الصراحه اقرا المشاركات و انا اتخيل نفسي مكان الطفل المسكين

يا ناس عمره 3 سنوات

حرام هالعذاب كله
ابوه و اقفل عليه الباب و اذله بمنظر الشكولاته
مع احترامي لراي الجميع

ابني عمره 3 سنوات
اقول له كلمه واحده فقط

عندما اكون بالخارج
اذا ما تصير عاقل راح نرجع للبيت
يقولي خلاص انا عاقل
و هناك طريقه ثانيه عندما تذهبين لبيت الجد
خذي معك فلم كرتون الي يحبه او افتحي له سبيس تون
و اخذي معاك العابه بلاش الالوان و الاوراق
لانه حيرسم على حياطين بيت جده

بس والله حرام اتذكر من كنا نروح بيت جدنا كان الله يرحمه هو وجدتي يحطونا بعيونهم و كانو يؤسرونا بحنانهم و ياما غلطنا و كسرنا
في هذا الوقت احسست بقيمتهم و حنانهم و انهم ما يتعوضون ولا الهم مثيل


يا اختي خلي ولدك ينمو طبيعي وحيكون بذاكرته مخزون من الذكريات الجميله ويكبر يدعي لاجداده دائما بانهم كانو رمز الحنان

كلام الاخت ام اثير عدل ..بس سن الولد قرب على 4سنوات يغنى هذا العمر الطفل يفهم فيه الثواب والعقاب ..من جذي اختي قتلج العقاب عند الضرورة وليس كل كبيرة وصغيرة عشان لا يفقد قيمته ..اذا كان مشاغب جدا (يعني يضرب يكسر ويرفع يديه على جديده )) لابد من العقاب
لكن اللعب الطفولي وشقاوته مايسوى العقاب لان الطفل بطبيعته يحب الاكتشاف والمغامرات والتعبث والحركة الزايدة وكونه وحيد لازم تراعين هذي النقطة اكيد اهو يتضايق من اللعب بروحه
عليج عاد تعويضينا موبس بالحنان والتوبس ((مو احنا الحريم نموت على اخدود الياهال)) عوضي بمشاركته بالعابه وبالرسم والنشاطات مع ابوه وامه واخي العالبه بيت اهلج عشان يشغل وقته ومايضايقكم من الملل

بصراحة مشكورييين وما قصرتوا والله يعطيكم الف الف الف عافيه

افكاركم مرة حلوة

بس ولدي توه صغير ما راح يفهم بالمحاورة لسه بدري عليه فيه كلمات ما راح يفهمها مثلا (((لا تفشلني ))

ما راح يفهمها

لكن اسلوب الشوكولاته انا متاكده انه راح ينفع...........

وان شاء الله ربي راح يوفقني


واخر الكلام مشكوريييييييييييين

بالمررررره...........


اختكم
احلا قطوة......

مثل طريقتي بالظبط بس انه زيدت عليها اني اسوي روحي اتصل بمركز الشرطه عشان ياخذونه ينيمونه عندهم او اخلي احد يكلمه بالتلفون يدعي ان هو شرطي وبعد ما في فايده الله يعينج اختي مالج الا الصبر والله يعينا على عيالنا ((يبي لهم قلب ما يتعب ))