يفرج كربك وهمك ..

اخيتي انت قلت انه يحب بيته وأولاده ........
أجلسي معه بكل حزم وقولي له ياأنا يا غيري(.....)
ثم أذهبي إلى بيت أهلك ولا ترجعي حتى يمل ويأتي اليكم وبعدها أرفضي الرجوع معه حتى يعاهدك ويحلف انه سيتركهم


أغلب الرجال الذي يهددون بالطلاق لايفعلونه........ لماذا؟ لكي يضغطوا على زوجاتهم عند فعلهم لأمر سيء

والله أعلى وأعلم

خيتي حفظك الله......
والله سالفتك مؤثره جدااااااااا...
وتصدقين قعدت كثير افكر,,,,وحطيت نفسي مكانك..بصراحه موقف لاتحسدين عليه,,,,
راح اقولك كلام...لكن بنفس الوقت ماابغاكي تقولين...تمخض الجبل وولد فأرا..
يعني راح احاول.......
انا والله عزوبي مش متزوج........
لكن وبما اني لاعرف مستوى زوجك العلمي....وعلى فرض كان مثقف يعني...
ممكن انك تناقشينه بس بهدوء...ادري راح تقولينلي كلمته..وافهم هالشي...
بس اختي ترى العتب بعد يبغى له فن..وثقافه معينه..مثل فن الاعتذار والزعل وغيره.....
يعني بكل بساطه....انتي صارحتيه وهو يدري.
اطلب منك طلب صغييييييييييييير..........
الطلب هوووووووووو::::::::
شفتي الكلام اللي كتبتيه لنا الحين.........
سوي منه نسخه...........
واحفظيها عن ظهر قلب.............
واقعدي وناقشيه..كانك تناقشيني انا مش هوووو....
كيف كتبتي لنا....كانه واحد من الاعضاء الرجال جالس قدامك..
لاتزيدين ولاتنقصين حرف,,,,
تبدأين يافلان ..كذا كذا كذا...وتقولين له القصه كامله بصيغة المخاطب....
وشرط تكونون بالغرفه لحالكم...وتكون نفسيته هاديه ورايق..وحبذا في الليل...
اهم شي اختي..مش كانك تكلمينه....كانك تكلمين شخص ثاني..
تجلسي معاه وجه لوجه...وقوليله فيه وحده قصتها كذا كذا...وانت وش رايك ؟؟؟؟
وش لازم تسوي هالانسانه؟؟؟؟
برايي لو عنده ذرة احساس..راح يحس ويتغير....
واذا ماحس,,,,,
مالك الا الصبر ..والدعاء...ولاتايسين من رحمة الله....
تصدقين اختي موضوعك قطع قلبي....

وربي فعلا فيه بصنفنا حنا الرجال,,,,فعلا اشباه رجاااااال..
انا اسف اختي قسيت على زوجك واكيد فيه الخير هو انشالله بس من القهر والله.......
مقهوووووووووووووور

داريه اني ملقوفه لاني طمرت على موضوعك ...:d

وانتي تبين راي رجاااااااااااااال ومالومك صراحه نحتاج دائما اننا نعرف شلون يفكرون الرجاجيل ......

بس دخلت عشان ادعي لك ان الله يسخره لك سخره عظيمه غصبن عليه ..وانه مايشوف غيرك من الحريم ..وجعل ربي

يصرف قلبه وعقله عن غيرك من الحريم.. والله يعلق قلبه بك ويألف بين قلوبكم ولا يجعل للشيطان عليكم سبيلا ..

بصراحه فرحت يوم شفت ردود الرجال المشرفه الله يبيض وجيههم....

والله اني افرح اذا صادفت رجال يحمل في قلبه غيره على الانثى ويستنكر التصرفات الغبيه اللي يمارسها غيره من

الرجال . في الوقت اللي يكون فيه اشباه الرجال يشجعون بعض على الرذيله والخيانه وخراب البيت .

يارب كل رجال رد عليك في موضوعك ان الله يسخر له زوجته ويجمع بينهم في خيران كان متزوج .


وان كان عزوبي الله يرزقه باللي تسعده وتخاف الله فيه وتحفظ غيبته .

إخواني جزاكم الله خير على الردود....

بس في بعض الردود تجبرني إني أقول قصة حياتي كلها مع زوجي على شان يقتنع بإني حاولت بكل اللي أقدر عليه...ما أدري هل أتكلم عن حياتي كلها...على شان توضح الصوره...أم إني أسكت...لكني أفضل السكوت وتفويض أمري لله سبحانه هو العالم بحالي...

الصراحة فتحتوا عليّ جروح بردودكم...رجعت تنزف من جديد...وآلمتني وابكتني وملت عيوني دموع حالت بين إني أكمل كتابه...

بس بغيت أرد على بعض الردود...

إخوي جلييب....اللي يقول وينك من ست سنين.....أرد عليه وأقوله اتجرع الضيم والظلم طو ل هالست سنين....لا تظن إخي الكريم إني لاهيه عن حياتي...يعلم الله إني تعذبت فيها كثير....الحمد لله ادعي رب العالمين وألجأ له هو سبحانه...بإنه يهدي زوجي ويصلحه ويصبرني ويعوض صبري خير....ولجأت لمصلح أسري وكانت نصيحته الصبر والدعاء...وهذي أنا اصبر وادعي ربي....

الأخ أو الأخت adag99...أهلي ما أقدر ألجأ لهم خلاص...لأن زوجي وأهله مقاطعين أهلي...بسبب كثر المشاكل اللي بينهم....وفي آخر مشكله وأكبر مشكله بيني وبين زوجي صارت قبل سنه تقريباً.....أهل يرفضون إني ألجأ لهم مهما صار بيني وبين زوجي ...لإني فضلت الصلح مع زوجي على الطلاق اللي كانوا يبغونه....الشي اللي خلاهم يضنون إني فضلت زوجي عليهم وبعتهم....والله يعلم بنيتي سبحانه


بالنسبة للإخت إم معتصم اللي قالت لي اكتبي له رساله....فأقولها للأسف زوجي ما يحب هالإسلوب ...ما يحب يقرا...فبيتجاهل رسالتي وبيقولي قولي لي الشي على طول ولاتكتبينه....


أما الأخ لورنس الشمري.. اللي قالي اجلسي معاه جلسه هاديه وتكلمي معاه...والله جلست معاه وتكلمت بكل هدوء....والنتيجة كانت إنه حلف على المصحف إنه ما يعرف هالبنات...وهو يقصد إنه ما يعرف أشكالهن...وهذا صحيح هو ما يعرف إلا أصواتهن...( رد دبلوماسي)...بس ما بغيت أكبر السالفه وسكت....

الإخت مزاجي غير.....مشكوره الغاليه على الدعاء الحلو...ولج مثله يارب...


ما لي إلا الدعاء واللجوء لرب العالمين...وهذا أفضل علاج...


بس أبغي أقول لكم شي.....لين ألحين ما في رجل واحد رد على أسئلتي....الكل يقولي شو أسوي....أنا أبغي أعرف شو اللي يبغيه الرجل من زوجته في حاله إنها عرفت بخيانته....كيف يبغيها تتصرف وكيف تعالج المشكله معاه وتنهيها للأبد....؟؟؟؟...يعني شو الشي اللي يخلي الرجل يترك الخيانه....؟؟؟

بعدني مصره أعرف رايكم يا الرجال....

يا جماعة الخير ...
لا فهم المنطق الذي عند البعض..
متزوج و يلعب بذيله. يا اخواتي الفاضلات لو كنت مكانكم ليتزوج او ليكف عن اللعب.
انا افضل ان تكلمني زوجتي وتسعدني بالموضوع المقاطعه. لكن قضييه لعب على الغير ثم ياتي الي طبعا لا.
ارجو ان اكون قد افتك.
اخوك....

الحل ان شاء الله في هذي الجمله اللي قلتيها..

انتي قلتي انك جربتي كل شي معاه و ما نفع من كلام و مواجهه بكل الاساليب

انا عندي حل و ان شاء الله ينفع

اول شي اشغلي نفسك عنه، اقرأي كتب ، اعملي اي شي

اهتمي بنفسك و لبسك و خليكي في البيت على سنقة عشره..وطبعا اعملي حركات اغراء تلفت نظره لك ..كانك عملتيها عفوياً يعني

افتكري كيف كنتي قبل ما تتزوجي

زوجك حبك بشخصيتك

وكمان الثقل صنعه ..بس لا تثقلي عليه مررره يعني انت واسلوبك معاه

وطبعا هو لما يشوف انك بدأتي تشغلي نفسك عنه حيجري وراكي

و طبعا لا تخليه يحس انه مو هامك اللي بيعمله..بالعكس خليكي متأثره من الموضوع ...لكن كل أنثى و ذكائها..وانت الوحيده اللي تعرفي زوجك اكثر شي

فكري قبل ما تعملي اي خطوة

الله يصلح لك زوجك ويجعله قرة عين لك ويحفظ سمعه وبصره ولسانه وكل جوارحه عن ما حرم الله..وجميع المسلمين.....اللهم آمين وصلي اللهم على محمد