![]() |
اقتباس:
ياخي(( خيركم خيركم لاهله وانا خيركم لاهلي )):( وتقولون انه النسوان يحاولون يخربون البيوت :( قل خيرا او فصمت على العموم اخي وليد زوجتك غلطت وانت غلطت ان شاء الله تكون فكرت وعقلت ورجعتها :22: اخوي هدي مشاكل الحياة الزوجية >>>>>>>> يعني طبيعي كل زوجين يتعرضولها ((((((((( انت لسه شفت شي))))))))))))) انا وحده شفت الامرين من زوجي ومع ذلك تحملت وصبرت خمس سنين عليه والحمد لله قدرت امشي السفينه للحد الحين هيه يمكن عصبت شوي كانت غلطانه معك حق لكن لو انت من الاول كلمتها وما خليته يتراكم في نفسيتها يعني لما تتزاعلوا على طول كلمها قولها ايش المزعلك كلمها كلمتين وفي النهاية فهمها وضعك وانك تعبان ولازم تراعي نفسيتك واذا عادتها بدون عصبية قلها بحزم انها ماتكلمك في الموضوع وانهي الموضوع اخوي ليه الرجل له القوامه مو عشان يطرد شريكة حياته لا او يربيها ويتحكم لانه العاقل اللي يعرف متى يحط النقط على الحروف في بعض الرجال وهذا من ((( الذكاء )))) يعتقدون ان مراضاة الرجل لزوجته ضعف في شخصيته وهدا دليل على ضعف العقل لا مراضاة الرجل لزوجته دليل على ان هذا الرجل كبير واقصد كبير العقل والقلب سارع بمصالحة زوجتك حتى تكبر في عينيها وعين اهلها ثم اخي اذا اهلها يؤثرون عليها ابعد المسافه بينها وبينهم لكن اذا اردت عمل هذه الخطوه فبرضاها اضحك عليها وتحايل مثل وجدت بيت اكبر واشرح او احتاج لبيت قريب من عملي لاتزعلها عشان بنوتك والله يوفقك |
بما انها طلبت ان تسكن بجانب اهلها
و قبلت بهذا واهلها ماثرين عليها و كل هذه الامور ما فائده الاهل و هم جيرانكم اذا ما و قفو مع بنتهم ليش ما يوصلوها ويجيبوها من الجامعه |
ما هكدا تورد الابل
اعتقد ان الغلط قد صدر من الاثنين انت وهي . حاول اعادتها للبيت واجلسا معا جلسة مصارحة وود وحب اخبرها بما عانيته من اجلها اخبرها بأنك لم تنسى معاناتها في المواصلات وان لبحث عن باص لياخدها جاري عليك ان تضعها في الصورة لا تخفي عنها شيئا .......صدقني هذا ما يريح بالها كل عصبيتها انها تضن انك اهملت الموضوع وانك لا تهتم بها وان الاهم في حياتك هو شغلك وبس اخبرها بأن عصبيتها الزائدة وحكمها الظالم عليك ليس في محله تسامحا وليرضى كل منكما عن الاخر ......كل ما في الامر ملابسات غير مفهومة من قبلها اتن ايضا ضغوط العمل حاول ان تبعدها عن بيت الزوجية حاول ان تنسى ما الم بك في العمل وجدد حياتك كل ساعة وكل لحظة اذهب الان وارجعها للبيت قبل ان يعلم احد بما جرى بينكما انتما تتصالحا ......... ولكن ان وصل الامر الى اهلها ستكثر عليها الآراء وتتخبط هي في اتخاذ القرار وربما تعاند اكثر ارجو من الله العلي العظيم ان يسعدكما ويبارك حياتكما |
شكل اهلها هم اللي محرشينها ، نفس اللي صار مع طليقتي السابقة حرشتها امها وكبرت راسها علي واخرها صار الطلاق .
ما انصحك الا تحاول تجيب سواق وسيارة صغيرة ، السواق اجرته 800 ريال والسيارة ممكن تاخذها اقساط او اجار منتهي بالتمليك وباقساط ميسرة ، مالك حل الا كذا علشان ترتاح من مشاويرها . انا ضد تصعيد الامور ولكن حاول قدر الامكان معالجة الموقف بدون ابداء التنازلات وان تشعر بضعف في شخصيتك . حاول ارسلها مسج حلو على جوالها ، او اكتب رسالة صغيرة وارسلها مع بنتك اليها . حاول ان تعيد الامور ولكن بدون ان تشعر بانك ضعيف ، فربما تعود ولكن الموضوع سوف يتفاقم اكثر مستقبلا . تحياتي لك |
اخوي فيه مثل يقول
تبع النسيب من خبث النصيب فلا تسكن جنب انسابك مهما كلفك الامر ثانية دور لك سكن جنب الكلية اللي هي تدرس فيها واسكن حتى تروح على رجولها وترجع ثالثا قلل من روحاتها لامها لان بعض الامها خبلات تكبر راس بنتها وتعندها على زوجها تحسب الزوج بيركع ماتدري انه بيزعل وبيطلق بنتها او يرجعها لها مثل ماسويت |
ها.....شصار عليكم؟؟
ان شاء الله زوجتك رجعت للبيت؟؟؟ اتمنى تبلغنا باخر المستجدات...... دووووووت |
الف الف شكر لكم يااخوتي ...
واسمحوا لي اني مارديت على ردودكم لكن يعلم الله اني قيرتها كلها واخذت اهم النقاط منها ... وكل كلمه باذن الله مسجله عندي .. والوضع الان ابشركم جبت زوجتي لكن لسه القلوب ماصفيت ... وفيه شويت زعل لكن اهون من امس ... وانا ناوي باذن الله مثل ماذكرتوا ... 1. النقل من سكني 2. بخرج اليوم او بكره مع زوجتي ونحاول نتصارح اكثر وان شاء الله تعدي على خير 3. باذن الله بحاول احصل باصات وتكفى اللي يعرف باص يوصل من الخبر الى كلية البنات بلدمام يراسلني على الخاص .. 4. اذا عصبت مره ثانيه بخرج من البيت ومابتكلم مع زوجتي .. والله استفدت منكم شغلات كثيره يلغاليين ووالله ماادري كيف اشكركم ... والله يفكنا من الغضب ويكفينا ... وباذن الله بخبركم عن كل المستجدات وماادري بصراحه كيف اشكركم ,... |
الان وفورا تلحق بزوجتك..تصطحبها لبيتك وتعتذر منها..تتصارح معها تخبرها بضغوطك ..وهمومك
|
اتمنى لك كل التوفيق
اسمح لي اذا طلبت مشورتك بعذ اذنك في مشكلتي اللي بقلها شهر م وانتظر ردك علي احر من الجمر تزوجنا مند سنه وارتاى ان نسكن مع اهله مؤقتا لكني لم اعد احتمل لكثرة تدخلات اخواته في رغم اني اعمل المهم اني تركت لهم البيت مند 25 يوم و انا حامل في الشهر الثاني قفل الهاتف و لم يسال عني بحجة اني لم اكن لاتركهم وهو في العمل لكني لم احتمل ضغطهن ولم اكل شيء طول اليوم الي ان ذهبت الي بيتنا ، ذهب ابي الي عمله و تكلم معه لكن المشكله في اخواته وعندما التقيت به تشاجرنا حتي قررنا الطلاق .والله ثعبت مادا سافعل هم جميعا ضدي احبه رغم كل شيء ولا ادري تركته لهم وفعلوا به كما يريدون . |
يخوي واضح انو مرتك متضايقه او شايله في خاطرها عليك
حاول تجلس معاها (جلسة صفا )وفهمها قبل ما تبدو النقاش انك تبا تحل المشكله صح وانك ما راح تتكلم عشان تدافع عن نفسك بس واطلب منها نفس الشي (انا و جوزي دايما نعمل كدا و نطلع بنتيجه كويسه والحمد لله) وحاول تختار وقت يناسبكم الاتنين ولا تعصب عليها حتى لو هي عصبت لانو انت عارف انك غلطان واعترف بغلطك واعتذر منها وصدقني راح تهدا هي كتير ولو تقدر خد اجازه وقلها هادي الاجازه عشانك لاني ابا احل المشكله حتى لو تاخد منا ايام وشجعها تتكلم ازا كان في شي تاني مضايقها وبعد ما تتكمو و تراضيها فهمها انو وضع عملك مره صعب وانها لازم تتحمل شوي عشان حياتكم تمشي صح وصدقني راح تتفاهم معاك بس حط فبالك انو مو كل مره تطردها هادي حياتكم ازا انتو ما انتبهتو عليها لا تتوقع من احد انو ينتبه عليها والله يوفقكم |
الله يكون في عونك
باين انك مضغوط من العمل حيل وللاسف لم تقدر تعبك ونومك الي مخربط الي يتعب النفسيه زياده اهي الانانيه مو انت التزم الصمت لما تقدر اهي وتجي تعتذر وكان الله في عونك وفعلا الانسان يجبر علي ظروف يمشي بها بدون اختياره كان الله في عونك اخي الكريم |
اختي امولا ...
شكرا لك على نصيحتك وبلنسبه لموضوعك والله مالي لك الا الدعاااااااااء واحتساب الاجر ... وماادري وش اقول لك بصراحه لكن اللي فيني كافيني ولو تسوين موضوع بتحصلين تفاعل افضل باذن الله .... عزيزي Made In Ksa فكرتك جميله عزيزي وباذن الله قيد التنفيذ ... وبلنسبه للطرد فباذن الله اول مره واخر مره ... وشكرا لك عزيزي |
اختي مها الكويت ...
اشكرك على تفهمك ومواساتك ... وباذن الله تصفى القلوب ,,, شكرا اختي |
فعلا امرك غريب يا اخي عندك هالاسلوب الرائع في التعبير عن نفسك وجالس اتبرر لنا موقفك وكان الاجدر بك انك تبرر لزوجتك وتشاركها همك وهذا مو عيب لان هذا من مهام القوامة ان تقوم على خدمتها والصبر على ذلك
|
احرجتيني والله اختي الزهور البريه
لكن لكل شي حد ... النصيحه تجي مره الى مرتين وبعدين خلاص ... هو الغلط ماهو عيب لكن تكراره هو المشكله ... باذن الله انا بحاول اتفاهم معاها اكثر والله ييسر الامور ... امين ... |
حمدلله على سلامة زوجتك المصون اسعدني تفاعلك الايجابي اسأل الله ان يسعدكم دوما
أختك حائزة |
الله يوفقكم ويسعدكم واهم شيء تخرج من البيت اللي قريب من اهلها لأن البنت لما تكون قريب من اهلها تصير الحياه كلها مشاكل
والتفاهم هو اساس الحياة الزوجيه تفاهموا على كل شيء وافتحوا صفحه جديده علشان تقدروا تعيشوا بدون مشاكل |
لا يوجد وحاول عزيزي ان تنسق بين عملك وبيتك واتمنى لك التوفيق اي مشكله عزيزي هذا شيء روتيني يحصل بين كل الازواج اتركها قليلا من ثم اذهب اليها وراضيها
|
اخوي انا شايفه انك محتاج حل إلحين تبي احد يساعدك بالقرار الي تسويه عشان تصلح الي صار
انت الحين والآن في هذه الآونه ترسلها مسج تقول ببدايته طبعا بسلوب تغلى وشيء من الغشمره...انتي اول ما قتلك نامي عن اهلك ماصدقتي خبر ونتي عارفه اني ما أقد.... وكمل عاد بطريقتك ولا تنسى يكون في اسوبك نوع من الاعتراف بالندم الغير صريح ..صدقني كذا هي رح تتعلم منك ورح تكسر عينها بغلطها ورح تشوفبإذن الله معاملتها رح تتغير معك والله يهدي الي بينكم ياريت تصلي ركعتين بعد المسج تهدي من نفسك شوي.وياريت تطمنا عنك اخوي .. لي عوده لما قريت ردود الأخوان كثير منها ايجابيه خذ منها الصح والي تحس انه يناسب في تقويم الأمور صراحه ماقريتها كلها وقفت عند الخ رداع الله يجزاك خير خلك منصف شوي اخوي رداع لاتصير حازم ترى المره صحيح تحتاج لكثير من الاحيان للشده لاكن بإسلوب مو بدفاشه الله يهديك ولا تنسى انها مخلوقه من ضلع اعوج ان عدلته كسر خوفتني ما قدرت اكمل ردك يدوب السطور الأولى حيلك على الجنس اللطيف. |
معليش كنت مستعجله في ردي وما عرفت انك رديتها الحمدالله زين انك ماطولت للفجر ولا كان اهلها عبو راسها
اخوي نصيحتي عشان ماتبقى الأمور مشحونه اكثر من كذا بينكم ويضل كل واحد فيكم شايل عالثاني ونتو ببيت واحد ارسل المسج وإن كانت موجوده عندك وهذا احسن لان بكذا تضمن ان ماحد من اهلها بيئثر عليها وتكون إنت البادء بالمصارحه والفضفضه وهالشي بيريحك كثيييييير ومثل ما قالولك الخوان شجعها على ان تتثقف وتبدأتتعلم منك عسها تكون اكبر المشاكل بينك وما تنعاد |
انزل فى الحال هاتها بدون اى تردد وكمان اصبر عليها لو لسه زعلانه وانا متاكده انها بتحبك وهتسامحك بمجرد متشوفك عشان جراتك ومبادرتك بحل المشكله ومش هتزعلك تانى ابدا ربنا يسعدكم ويهنيكم ويبعد عنكم الشيطان
سلام |
أنا ما قريت الردود قريت المشكلة بس
يا أخي أنت مضغوط من العمل و تتوقع لما ترجع تلقاها فارشة لك الدنيا ورد و هي بالمقابل تقعد أوقات طويلة لحالها و يمكن تحس ببعدك عنها فلما تتواجهون كل واحد يصير محمل و متوقع من الآخر امتصاص غضبه لكن اللي يصير العكس موجب و موجب ما يجتمعون فأنت كبر عقلك عليها و جارها بكلامها و صدقني أنا امرأة و أعرف نفسيات النساء تلقاها تعصب بسرعة و تقول كلمات تهد الجبال ( كفارات عشير ) لكنها بسرعة تندم و تعرف غلطتها ...... و هي مهما حاولت تصلحها تبقى ضلع أعوج و الضلع الأعوج ما عمره يتعدل .... حط هالحقائق دائما براسك و لا تقعد تحاسبها على كل كلمة حاول تمشي الأمور و تتغاضى عن الهفوات و الله يوفقكم و يصلح بالكم |
أقولك اللي سواه زوجي معاي:أكرمها بعفوك وعفوك وعفوك ثم عفوك عن زلاتها مع تذكير بسيط عند تكرر الخطأ بأنها ليست الأولى وأنت لاتحب ذلك حديث الرسول:ما أكرمهن إلا كريم وماأهانهن إلا لئيم
والمرأة خلقت من ضلع أعوج إن ذهبت تقيمه كسرته وكسره طلاقها وهذا ابغض الحلال |
الأخ الكريم waleed4w
إعلم أخي الكريم أنه بمجرد خلاف الزوجين يبدأ الشيطان بتكبيرها فلا تكن مع الشيطان وإذهب لزوجتك أم بنتك الجميلة ولا تجعل باب للشيطان أغلقه بوجهه بقوة إذهب للجميلة ودلعها وراضيها للكمات أثر رائع مهما صدر منها فصدقني بالنهاية أنت المستفيد بمراضاتها وستنال من الأشواق الكثير ولكن عليك بالتدليل وتغليط نفسك وإصبر فمن الجميل أن تبدأ بالمصالحة لأنك أنت من طردها فصعب جدا.. ونصيحة من أخت لك إجعلها بحياتك قاعدة: (لا تطرح أسئلة قد تؤدي إلى إجابات غير مرضية لك أو قد توجد المنازعات وحدة الغضب)... مهما كان الوضع بينك وبين زوجتك وخصوصا بوقت الغضب إطرح السؤال على نفسك أولا وأجب برده العكسي الذي لا تتمنى سماعه وقل لو ردت علي وأجابت بالرد الذي أكرهه كيف ستكون ردة فعلي..؟؟ وتراجع فورا عن طرحه إن كان رده قد يضايقك..!! فداائما حاول أن تفكر قبل أن تطرح.. فكيف تطرح عليها سؤال بوقت الغضب,,,!! إنظر إلى ماذا أدى وبالطبع هي تحبك وإجابتك بتلك الإجابة لغضبها فقط.. إغتنم دخول رمضان وإذهب لمراضاتها.. وأتمنى أن تجد من الأشواق ما يطفأ ما فات ويدفنه فرج الله همومكم وأبعد عنكم الشيطان...وحفظكما لبعضكما يارب تحياتي لك |
اقتباس:
والحمد لله اخي على رجعت زوجتك للبيت والله يوفقك وترى اخر مره ممنوع تعيدها هاي زوجتك حبيبتك مو حد غريب الله يوفقكم يارب |
اخي الكريم
كل منكما مخطئ انا وضعت نفسي مكان زوجتك ،،، من البداية ،، دوامك كان من 9ليلا الى 7 صباحا هذا تعب وارهاق بالنسبة لك ،، وزيادة انك تجي وتودي زوجتك وانت بحاجة لمن يخفف عنك التعب والارهاق،، 1_انت تأخرت عنها 15 دقيقة ،،،لأنك نايم ،، ولك عذرك ،، ((طبعا اذا كنت وضعت عندك منبه ،، ولاقمت)) فهنا لك عذر وهي ماتحملت واتصلت عليك تهاوش،، ويمكن لاقت ضغوطات وماتحملت !!!<<< هذا خطأ منها المفروض انها قدرت تعبك ،، وتفاهمت معاك بهدوء،، وعرفت عذرك ،، لو فعلت هذا ،،لما تطور الأمر،، 2_ انت اخطات في ردك عليها لما تهاوشت معاك ،،( واعذرني)،، لكن لوقلت لها مثلا ،، والله ياعمري كنت واضع المنبه ،، وما دريت ،، وهذا فوق ارادتي ،،، وخلاص حبيبتي انا جاي ،،، لكان افضل لك ولها ،،، والله انها لتخجل ،،، وتجي هي تعتذر منك،، 3_ هي اخطات في اسلوبها معاك لما قالت (( اذا انت ماتقدر تدور.....)) وخاصة انها تعرف انك بحثت ولم تجد،، ولو ختارت افضل منه ،، لكان افضل ،، ويبنغي عليها ان تقدر تعبك،، 4_انت اخطات لما دفيتها على الأرض ،، وينبغي عليك ان تضبط اعصابك ،، وترفق بها،، 5_ وصفها لك بانك اناني ،، وماتبي تشوفك حسب كلامك،،، هذا خطأ كبييييييييير بحد ذاته ،، اين الاحترام والتقدير؟؟ اين رد الجميل ،، واين الايجابيات،، 6_ انت قلت لها (( اجل لاتنامين عندي اليوم وروحي بيت اهلك )) ماينبغي لك انت تقول لها ذالك ،،، ولو قلت لها،،، على راحتك،، واهم شيء راحتك،،، سوي اللي تبينه كان افضل ،،، هي اصلا ،،، بتخجل منك ومن نفسها ،، وبتعرف خطاها،، واخيرا رأيي ان تتركها فترة حتى تجيء اليك ،، وبعدين خلك طبيعي ولا كان شي صار،، وافتح معها الموضوع بهدوء وحبذا لوكان في جلسة رومانسية،،، وخلها تقول اخطائك،، وقل اخطائها بحكمة واسلوب ،،، وعالجوها ،، وكل واحد يتغاضى عن الثاني ،، موكل صغيرة وكبيرة ،، تحط في البال،، واذا ماجت الك،، رح لها ،، وبعد ماتجيبها ،، قل لها ،، انا ما ابغى بيتنا ينهدم عشان شيء مايسوى ،، وما ينبغي اي شي يصير ،، تروح لأهلها ،، والكل يعرف المشاكل ،،،<<<< هذا اكبر خطأ ،،، وكل واحد منكم يذكر اجابيات الثاني ،،، والعشرة الطيبة ،،، واهم شيء قل لها ،،، ترى علاج المشاكل مو بيوم اويومين ،، يحتاج الانسان لوقت حتى يغير من طبعه واسلوبه الخطأ،، ولكن اصبرو وحاولو معالجة الخطأ بالحكمة والهدوء،،، والابتعاد عن الغضب (((( لاتغضب،،، لاتغضب،،، لاتغضب،،،،، ورددها مرارا)) وتذكر،،،،،،،،،،دائما ،، كل ابن ادم خطاء وخير الخطائين التوابون ،،، وليس العيب ان نخطئ ولكن العيب ان نستمر في الخطأ،، وفقكم الله واسعدكم |
خلالالالالالالالالاص جابها يا ناس !!!
الله يوفقك اخي ويسعدكم جميعا |
الأخ الفاضل / وليد
السلام عليكم والله ان أخواني وأخواتي أعضاء ومشرفين ما تركوا شيء أحدثك فيه. أخي الحبيب . أستغفر الله و أعد زوجتك . وعفا الله عما سلف . وأسال الله ان يهديكما ويصلح بينكم . وان يبعد عنكما الشياطين. وتصفا نفوسكم , ويهدأ بالكم . ويحفظ لكم بنتكم |
والله انكم اكثر من اخوة يااعزائي ...
الف شكر على مروركم ونصحكم لي وخاصة اني كنت في امس الحاجه للنصائح ... ماادري والله كيف اقدر ارد لكم الجميل ولكم مني بدعوه صادقه في الغيب باذن الله وان شاء الله اوفيكم حقكم وابشركم بدأت الأمور تهدأ لكن نحتاج لوقت الى ان تصفى القلوب .. وانا كنت خايف في البدايه لأني حسيت بعد طرد زوجتي اني اقترفت خطأ ماهو بسيط ... وماكان لي بعد الله غيركم وماشاء الله عليكم ماقصرتوا في اي شي ... بارك الله لكم اخوتي على النصائح اللي جات في وقتها ... والموضوع هذا حفظته عندي في الكمبيوتر وبتمعن اكثر في ردودكم واخليها درس لي ولغيري ... اخوكم ::::::::::::: ولــــــــــــــــــــــــيد |
ونحن كل اللى يهمنا أن نسمع عنك أخبارحلوه وأن تكون تصالحت انت وزوجتك مع بعض وأن لايدخل الشيطان بينكم
على فكره الشيطان الذي يخرب بين الزوجين إسمه ( داسم ) فاليت كل واحد او وحده يتشاجرمع زوجته يقول أعوذبالله من داسم الرجيم فوالله الذي في علاه على طول بيهرب الشيطان وتهدئ الأمور والله يوفقك ويديم عليك السعاده |
داسم :rolleyes:
الله يلعنه :( |
داسم ..؟؟؟؟
والله معلومه جديده اختي ... وشكرا اختي روعه على التحذير .. وابشركم الحمد لله الامور اصبحت افضل من اول بكثييييييييييير وان شاء الله على طول ... والف الف شكر لكم على وقوفكم معي يااخوتي والله يوفقكم جميعا ومبروووك عليكم الشهر .... |
مبارك الشهر عليكم
واصلح الله بيوت المسلمين نسخه للمشاكل المحلوله |
الساعة الآن 04:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©